Hornjołužiscy gymnaziasća a delnjoserbski kolektiw wuznamjenjeni

Choćebuz (KPo/SN/bn). Projektowa skupina „Žaba“ Serbskeho gymnazija Budyšin (SGB) je z prěnim lawreatom spěchowanskeho myta Łužiskeje filmoweje přehladki „Akcija!“, wupisaneho wot Šule za delnjoserbsku rěč a kulturu (ŠDRK) kaž tež wot Choćebuskeho filmoweho festiwala (CFF) za „najlěpši filmowy koncept, zdźěłaneho wot akterkow a akterow w starobje dwanaće do 25 lět“. Wčera přijimachu w Choćebuskim Serbskim domje Hilžbjeta Pöpelec, Sophie Matješkec, Johanna Hadankec, Tadej Donat a Ludwig Budar z 3 000 eurami dotěrowane myto z rukow nawodnicy ŠDRK Uty Henšeloweje a jednaćela CFF Andreasa Steina.