„Wostańće doma!“ – Měšamy sej swójske pesto!

pjatk, 27. měrca 2020
artikl hódnoćić
(0 )
Pyšny kobołk je jara strowy a sylni imunostny system, štož je runje nětko wažne. Łopjena rostliny hodźa so mnohostronsce wužiwać.  Foto: SN/Hanka Šěnec Pyšny kobołk je jara strowy a sylni imunostny system, štož je runje nětko wažne. Łopjena rostliny hodźa so mnohostronsce wužiwać. Foto: SN/Hanka Šěnec

Nalěto so rady po lěsu wuchodźujemy. Tam njemóžemy jenož wotućacu přirodu wobkedźbować, ale zdobom čerstwe zela zběrać, kotrež móhli doma pře­dźěłać.

Wot měrca hač dosrjedź meje čujemy w lěsu přijomnu kobołkowu wóń, štož je pokazka, zo w podlěsu abo na włóžnych blakach z wjele chłódkom, we wulkim mnóstwje pyšny kobołk (Bärlauch) rosće. Młode łopjena rostliny, kotraž hišće njekćěje, najbóle słodźa. Po tym zhubja mjenujcy swój aroma a su chětro hórke. Kćenja su porno tomu pikantne a hodźa so tohorunja jěsć. Łopjena pyšneho kobołka měli wot rostliny wottřihać abo wotšćipnyć. Budźće pak kedźbliwi, wone su łopjenam jědojtych całtkow (Maiglöck­chen) jara podobne.

Pikantne zelo njeje po słodźe cyle tak wótre kaž kobołk, ale jara strowe. A hišće lěpje – po jědźi njepřijomnje njewonješ. To drje su přičiny, čehodla ma wone telko přiwisnikow.

Pyšny kobołk hodźi so derje jako přidawk do pječwa, sušeny do sele abo do čerstweje solotje. My pak rozłožujemy wam tule recept za pesto, kotryž hodźi so k nudlam, na pomazku abo do poliwki.

Přidawki:

150 gramow mandlow

100 gramow pyšneho kobołka

wozjewjene w: Serwis
Prošu přizjewće so, chceće-li komentar podać

Serbska debata

nowostki LND