Poskićeja jewišćo za demokratiske zarjadowanja

štwórtk, 26. januara 2023
artikl hódnoćić
(0 )
Wot 1. februara wupožčeja we hłownej wotnožce Budyskeje měšćanskeje biblioteki Tonie-boksy, woblubowane pola dźěći k słuchanju bajkow. Sobudźěłaćeraj Lara Erler a André Jurk prezentujetaj wuběr dohromady 188 figurow.  Foto: SN/Hanka Šěnec Wot 1. februara wupožčeja we hłownej wotnožce Budyskeje měšćanskeje biblioteki Tonie-boksy, woblubowane pola dźěći k słuchanju bajkow. Sobudźěłaćeraj Lara Erler a André Jurk prezentujetaj wuběr dohromady 188 figurow. Foto: SN/Hanka Šěnec
Budyšin (SN/bš). We wobłuku projekta „Kraj.twori.demokratiju“ stej Zwjazkowa centrala za politiske kubłanje (bpb) a Němski zwjazk bibliotekow z. t. (dbv) po cyłej Němskej dźesać bibliotekow za pilotowy projekt wuzwoliłoj, kotrež chcedźa jako partnerojo demokratiju, dialog a mnohotnosć w swojich regionach skrućić. Mjez cyłkownje 80 požadarjemi bu tež Budyska měšćanska biblioteka wuzwolena. „Dotal hišće politisko-kubłanske zarjadowanja poskićili njejsmy, tohodla smy so wo móžnosć prócowali.“, wuwjedźe nawodnica knihownje Anna-Theres Pyka. Wuzwolena je biblioteka mjez druhim, dokelž zmóžnja jednory přistup ke kubłanju. Wotmysł zarjadowanjow je, demokratiju zesylnjeć a politiski zajim zbudźić. Wot měrca do septembra ma knihownja pjeć zarjadowanja we wšelakorych formatach planowanych. „Chcemy dźěći, młodostnych a dorosćenych docpěć.“ Kotre konkretne formaty za to wužiwaja, rozsudźa w přichodnych dnjach, ale móhli to přednoški, diskusijne forumy abo dźěłarnički być.
wozjewjene w: Kultura
Prošu přizjewće so, chceće-li komentar podać

Serbska debata

nowostki LND