Budyšin (SN/CoR). Dokal ze Słowjanami w němskich stawiznach? Z tutym za němski stawiznopis a muzejownistwo wočiwidnje ćežkim prašenjom je so wčera wječor wjace hač dwaceći ludźi na zhromadnym zarjadowanju Serbskeho instituta (SI) a Muzeja Budyšin na tamnišej žurli zaběrało. Po witanju zastupowaceje direktorki serbskeho slědźenišća dr. Susanny Hozyneje je stawiznar dr. Arne Lindemann z Podstupima předstajił, kak a pod kotrymi wuměnjenjemi so wobraz wo Słowjanach po nacionalsocialistiskim času w prastawizniskich muzejach NDR přeměnjowaše.