Swětowe mišterstwa w kopańcy su mnohim profijam krónowanje karjery. Tež sudnikam je to sobu najwjetši cil, kotryž móžeš docpěć. Runja druhim sudnikam dyrbjachu nětčiše mišterstwa w Ruskej tež němskemu refereejej dr. Felixej Brychej dalši wjeršk karjery być. Kaž pak smy předwčerawšim zhonili, dyrbješe wón hižo prjedy swoje kófry pakować, hač bě sej to myslił. Brych pak ze swojim teamom sam njeje. Swětowy koparski zwjazk FIFA je hižo tójšto dalšich sudnikow domoj pósłała. Wopodstatnjenja k jednotliwcam pak hišće žane dała njeje. „Přeběh tychle mišterstwow mje a mój team wězo wulce přesłapja. Žiwjenje pak dale dźe, a přińdźemy zaso“, měnješe němski koparski sudnik.

Sport (06.07.18)

pjatk, 06. julija 2018 spisane wot:

Přihotowanske koparske hry

07.07. 11.00 Jednota Kamjenc –

  ST Rakecy (w Rakecach)

07.07. 11.00  Budissa Budyšin –

  Biskopičanske KT 08

  (w Rakecach)

07.07. 12.15  přěhračkaj horjeka mje-

  nowaneju hrow

07.07. 13.45  dobyćerjej horjeka mje-

  nowaneju hrow

07.07. 13.30  SZ Žylow –

  FC Energija Choćebuz

08.07. 13.30  FC Energija Choćebuz –

  Dukla Praha

Šěsć dypkow winowatosć

Dźensa wječor we 18.30 hodź. hraje w Ralbicach prěni wólnočasneje ligi Zapadołužiskeho koparskeho zwjazka přećiwo wosmemu. Stara garda Sokoła Ralbicy/Hórki wočakuje koparjow Hrajneho zjednoćenstwa Bluń/Lubuš.

Turněr na trawniku wupadnje

Wolejbulowy turněr na trawniku we wobłuku Captainscupa we Worklecach jutře wupadnje, dokelž je so přemało mustwow přizjewiło. Bičwolejbulowy turněr za dwójki w pěsku pak budźe. Wšitke městna su mjeztym wobsadźene.

Póndźelu do Jaseńcy

Dopominaće so snano hišće na sławnu cedlu Jensa Lehmanna z mjenami argentinskich třělcow jědnatkow w štwórćfinalu swětowych koparskich mišterstwow 2006 w Němskej? Ta ma nětko swoje městno w Bonnskim domje stawiznow. Snano je tež Britiski muzej hižo naprašowanje Jordanej Pickfordej, wrotarjej jendźelskeho narodneho mustwa, stajił. Pickford běše mjenujcy předwčerawšim – runja Lehmannej 2006 – wo třělcach přećiwniskeho mustwa po wšěm zdaću jara derje wobhonjeny. Kaž nowina Daily Mirror rozprawješe, dósta wón wot swojeho trenarja Martyna Margetsona nowu blešu napoja, na kotrejž stejachu mjena kolumbiskich třělcow jědnatkow kaž tež městna we wrotach, na kotrež so najčasćišo měrja. Hdyž sće w přichodnym času snano w někajkim sportowym abo druhim muzeju Jendźelskeje po puću, ­tola tež raz za blešu pohladajće.

Čěsko-serbska sportowa wuměna lětsa w Spálenym Poříčí

Sportowče a sportowcy Sokoła Ralbicy/Hórki a zastupjerjo gmejny Ralbicy-Róžant mějachu lětsa wulke zbožo, zo wotmě so sportowa wuměna mjez TJ Sokolom Spálené Poříčí a Sokołom Ralbicy/Hórki kaž tež gmejnska wuměna mjez městačkom Spálené Poříčí a gmejnu Ralbicy-Róžant w čěskim Plzeňskim kraju a nic w Delanach. Zjednoćenstwo dobrowólnych wohnjowych woborow Spálené Poříčí swjećeše w 2 700 wobydlerjow wul­kim městačku, kotremuž přisłuša dźesać wjesnych dźělow, 140lětne wobstaće. Na wulkim swjedźenju smědźa­chu so tež wulětnicy z Łužicy wobdźělić. Nimo toho doži­wichu tam hosćo a domoródni samo kwas a wulki dorostowy koparski turněr.

Po 24 lětach su Šwe­dojo zaso raz štwórć­finale swětowych koparskich mišterstwow docpěli. Wčera popołdnju dobychu woni 1:0 přećiwo Šwicarskej. Skandinawičenjo běchu so lěpje do hry namakali. Składnosć Marcusa Berga, třělwa Albina Ekdala z druheho rynka přez wrota a dalša móžnosć Berga, jako šwicarski wrotar sylnje reagowaše, pak wostachu najprjedy bjez wuspěcha. Najlěpšu móžnosć za Šwicarsku w prěnim połčasu přetřěli Blerim Džemaili. Po dwójnym pasu ze Stevenom Zuberom steješe wón w šěsnatce swobodny, wrota pak njetrjechi. W druhim połčasu nawjedowachu Šwedojo přez Emila Forsberga z 1:0. Před šěsnatku bě tón na wrota třělił, bul prasny do nohi Manuela Akanjisa a wottam lećeše njedźeržomnje do syće (66.). Krótko do kónca startowachu Šwedojo hišće raz konter a bychu nimale 2:0 třělili. Martin Olsson běžeše sam na wrota, Michael Lang sprintowaše za nim a jeho před šěsnatku njefairnje zadźerža. Sudnik Damir Skomina rozsudźi so za jědnatku, a Lang dósta čerwjenu kartu.

Načolna hra bjez wrotow

srjeda, 04. julija 2018 spisane wot:

Aktualna tabulka wólnočasneje ligi Za­­padołužiskeho koparskeho zwjazka

1. Sokoł Ralbicy/Hórki 10 37 : 9 25

2. HZ Wojerecy/Wětnica 10 44 : 13 24

3. Módro-běli Kulow 10 18 : 8 21

4. LSV Hory 10 24 : 16 13

5. HZ Hórnikecy/Ćisk 9 24 : 24 13

6. Jednota Wojerecy 9 12 : 20 12

7. Aktiwist Wojerecy 9 28 : 43 12

8. HZ Bluń/Lubuš 9 12 : 17 7

9. HZ Rakecy/Šćeńca 8 9 : 17 7

10. HZ Lok Wojerecy 10 10 : 51 3


Módro-běli Kulow

– Sokoł Ralbicy/Hórki 0:0

Zestawa hosći: Mjetaš-Wowčer – Rychtar, Statnik, Jakubaš (25. Bjeńš), Lulak, Šwejda, Brückner, Hrjehor, Zynda, Matka, Šołta (68. Žur)

15. nócny žabjacy běh w Běłej

srjeda, 04. julija 2018 spisane wot:

Mjeztym hižo 15. nócny žabjacy běh přewje­dźechu w Běłej za Kamjencom. A tón měješe znowa wjace hač tysac wobdźělnikowo. 252 šulerjow w jednotliwych starobnych klasach a 754 dorosćenych atletow, mjez nimi 87 lubowarjow walkinga, pak je swoju wotpowědnu čaru zmištrowało.

Nócny běh wuwiwa so na zarjadowanje, kotrež přiwabja kóžde lěto tež šwarnu ličbu serbskich lubowarjow wubědźowanja a po tym na wotpowědne kulturne a zabawne poskitki na běhanskim arealu, zwjazane z mytowanjom dobyćerjow a počesćenjom z pokalemi.

Ze serbskich starterow wubědźištaj sej na distancy 2,0 km w skupinje pod 10 lětami Jarek Schade z Budyšina 1. městno (8:36 min) a sotra Jitka 3. městno (9:39 min). Z wulkim wuspěchom wojowaštaj tež Grubertec bratr a sotra z Chasowa: Isabella wobsadźi w samsnej skupinje 2. městno (9:18 min) a bratr Ben w skupinje pod 16 lětami 4. městno (8:06 min).

Hańba abo chwalba – pospyt rezimeja

wutora, 03. julija 2018 spisane wot:

Wolejbulisća Viktorije Worklecy pjaty raz za sobu wicemišter

Na kóncu sezony 2017/2018 wuchodosakskeje wolejbuloweje ligi muži drje su někotři přiwisnicy Viktorije Worklecy zaso raz stonali: „Znowa jenož druhe městno!“ Šibałc wšak namjetowaše: „Mjenujće so hnydom Viktoria Wicewicy!“. Znaje­rjo materije pak wědźa, kak ćežko poprawom za małe wjesne towarstwo je, tajki niwow přez lěta dźeržeć. Tež minjena sezona – to dyrbi so žno na započatku tohole rezimeja podšmórnyć – bě přiwšěm jara wuspěšna.

Bohužel započa so prěnja połserija Viktorije ze špatnym startom. Pola TSV Kundraćic rěkaše na kóncu 0:3. Hačrunjež běchu sadźbowe wuslědki jara snadne, je tajka plista jěd za sebjewědomje hrajerjow. Tak jědźechu chětro njewěsći do Zhorjelca k nowačkej CVJM a kasěrowachu tam poražku 2:3. Zhorjelčenjo w běhu sezony pokazachu, kak sylne mustwo su. Na to sćěhowaše najniši dypk „čor­neje nazymy“, absolutnje nje­trjebawša poražka 1:3 w Lubiju. Tak stejachu Worklečenjo na poslednim městnje tabulki – začuće to, kotrež běchu hižo raz w lěće 2011 w sakskej klasy dožiwili.

Satkularjo swójski turněr dobyli

wutora, 03. julija 2018 spisane wot:
Jědnaće mustwow nastupi wčera na druhej staciji bičwolejbuloweje tury Radija Satkula­ w Hórkach. Wjesnjenjo postarachu so wo słódnu wječer a pražachu koł­ba­ski. W mjezyčasu hrajachu sportowcy při krasnym chowanju słónca wo dobyće. Po wurisanju w třoch staflach přesadźi so prěni raz mustwo Satkule. Foto: Beno Šołta

FC Energija dołh dale pomjeńša

wutora, 03. julija 2018 spisane wot:

Wubranka města Grodka

– FC Energija Choćebuz 0:10 (0:6)

We wobłuku planowaneje sobustawskeje zhromadźizny je prezident FC Energije Choćebuz swoju rozprawu wo hospodarskej situaciji podał a wozjewił: „Smy přez transfery, wjacore mudre rozsudy a wšelake lutowanske naprawy konsolidaciju doprědka ćěrili a nadbytk 1,1 miliona eurow a tak pozitiwny wuslědk nahospo­darili.“ Na zetkanju 404 přitomnych sobustawow pak dźěše tež wo prócu łužiskich koparjow w boju wo njepřećelskosć napřećo cuzym, wo namóc a prawicarstwo. Předsyda zarjadniskeho wotrjada Matthias Auth rěčeše wo wulkich prócowanjach Energije kaž tež wo iniciatiwach koparskeho kluba.

Při přihotach na nowu sezonu je nowačk třećeje ligi njedźelu swoju prěnju testowu hru přewjedł a přećiwo wu­brance města Grodka z 10:0 jasnje dobył. We woběmaj połčasomaj pósła trenar Claus-Dieter Wollitz dwaj kompletnje rozdźělnej cyłkaj na kopanišćo. Fairni hosćićeljo so zmužiće hač do 24. min. wobarachu, po tym pak padachu jedne wrota po druhich.

nawěšk

nowostki LND