Grandslam za Kamila Stocha
Pólski sněhakowarski skakar Kamil Stoch je swój lońši triumf na turneji po štyrjoch skakanišćach wospjetował. Jako druhemu w stawiznach znateho wubědźowanja poradźi so jemu grandslam. Kaž Sven Hannawald je Polak wšitke štyri dnjowe skakanja dobył.
Stoch bě z wotstawkom najkonstantniši a najlěpši atlet lětušeje turneje. Mjez druhim a třećim skakanjom wupadaše hišće za dwubojom mjez Polakom a Němcom Richardom Freitagom. Při prěnim přechodźe w Innsbrucku a při jara měnjatym wětřiku pak njemóžeše Freitag swój daloki skok wěsće stać a padny. Po prěnich lěkarskich přepytowanjach bě spěšnje jasne, zo Freitag turneju njezakónči.
Za tučasnje najlěpšeho němskeho sněhakowarskeho skakarja bě to wulke přesłapjenje. Wězo bě diskusija wo přičinach jara wótra, na kóncu pak dyrbi so rjec, zo je kóždy skok wěste riziko. Někomu winu za to dać Freitagej zawěsće dale njepomha. Snano bě ćišć do turneje za njeho trochu přewulki. Nadźijomnje so spěšnje zaso wustrowi, zo by so na Olympiskich zymskich hrach w februaru wobdźělić móhł.
Zrěčenje rozpušćiłoj
Basketballowy turněr Budyskich tigrow w Radworju
Mjez hodami a Nowym lětom spytaja Budyscy basketballowcy stajnje turněr přewjesć. To je so jim tónraz w Radworju poradźiło, dokelž bě w Budyšinje ćežko swobodnu halu dóstać. Nimo toho dyrbi w sportowni wulka košowa připrawa k dispoziciji być. W ćěłozwučowarni Serbskeho šulskeho a zetkawanskeho centruma maja na přikład jenož małe koše připrawjene. W Radworju su wuměnjenja idealne. Tam maja wotpowědne koše za basketball, moderne předrasćernje, areal za přihladowarjow a porjadnu kantinu z kuchnju.
51. Budyski silwesterski běhz tójšto serbskimi atletami
Staremu lětu božemje prajili su lubowarjo běhanja minjeny silwester, a to na swojim mjeztym hižo 51. tradicionalnym běhu po Budyšinje. Wot pjećlětneho dźěsća hač k 83lětnemu wuměnkarjej podachu so woni z Młynkec łuki na jednu z čarow 2,5 km, 5,3 km a 10,6 km. 325 atletow doběža na mjenowanych distancach do cila, štož je po lońšim rekordźe (342) druha najlěpša ličby wobdźělnikow w stawiznach tohole wurisanja. Budyske lochkoatletiske zjednoćenstwo Čerwjeno-běli 90 je hłownje pod režiju Mehnertec mandźelskeju tónle kónclětny sportowy podawk přikładnje organizowało a přewjedło.
Běharjo běchu z cyłeje Hornjeje a zdźěla Delnjeje Łužicy a Drježdźanskeje wokoliny kaž tež z druhich dźělow Němskeje. Nahladna ličba serbskich starterow je znowa z brawuru wojowała a rjane wuspěchi žnjała. Najstarši starter móžeše so 47. króć sobu wubědźować w kruhu Budyskich sportowych přećelow kaž wězo tež serbskich.
Wuslědki serbskich wobdźělnikow:
2,5 km (47 w cilu, z nich 18 žónskich)
Cyłkownaj dobyćerjej Vincent Schröter, Budyšin (10:35 min) a Maris Rentsch, Budyšin (11:35 min)
1. Schade, Jitka, Budyšin, sk U 10
– 12:51 min
Rodźeny Bołhar chce pomhać
68lětny Georgij Jekow bě na njedawnym basketballowym turněrje Budyskich tigrow njewočakowany překwapjenski hósć. Wón bě před wjele lětami basketballowe mustwo w Budyšinje do žiwjenja zwołał.
Rodźeny Bołhar ma trenarsku licencu B. Wot nowembra je wón zaso w Budyšinje a je so poskićił basketballowy dorost tigrow trenować. Kaž Jekow na kromje silwesterskeho turněra rjekny, je wulki problem basketballa, zo jón w šulskim sporće přezrědka hraja. Šulski sport je zakład, na kotryž so wšitko natwarja. Před lětami bě Georgij Jekow ze synomaj w USA. Tam móžeše dožiwić, kelko přihladowarjow na šulske sportowe wubědźowanja chodźi a kak telewizija a nowiny wo tychle podawkach rozprawjeja.
Štóž ma zajim, basketball hrać, njech sej raz na probowy trening do Budyšina dojědźe. Kóždu wutoru zwučuja hólcy wot 16.30 hodź. w Daimlerowej sportowni a w samsnym času w Maxa Militzerowej ćěłozwučowarni. Jörg Stephan
Na piwowy cupMódro-běłych
Widźał, słyšał, napisał (08.01.18)
Jutře za měsac je tak daloko. W južnokorejskim Pyeonchangu zahaja so 23. olympiske hry w zymskich disciplinach. Kóžde štyri lěta zetkawaja so sportowcy z cyłeho swěta, zo bychu mocy měrili. A nimale kóždy, kiž je tónle podawk jako wobdźělnik dožiwił, drje wobhladuje to jako wjeršk swojeho ćěłozwučowanskeho wuwića.
Južna Koreja tele zymske hry prěni raz wuhotuje. Lětnju olympiadu wšak je hižo 1988 organizować směła.
Nětko potajkim Zymske olympiske hry w Južnej Koreji. Dwójce bě wony region ze 44 000 wobydlerjemi hižo kandidował a zwrěšćił, a to w lětomaj 2010 a 2014. Kónčina, kotrejež mjeno móžeš do serbšćiny přełožić z „Měr a wuspěch“, dyrbješe so kanadiskemu Vancouverej resp. ruskemu Sočijej kłonić. Nětko pak přesadźichu so požadarjo z prowincy w horinach Taebaek chětro jasnje přećiwo francoskemu Annecy a „našemu“ Mnichowej.
Sport (05.01.18)
Landskron-cup
Koparski turněr Landskron cup změja w Budyšinje, a to jutře wot 14 hodź. w sportowni na Třělnišću. Tam hraja w skupinje A FSV Budissa Budyšin, Jednota Kamjenc a Přezjednota Niska, w stafli B FC Hornja Łužica Neugersdorf, Biskopičanske KT 08 a FSV Nowosólc-Hródk.
Halowy turněr TCM
Koparski turněr wo pokal Towarstwa Cyrila a Metoda (TCM) je jutře w 15.30 hodź. w Chróšćanskej „Jednoće“. Hrać budu tam wosadne a wjesne mustwa młodźiny kaž tež cyłki sportowych jednotkow.
Viktoria wita na wolejbul
Prěnje wolejbulowe mustwo Viktorije Worklecy změje jutře swój druhi domjacy hrajny dźeń we Worklečanskej sportowni. Wot 14 hodź. hraje šesty wobwodneje ligi přećiwo sedmemu, Traktorej Mittelherwigsdorf, a po tym wot něhdźe 16 hodź. přećiwo načolnikej ST Kupoji-Nowej Łuce.
Nowolětny běh
Wotrjad lochkoatletika sportoweho kluba Wojerecy přewjedźe njedźelu, 7. januara, we Wojerowskim sportowym forumje nowolětny běh. W poskitku změja tam distancy 6 km a 2,2 km.
Halowe wokrjesne mišterstwa
Zakładny kamjeń połoženy – FC Energija po puću horje
Z wulkim a komfortabelnym dypkowym předskokom su koparjo, trenarjo a funkciski team FC Energije Choćebuz (FCE) do zymskeje přestawki šli. Georg Zielonkowski je so za Serbske Nowiny ze šeftrenarjom Clausom-Dieterom Wollitzom rozmołwjał.
Po tym zo je Carl Zeiss Jena jako staflowy dobyćer a postupnik regionalnu ligu wopušćił, bě FC Energija praktisce winowata to samsne w hrajnej dobje 2017/2018 docpěć. A je narok dotal spjelniła ...
C.-D. Wollitz: Poprawom smy hižo loni jako zestupnik z třećeje ligi winowaći byli. W lěću 2016 pak dyrbjachmy dospołnje nowe mustwo wutworić. Na kóncu poradźi so nam česćehódne 2. městno.
Tři nowopřichady w lěću 2017 su so w Choćebuzu wo dalšu nadźiju na postup, postarali. Móže FCE wurjadnych hrajerjow kaž Zimmera, Starcewa abo Viterittija w zymje dźeržeć?
Hry koparjowFC Energije
přihotowanske partije:
10.01. 14:00 FC Energija Choćebuz
– Halleski FC
14.01. 15:00 FC Energija Choćebuz – 1. FC Magdeburg
17.01. 14:00 Eintracht Braunschweig – FC Energija Choćebuz 20.01. 14:00 FC Energija Choćebuz
– FK Dukla Praha
dypkowe partije:
28.01. 13:30 BSG Chemija Lipsk
– Energija Choćebuz
04.02. 13:30 FSV Budissa Budyšin
– FC Energija Choćebuz
11.02. 13:30 FC Energija Choćebuz
– VfB Auerbach 1906
18.02. 13:30 ZFC Meuselwitz
– FC Energija Choćebuz
25.02. 13:30 FC Energija Choćebuz
– VfB Germania
Halberstadt
04.03. 13:30 BFC Dynamo
– FC Energija Choćebuz
11.03. 13:30 FC Energija Choćebuz
– Berlinski AK 07
18.03. 13:30 Hertha BSC II
– FC Energija Choćebuz
SN
