Do hodowneje dźěłarnje
Čorny Chołmc. Hodowna dźěłarnja w Jurja Brězanowym domje na arealu Čornochołmčanskeho Krabatoweho młyna wotewrje swoje wrota wšitkim zajimcam-paslerjam jutře, 7. decembra. Wot 10 hodź. móža tam dźěći wot staroby pjeć lět za mać, nana, wowku, dźěda abo přećelow małe hodowne dary paslić. Za to maja tamniši wichtlojo hižo tójšto dobrych idejow.
Serbsce a němsce spěwać
Budyšin. Serbske towarstwo Škit přeproša wšitkich Serbow a hosći sprjewineho města na zhromadne serbsko-němske adwentne spěwanje na Budyske Hłowne torhošćo direktnje před radnicu. Při škleńčce horceho wina chcedźa tam wšitcy zhromadnje wjesołe adwentne štučki zanjesć a dopokazać, zo je Budyšin město dweju žiweju rěčow. Započatk spěwanja je w 16 hodź.
Nyšpor z hudźbnymi šulerjemi
Radwor. Na wosebity hudźbny nyšpor sće njedźelu, 8. decembra, do Radworskeje cyrkwje witani. Wot 14 hodź. zahudźa tam chowancy Budyskeje hudźbneje šule, kotřiž bychu so nad bohatym wopytom jara zwjeselili. Zastup je darmotny, po nyšporje pak budźe zběrka za sobuskutkowacych.
Na wiki do klóštra
