Serbsko-Němska syć Łužycafilm kritizuje postupowanje Marcusa Końcarja

Budyšin (SN/CoR). Ze zjawnym listom kritizuje Serbsko-Němska syć Łužycafilm postupowanje zastupowaceho jednaćela Domowiny Marcusa Końcarja na poslednim posedźenju Zwjazkoweho předsydstwa Domowiny. „Ze spodźiwanjom a starosćenjom su łužiscy filmowcy, zjednoćeni w syći ­Łužycafilm, na wědomje brali, zo wotpokazuje serbski zastupnik w rozhłosowej radźe rbb, knjez Marcus Końcaŕ, pokročowanje monotematiskich wusyłanjow w rjedźe delnjoserbskeho magacina ,Łužyca‘“, w lisće rěka.