Małowjelkowski prazwěrjenc skića hosćom kónc tydźenja cyle ...
Křižowka (12.06.26)
Wodorunje: 3 dźěl dnja, 6 nawoženja ptačeho kwasa, 7 Welle serbsce, 8 geografiska jednotka, 11 nahladna, dosć wulka, 14 sudobjo za wodu, 15 je trěbny k dychanju, 16 Anspruch serbsce
Padorunje: 1 rewija, 2 wobydler zapadneje Němskeje, 3 meja, 4 pozitiwna elektroda, 5 arabski kraj, 9 prjedawši prezident USA, 10 doch, jedoch, 12 póda, 13 krótki němski akumulator
Kulturna zahroda Serbskeho ludoweho ansambla startuje do swojeje ...
Šemu wupjelnić (05.06.26)
Z pomocu podateho pismika dyrbiće tele słowa zarjadować.
lěwa křižowka: bohudźak, dohrate, Handrij, kopřiwa, přiroda, Swětlik
prawa křižowka: fararka, honorar, nowinar, radiska, wikowar, wokomiki
Kantoraj Maksymilian Kulawik a Michael Vetter (wotlěwa) staj ...
Čitajće w nowym rozhledźe (29.05.26)
Do šesteho wudaća našeho kulturneho časopisa dóstanjemy so po schodach před domčkom Stareho ludu w Dešnje. Mólba Marka Bruka nas do zešiwka zesrěbnje, hdźež čakaja na nas słowa Leny Weißhoff z apelom, tworić rěčne rumy (nic jenož) za tych, kotřiž serbsce wuknu. Bóle zady w Rozhledźe rozprawi skupina studentow wokoło dr. Katje Brankačkec wo poradźenym stworjenju runje tajkich rěčnych rumow, jako běchu serbscy wuknjacy z Drježdźan, Lipska a Prahi na kónctydźenskej ekskursiji w stolicy Čěskeje. Serija Serbskeho instituta wobjednawa pod titlom „Baje, bajki, basnički“ powědanje jako kulturnu techniku. Dr. Susanne Hozyna wodźi čitarjow po slědźenjach mjez ludowědu, rěčespytom a stawiznopisom. Tak, kaž běchu wědomostnicy tehdy mjez ludźimi ducy, zo bychu material nazběrali, je tež Syć za regionalnu identitu a serbsku rěč ZARI w tutych měsacach po puću, kaž zhonimy wot dr. Nicole Dołowy. W swojim pojednanju wo etnolinguistiskej witaliće předstaja nam trěbne přepytowanja z pomocu naprašnikow.
Syła cuzych nałožk wobdźiwała
Mejemjetanje Sorabije w Lipsku běše poprawom stajnje skerje interny swjedźeń. Přećeljo, swójbni a wězo wjetšina Sorabije hromadźe nałožk hajachu. Lětsa pak woswjećichu rjany swjedźeń z mnohimi eksternymi. Nowe předsydstwo, kiž bu zašły tydźeń zwolene, přeproša sej studentow dalšich studentskich zwjazkow z Lipska, zo bychu tradiciju a dźěl serbskeje kultury šěrili a prezencu pokazali. Runje tak dojědźe sej tež mnohich Serbow z Łužicy a mnozy „Krawcojo“ z Drježdźan do druheje domizny serbskich studentow. Dźewjeć porow je wokoło skerje mjeńšeje meje rejowało. Holcy běchu so serbsku katolsku drastu zwoblěkali, dwě z přitomnych čłonkow Sorabije stej so w Wojerowskej drasće prezentowałoj. Z live hudźbu su sorabisća znate reje kaž „Katyržinku“ abo „Takle wjerćimy“ rejowali. Wězo so tež koło teptaše. Tež hdyž njeznaješe horstka přihladowarjow hišće spěwy a reje, su sylnje sobu spěwali a přikleskowali.
