Maćica Serbska a redakcija Serbskich Nowin přeprošatejna diskusijny ...

pjatk, 09. septembera 2022 spisane wot:

Maćica Serbska a redakcija Serbskich Nowin přeprošatej

na diskusijny wječor wo serbskej hymnje

štwórtk, 22. septembra, ­w 19 hodź.  do Serbskeho domu w Budyšinje.

W januarje toho lěta je Maćica Serbska pod nadpismom „Su jenož ,mužojo hó­dni wěčnoh wopomnjeća‘?“ přeprosyła na zjawnu diskusiju wo serbskej hymnje a runočasnje podała namjet za mjeńšu změnu jeje druheje štučki. Jako fachowc a znajer twórby Handrija Zejlerja poda dr. Franc Šěn na spočatku krótki přehlad wo tekstowych stawiznach serbskeje hymny.

Na podijowej diskusiji wobdźěla so nimo předsydki Maćicy Serbskeje dr. Anje Pohončoweje mjez druhim basnica Róža Domašcyna, bórzomna studentka Lawrencija Hawšec a FSJnik Maksimilian Gruber.

W druhim dźělu změje publikum składnosć, so wuprajić abo diskutantam prašenja stajeć. Moderatorka wječora budźe dr. Cordula Ratajczakowa, redaktorka Serbskich Nowin. Wšitcy zajimcy su wutrobnje přeprošeni!

dale čitać ...

Tež knježna Młynkec přijimuje swojich šulerjow zaso 31. awgusta, ...

pjatk, 26. awgusta 2022 spisane wot:
Tež knježna Młynkec přijimuje swojich šulerjow zaso 31. awgusta, kaž tež 14. a 28. septembra na popołdnjo do historiskeje šule w Błótowskim muzeju w Lubnjowje. Zajimcy móža so telefonisce pod 03573 / 870 2420 abo z mailku na ­přizjewić. Ale kedźbu! Připosłuchajće knježnje derje, hewak dawa snadź porok. Foto: Lubnjowski Błótowski muzej

dale čitać ...

Křižowka (26.08.22)

pjatk, 26. awgusta 2022 spisane wot:

Wodorunje: 3 kałacy insekt, 5 Schimpf­wort serbsce, 6 italske město z křiwej wěžu, 7 muske předmjeno, 10 komunikaciski aparat, 13 sibirska rěka, 14 drohotny płat, 15 dźěl delnjoserbskeje drasty

Padorunje: 1 přiwuzny, 2 Sportej a narodej ...! 3 nic prawje, 4 pódla bydlacy, 8 posledni grjekski pismik, 9 stolica Tibeta, 11 nic Serb, 12 čłowjek w sněze

dale čitać ...

Płastowka (19.08.22)

pjatk, 19. awgusta 2022 spisane wot:
1 nic w nocy, 2 jendźelska stolica, 3 španiske město, 4 drjewo wob­dźěłacy rjemjeslnik, 5 ćišćerski produkt, 6 wjes při hrodźišću, 7 „nócny ...“, 8 žónske předmjeno, 9 Kreislauf serbsce (krejny ...)

dale čitać ...

Marko Grojlich čita w Poršicach

štwórtk, 18. awgusta 2022 spisane wot:
Poršicy (SN). Ewangelska wosada w Poršicach planuje jutře, pjatk, 19. awgusta, dwurěčny literarno-hudźbny wječork. Wo tym informuje Mato Krygaŕ. Kaž předsyda Serbskeho ewangelskeho towarstwa dale zdźěli chce w Poršiskej farskej bróžni bywši serbski rozhłosownik Marko Grojlich ze swojich knihow stawiznički kołowokoło Poršic čitać. Wo hudźbny dźěl wječorneho programa postara so Jonathan Witschas. W mjenje Poršiskeje wosady Susanne Tschipke tuž wšitkich zajimowanych wutrobnje přeproša być w 19.30 hodź. w farskej bróžni.

dale čitać ...

Anja a Karen Weise (wotlěwa) z Budyšina stej sej twórby Budyskeho ...

pjatk, 12. awgusta 2022 spisane wot:
Anja a Karen Weise (wotlěwa) z Budyšina stej sej twórby Budyskeho grafikarja Ralfa Reimanna (srjedźa) w jeho aktualnej wustajeńcy ­„Budyšin + hory“ hižo wobhladowałoj. Hač do 19. awgusta maja zajimcy w galeriji Budissin hišće składnosć k tomu, jutře je samo ­móžno, so tam z wuměłcom rozmołwjeć. Foto: SN/Božena Šimanec

dale čitać ...

W Drježdźanach wotměwaja tele dny „Palaisowe lěćo“ z ...

pjatk, 29. julija 2022 spisane wot:
W Drježdźanach wotměwaja tele dny „Palaisowe lěćo“ z wuměłsce wobswětlenej architekturu, kaž na přikład tu na Nowym ­naměsće. Nimo toho wuhotuja mjez druhim sep koncertow – rezidencnaj hudźbnikaj staj lětsa Norwegčanka Anette Askvik a John Blek z Irskeje –, wustajeńcow a dźěłarničkow. Kóžde zarjadowanje je darmotnje přistupne. Foto: Jürgen Männel

dale čitać ...

We wobłuku 11. dnja rangerow chcedźa Yannik Otto a dalši kolegojo, ...

pjatk, 22. julija 2022 spisane wot:
We wobłuku 11. dnja rangerow chcedźa Yannik Otto a dalši kolegojo, skutkujo runja jemu w biosferowym rezerwaće Hornjołužiska hola a haty, sobotu, 30. julija, zajimcam „prašenja kołowokoło družinoškita“ rozłožić. Nimo toho změja wopytowarjo składnosć, so po wosebitej wustajeńcy „Wo žiwjenju w sćinje“ w Stróžanskim Domje tysac hatow wodźić dać. Foto: Bodo Hering

dale čitać ...

Přeprošujana słowjansku nóc

štwórtk, 21. julija 2022 spisane wot:
Lipsk. Hudźbu a kulturu z wuchodneje Europy dožiwić móža zajimcy na lětnim swjedźenju słowjanskeje nocy, kotryž wotměje so jutře, pjatk, wot 20 hodź. w Lipšćanskej Moritzbasteiji na Naměsće Kurta Masura. Słowjansku nóc zahaji bandura-kwartet „Lvivjanki“ z Lviva. Na to zanjese chór „Slavia“ kozakske spěwy a ukrainske ludowe pěsnje. Rejwanska skupina „Impuls“ předstaji reje z wuchodneje Europy a tež „Kapela Polska“ přeprošuje wšitkich hosći k zhromadnemu spěwanju tradicionalnych pólskich pěsnjow. Jako wjeršk wotwjedu hudźbnicy kapały „Trio z Ukrainy“ z Waršawy a Kijewa wopytowarjow na hudźbne pućowanje po Pólskej a Ukrainje z folkloru, swójskimi kompozicijemi a słowjanskej diskoteku. Wšitcy zajimcy su tuž jutře w znatej Moritzbasteiji witani.

dale čitać ...

Wot swěčkow so wobkuzłać dać

srjeda, 20. julija 2022 spisane wot:

Pančicy-Kukow. Štóž chce rjany lětni wječor při swěčkach, hudźbje a z kuli­nariskimi wosebitosćemi dožiwić, njech njeskomdźi sobotu, 23. julija, wot 19 hodź. zahrodowu nóc w zahrodźe klóštra Marijineje hwězdy w Pančicach-Kukowje. Nimo zahajenja sezony, klóšterskeho swjedźenja a zeloweje njedźele je to jedyn z wjerškow w běhu lěta, kotrež tam organizuja. Prjedy hač do wšelakich wobrazow zestajene wjacore tysac swěčkow zaswěća, poskića na jewišću atraktiwny program ze šlagrom, jazzom, akrobatiku, reju a wohnjowej show. Wjeselić smědźa so wopytowarjo mjez druhim na spěwarku Lenu-Loreen Kürschner, kotraž je jako ­JeLa S w telewizijnym wu­syłanju sćelaka RTL „Deutsch­land sucht den Superstar“ nazhonjenja zběrała. Dale skutkuja sobu Drježdźanski jazzowy ­duwo Fokus, rejwanske studio TANZ3 ­a Drježdźanska ­artistka Heidi Witopil.

dale čitać ...
strona 5 wot 28
e-paper-wudaće:14.06.2024

Atraktiwne mzdy wužadanje

dźěłowe městna w LND

aktualne wupisanja

nowostki LND