Koncerty na proze lěta

Budyšin. Na proze lěta 2020 witaja hudźbnicy a rejwarjo Serbskeho ludo­weho ansambla kaž tež spěwnaj solistaj Derya Atakan (sopran) a Jeeyoung Lim (bariton) na koncerty. Zaklinča melodije klasikarjow Wienskeje Straussoweje dynastije a jich rowjenkow kaž Franza Lehá­ra. K wjerškam słušeja nimo toho kruchi swětoznatych musicalow kaž tež chłóšćenki serbskich komponistow. Koncerty su jutře w 20 hodź we Wittenberge, 30. decembra w 19.30 hodź, silwester w 15.30 a 19.30 hodź. na žurli SLA w Budyšinje, 1. januara 2020 w 16 hodź na Erfurt­skej Kejžorskej žurli, 2. januara w 19.30 hodź. w Balingenskej měšćanskej hali a 3. januara w 19 hodź. w Elsenfeldskim wobydlerskim centrumje.

Cirkus při haće

Wojerecy. Na swjedźenišću při Wo­jerowskim gondlowanskim haće steji wulki manežowy stan cirkusa Astoria. Silwester a Nowe lěto stej tam přeco w 16 hodź. poslednjej předstajeni. Dorosćeni płaća zastup kaž dźěći. Nimo ně­kotrych dresurow z kozami a kamelemi chcedźa wosebje artisća, žonglerojo a wězo tež klawn hosći zawjeselić.

Nyšpor z muskim chórom