Sport (23.07.21)
Dalši serbski supercup
Sportowa jednotka Njebjelčicy je zajutřišim, njedźelu, w Njebjelčicach hosćićel 4. serbskeho supercupa, turněra ze štyrjomi serbskimi koparskimi mustwami. Wot 14.30 hodź. budźe prěnje połfinale mjez mustwomaj ST Radworja a SJ Njebjelčic, wot 15.25 hodź. dalše mjez SJ Chrósćicami a Sokołom Ralbicy/Hórki. Hra wo třeće městno započnje so potom něhdźe w 16.25 hodź., finale wokoło 17.25 hodź. Zastupny pjenjez w Njebjelčicach žadyn zběrać njebudu, za dźěći změja tam skakanski hród.
Testowe koparske hry
23.07. 18:00 Sokoł Ralbicy/Hórki –
Hórnikecy (stara garda)
24.07. 13:00 FSV Budissa Budyšin –
Brjazki-Zły Komorow
24.07. 14:00 SJ Chrósćicy –
Wojerowski FC
31.07. 17:00 SJ Chrósćicy –
Sokoł Ralbicy/Hórki
01.08. 14:30 ST Porchow –
Mały Wosyk/Pančicy II
01.08. 15:00 ST 1922 Radwor –
FSV Bretnig-Hauswalde
Trjebany ekwipment w poskitku
Łužiske lodohokejowe liški předawaja jutře w tradiciskej rumnosći w Běłowodźanskej lodowej arenje swój ekwipment minjeneje sezony. Wot 11 do 15 hodź. smědźa sej tam zajimcy trjebane bički, smykače, rukajcy a nahłowniki kupić. Wažne předawarjam hišće je, zo bjeru jenož hotowe pjenjezy.
Lětsa zaso Kulow-cup
Tójšto wrotow w testowej hrě
ST 1922 Radwor –
LSV Hory 1990 4:4 (2:3)
Za domjacych zasadźeni: Tausend, Grenzemann – Reinecke, Šěrak, Schulze, Nuk, Omran, Wjacławk, Hančik, Glücklich, Paška, Grubert, Hettasch, Seiler, Wróbl, Wowčer
Do přihotowanskeje hry, kotraž bu wčera w Serbskich Nowinach wozjewjena, běchu Radworscy koparjo hižo tydźeń prjedy testowu hru přewjedli. Do Radworja bě mustwo z Horow přijěło. Radworskemu cyłkej je so nowopřichad Mick Grubert z młodźiny přidružił, hewak chce wokrjesny ligist z dotalnym kadrom na wuspěch minjeneje sezony nawjazać.
Mustwu z prěnjeje ligi podleželi
1. FC Union Berlin –
Dynamo Drježdźany 3:0 (2:0)
Zestawa domjacych: Luthe – van Drongelen (46. Jaeckel), Knoche (61. Dehl), Baumgartl (46. Friedrich), Puchacz (46. Gießelmann), Öztunali (46. Haraguchi), Khedira (46. Andrich), Ryerson (46. Wszolek), Ingvartsen (61. Endo), Behrens (61. Sanogo), Voglsammer (61. Abdullahi)
zestawa hosći: Broll – Knipping, Will, Sollbauer, Löwe (58. Stor), Herrmann (65. Akoto), Stark, Schröter (46. Borrello), Mörschel (58. Sohm), Daferner (72. Aidonis), Königsdörffer (33. Vlachodimos)
Z treningom a hru spokojom
ST Hnašecy-Dobruša –
ST 1922 Radwor 3:4 (3:1)
Za hosći zasadźeni: Ch. Šěrak, Tausend – Reinecke, F. Šěrak, Grubert, Seiler, Glücklich, Pječak, Schöne, Wjacławk, Wróbl, Hančik, Nuk, Dej, Jendrewski, Schulze
Hižo pjatk wječor honješe trenar prěnjeho koparskeho mustwa Sportoweho towarstwa 1922 Radwor Mario Bischof swojich chowancow po lońšej premjerje druhi raz na Budysku wohnjowobornu wěžu horje a zaso dele. Wjacore razy dyrbjachu hrajerjo 126 schodźenkow přewinyć: hač w sprinće, z jednej abo woběmaj nohomaj wot schodźenka na schodźenk skakajo. To drje bě dračina, na kóncu pak bě kóždy z treningowej jednotku spokojom. Někotři mějachu hišće dny po tym myškoweho kocora.
Dwaj dnjej pozdźišo čakaše na Radworskich koparjow dalši dobry testowy přećiwnik z wokrjesneje wyšeje ligi. Woni nastupichu pola ST Hnašec-Dobruše. Z ćežkimi nohami startowachu hosćo do druheje testoweje hry, prjed hač nastupja njedźelu na 4. serbskim supercupje w Njebjelčicach.
Nowe zestawy staflow NOFV
Prezidij Sewjerowuchodneho koparskeho zwjazka (NOFV) je po swojim zjězdźe 25. junija 2021 slědowacym zjednoćenstwam přizwolenje wudźělił a rjadowanje staflow za hrajne klasy NOFV za sezonu 2021/2022 wobzamknył.
regionalna liga-Futsal skupina sewjer
FC Liria
S.D. Chorwatska Berlin
UFK Podstupim 08
FC Beach United
CFC Hertha 06
FSV Hansa 07 Berlin
skupina juh
FC Carl Zeiss Jena
BSG Chemija Lipsk
Halleske Wjelki Futsal
1894 II
Heidenauski SV
SC Borea Drježdźany Kilian Hrjehor
W Budyskim wokrjesu kiwa wolejbulowy jubilej
Před šěsć lětdźesatkami prěnju mjezynarodnu wolejbulowu hru we wokrjesu přewjedli
Před 60 lětami běchu w Budyskim wokrjesu prěnju mjezynarodnu hru we wolejbulu přewjedli. Prezidij Němskeho wolejbuloweho sportoweho zwjazka mytowaše wuspěšne dźěło wuwića wolejbula we wokrjesu a wuhotowa mjezynarodnu partiju 31.10.1961 w Korzymje. Budyšin njeměješe w powójnskim času žanu wotpowědnu sportownju k dispoziciji, tak zo dojědźeštej sej narodnej mustwje tehdyšeje Němskeje demokratiskeje republiki (NDR) a Čěskosłowakskeje socialistiskeje republiki (ČSSR) do Korzymja. W 15.30 hodź. započa so w kopatej połnej hali partija mjez němskimi wolejbulistami a b-wubranku susodneho kraja.
Pytaja lodohokejistow
Delanscy koparjo předskok z ruki dali
Sokoł Ralbicy/Hórki –
ST Ćisk 2:2 (1:0)
Za domjacych zasadźeni: Schöne – Bejmak, T. Bejma, Wałda, Rawš, Rachel, Šołta, Gloxyn, B. Bejma, Janca, Domaška, Nuk, Ćěsla, Kurjat, K. Matka, M. Matka, Šiman, Korjeńk
Njedźelu tydźenja přewjedźechu koparjo Sokoła Ralbicy/Hórki dopołdnja wot jědnaćich testowu partiju přećiwo klasu wyše hrajacemu cyłkej ST Ćisk. Tón je w krajnej klasy zdobom kontrahent Chróšćanskeje SJ.
Blidotenisća z medalju startowali
Po jara dołhim času smědźachu so sportowcy zaso do ćěłozwučowarnjow wróćić. Runje za dorost blidotenisa Viktorije Worklecy běše to njesćerpnje wočakowany wokomik. Po jeničce dwěmaj treningomaj čakaše hižo prěni turněr na blidotenisowy dorost, a to spartakiada Budyskeho wokrjesa.
Na mjenowane wubědźowanje podachu so štyri chowancy trenarki Jadwigi Richteroweje a trenarja Marcela Rjelki. W hrajnej klasy młodostnych dyrbještaj Benjamin Grutka a Florian Mikławšk připóznać, zo su ći tamni lěpje přez nanuzowanu přestawku přišli. Jeničce Benjamin je jednu hru za sebje rozsudźić móhł. Za dalše koło pak njedosahaše.
Wuspěšnišej běštaj Jan Šnabel a Matej Kober w klasy šulerjow B. Matej wubědźi sej w swojej skupinje po wulkim boju respektabelne třeće městno. Jan zawěsći sej samo druhe městno a zaćahny tak do štwórćfinala. Tam je kontrahentej z mustwa TTC Połčnicy z 2:3 snadnje podležał. Hižo to běše dobry wukon. Přińdźe pak hišće lěpje. W dwójce dobyštaj Šnabel a Kober bronzowu medalju. Z prawom móžeštaj so jara wjeselić.
Maturanća wučerjow wysoko porazyli
Prěnja koparska hra mjez pedagogami a maturantami Serbskeho gymnazija Budyšin (SGB) wotmě so 1. junija 1994. Wučerjo podležachu šulerjam tehdy 2:5. Tež we 28. duelu lětsa bě młódša generacija z 8:1 wuspěšna.
Dźeń po wolejbulowej hrě mjez wučerjemi a maturantami SGB (SN wo tym rozprawjachu) slědowaše koparska hra. Bě to mjeztym 28. tajki dwubój. Dwanatkarjo běchu dotal dwaceći króć dobyli. Pjatk, 9. julija, je dalši triumf k tomu přišoł. Hodźinu do sportoweho duela so w Budyšinje dešćowaše, a tak přepołožichu koparsku partiju do sportoweje hale Serbskeho šulskeho a zetkawanskeho centruma. Tartanowa podłoha wonka bě po dešćiku ekstremnje hładka a strach zranjenja tuž jara wulki.
Po tym zo bě jědnatkar Jakub Škoda hru zahwizdał, njetraješe ani minutu, a fanowy blok dwanatkarjow prěni raz juskaše. Mócna třělwa Róžeńčana Kiliana Hrjehorja z centralneje pozicije dźěše do delnjeho kuta wučerskich wrotow. Wrotar a nawoda gymnazija René Wjacławk bě bul přepozdźe widźał.
