Wotewrjena diskusija w Dźiwadle na hrodźe
Budyšin (SN/CoR). Snano bě to najwažniši wuslědk wčerawšeho wječora w kopatym połnym Budyskim Dźiwadle na hrodźe: Zo su ludźo rozdźělneho nastajenja hromadźe rěčeli wo temje, kotraž tuchwilu jenož Budysku ludnosć njepači. Pod hesłom „Palace aktualne: Kak dale w Budyšinje?“ běchu NSLDź, město Budyšin a Budyski Lions-club tydźeń po wohenju w planowanym azylowym domje Husarenhof na předstajenje „Herr Biedermann und die Brandstifter“ a přizamkowacu so podijowu diskusiju přeprosyli. Budyski wyši měšćanosta Alexander Ahrens (njestronjan), krajny rada Michael Harig (CDU), předsyda Lions-cluba Stefan Richter a intendant NSLDź Lutz Hillmann zahajichu tuž rozmołwu, na kotrejž so tež publikum čile wobdźěli.