Wopytowarjo Frankfurtskich knižnych wikow wotkrywaja sej čitajo w ...
Wjerbno steji w srjedźišću Serbskeje pratyje 2023
Wjerbno (HA/SN). Z wjace hač 190 stronami je Serbska pratyja za lěto 2023 zaso jedna z najwobšěrnišich publikacijow Ludoweho nakładnistwa Domowiny w delnjoserbskej rěči. Wot tych dohromady 52 dlěšich a krótšich přinoškow je 32 z pjera dźensnišich delnjoserbskich, hornjoserbskich a němskich awtorow a awtorkow. Jich je cyłkownje 27, kotřiž su do noweje Pratyje dopisowali. 15 z nich je swój přinošk w delnjoserbskej rěči napisało, třo w hornjoserbskej a dźewjećo w němskej. Tele ličby wotbłyšćuja tuchwilne połoženje na polu delnjoserbskeje spisowneje rěče.
Poetiski křižowy puć w šěsć rěčach
Wjace hač jeno słowa
Městnosć za wšelake generacije
Wojerowski wobydlerski centrum Kufa dóstanje za přichodnej dwě lěće jara dobre financne spěchowanje. Silke Richter je so z 32lětnym projektnym nawodu Tonijom Züchnerom rozmołwjała wo „Třećim městnje za Hoywoj“ a wo hižo nastatym kaž tež planowanym.
Sakska ministerka za socialne naležnosće Petra Köpping (SPD) běše njedawno z hosćom Kufa. Što běše přičina za to?
Přičina bě spěchowanska přiražka za natwar „socialnych městnow“ we wjesnej wokolinje. Spěchowanski program wuchadźa ze sakskeho socialneho ministerstwa z Petru Köpping na čole.
Za dwě lěće 265 000 eurow spěchowanja. Što woznamjenjatej tutej ličbje za „třeće městno“ w Kufa?
To je naš zakład za přichodne tři lěta. Z toho zapłaću so jako „manager“ za „třeće městno“. Nimo toho mamy eksterneho přewodźerja projekta Olafa Winklera, kotryž mje při přesadźenju podpěruje.
Festiwal bajkojće zahajeny
Serbšćina 2.0
Znowa serbske a łužiske prapremjery zaklinčeli
Choćebuz (UL/SN). Mjeztym 48. Choćebuska hudźbna nazyma je z koncertami w Choćebuzu a Delnjej Łužicy swojej tradiciji, předstajić přewažnje nowe twórby serbskich a němskich komponistow, tež lětsa swěrna wostała. Při tym stejachu a steja wosebje komornohudźbne twórby w srjedźišću.
Lětuši koncert w połnje wobsadźenej Madlowskej cyrkwi swj. Měrćina skićeše minjenu sobotu šěroku paletu hudźbnych twórbow z pjeć lětstotkow. Při tym zahorichu čłonojo solistiskeho ansambla Choćebuz kaž tež hudźbnicy filharmoniskeho orchestra Statneho dźiwadła Choćebuz w najwšelakorišich wobsadkach publikum z wuměłskej perfekciju kaž tež z wulkim angažowantom zdokonjanymi interpretacijemi. Wot zahajenja z „Partitu II“ Georga Philippa Telemanna w njewšědnej wersiji za marimbafon hač k sławnemu „Kanonej w D“ Johanna Pachelbela dožiwichu připosłucharjo mnohostronske a jimace koncertne popołdnjo.
Spěchowanje za 370 projektow
Drježdźany (SN/at). Dohromady 370 małych projektow na wsach spěchuje Kulturna załožba Swobodneho stata Sakskeje lětsa. Kaž załožba wčera informowaše, su spěchowanske srědki za fonds małych projektow z dobrymi 1,3 milionami eurow wučerpane. Z pjenjezom maja institucije w 165 gmejnach lěpšinu.
Mjez tymi, kotrež móžachu so přez miły pjenježny dešć wjeselić, běchu tež serbske towarstwa. Tak přizwolichu Serbskemu wjesnemu ansamblej Wudwor 10 000 eurow. Domizniske towarstwo Radiška w Lemišowje/Stróži je za literarno-muzikaliski wječor „Zejler/Kocor reloadet“ 5 000 eurow dóstało. Podpěru žnjeli su dale Serbski ludowy ansambl za zarjadowanje „Čěske nocy“ w Smochćicach z 5 000 eurami, Budyske Němsko-Serbske ludowe dźiwadło 9 900 eurow za „Třibajkowy rum“, Spěchowanske towarstwo „Dom Zejlerja/Smolerja“ we Łazu 1 910 eurow, Kulturna załožba Miłkečanski park Radwor 5 500 eurow abo Chróšćanski cyrkwinski chór 1 600 eurow.
W běhu lěta bě so wjace hač 580 projektnych nošerjow pola kulturneje załožby wo spěchowanje požadało.
„My dyrbimy dale serbsce wusyłać!“
Dołholětny nawoda Serbskeho rozhłosa a MDR-studija Budyšin, Helmut Rychtar, je w starobje 80 lět dnja 10. oktobra 2022 zemrěł. Wosobinsce sym jeho 1989 zeznała, hdyž buch jako młoda njenazhonita žurnalistka hišće za čas natwara studija w Budyšinje pola Serbskeho rozhłosa přistajena. Bě takrjec mój „rozhłosowy nan“, sym pola njeho žurnalistiske rjemjesło nawuknyła. Je nam młodym wjele přicpěwał, nas pohonjował a spěchował. Jeho credo rěkaše: Serbski rozhłós ma pomhać, serbšćinu skrućeć. Runje tohodla je so wo to postarał, zo so hornjoserbski radijowy program z Choćebuza do Budyšina přesydli, hdźež je reporter wosrjedź serbskorěčnych rumow, lóšo rozmołwnych partnerow namaka a hdźež je na tamnym boku lóšo, dalšich dorostowych rozhłosownikow zdobywać. Zdobom jara na to dźiwaše, zo namjezne ewangelske kónčiny njezabudźemy a zapřijamy: Wojerowsku a Slepjansku holu a ewangelski region wokoło Budyšina. Tam je nas reporterow wědomje pósłał.
