Nowostka w februarskim wudaću je třidźělna zwisowaca wobalka z ilustraciju Annelie Ćemjerec, kotraž pokazuje metaforiski wobraz kryteho blida. Předstaja mnohostronskosć wuměłču wobdawacych móžnosćow. Byrnjež je před sobu měła, so jej druhdy zdawa, jako njeby ruka dołha dosć była, zo by so jich dótknyła.

Zhromadnje z co-awtorku Wandu Brankačkec napisa Annelie předsłowo. Wonej stej čłonce Kolektiwa Wakuuma, kotryž loni w zjawnym lisće pomjenowanje postawy na naměsće před dwórnišćom w Lubinje kritizowaše. Folkloristisce wuhotowana figura „Błótowčanki“ skutkuje kaž „symbol za strukturelnu njewidźomnosć, kotraž špiheluje, kak so prezenca Delnjoserbow:kow do dźensnišeho skrjesla, depolitizuje a marginalizuje.“ Měnitej, zo jedna so wo reprodukowanje zwobraznjenja z časa, jako rěč germanizaciju wuchodnych kónčin podpěraše. Na postork je město Lubin reagowało: jenož ze změnu titula na „Delnjoserbowka“ a kontekstualizowanjom zornowcoweje skulptury.

Wodorunje: 3 ćěłozwučowanje, 6 posłuchaj ležernje, 7 běži do Wisły, 8 zbytk, zastatk, 11 korčmy, 14 wjes Zeißholz serbsce, 15 naraz, 16 wjackróć padnyć

Padorunje: 1 nócny wotpočink, 2 hora pola Innsbru­cka (skakanišćo), 3 lóštna zabawa w sněze, 4 dźeń tydźenja, 5 přećiwnik, 9 načolna skupina, 10 žónske předmjeno, 12 bóh lubosće, 13 muske předmjeno

Po wječornym delnjoserbskim a hornjoserbskimaj předstajenjomaj ptačokwasneho programa Serbskeho ludoweho ansambla wustupja wuměłcy tónle kónc tydźenja trójce. Pod titulom „Falšna hra“ přeprošuja sobotu, 24. januara, w 16 a 19.30 hodź. do wjacezaměroweje hale „Jednota“ w Chrósćicach a njedźelu, 25. januara, w 16 hodź. do wjesneje hospody w Bukecach. Zarjadowanja, na kotrychž Božena Bjaršec a Marko Bulank-Paška jako hłownaj akteraj wustupitaj, su serbske. Foto: Bosćij Handrik

Premjera Anatewki

Budyšin. Němsko-Serbske ludowe dźiwadło wočakuje tónle kónc tydźenja hosći wosebje na premjeru inscenacije Anatewka, kotraž so na hłownym hrajnišću dźiwadła dźensa, 23. januara, w 19.30 hodź. předstaji. W samsnym času pokazaja na jewišću w Dźiwadle na hrodźe inscenaciju „Rubježnicy“. Ju zahraja wobdźělnicy dźiwadłoweho kluba za młodych ludźi.

Zhonja wo pozadku nałožka

Čorny Chołmc. W Čornochołmčanskim Krabatowym młynje su dźěłarnički na temu „ptači kwas“ přihotowali. Tule sobotu a njedźelu přewjedu tam stajnje w 11 a w 14 hodź. poskitk za swójby. Na zarjadowanju, kotrež němsce a serbsce wotměja, zhonja přitomni wo pozadku nałožka. Zdobom móža sej w pjekarni ptačokwasnu sroku napjec. W Domje Brězana zaběraja so z wosebitosćemi Wojerowskeje drasty.

Póstnicy Sorabije