Kónclětny program rejowaceho dorosta rozžohnowanje w dwojim zmysle

Budyšin (SN/bn). „Łužičanki“, kaž dorostowym rejowanskim skupinam Serbskeho ludoweho ansambla rěkaja, su předwčerawšim na wupředatej žurli SLA w Budyšinje swój lěto zakónčacy program „Zyma, zyma rjana je“ druhi a posledni raz předstajili. Byrnjež tójšto z dohromady 140 čłonkow a čłonow ćělesow schorjenja dla sobu skutkować njemóhli, zamóchu holcy a hólcy dorosćenych přihladowarjow jimać a najmłódšich wopytowarjow putać.