Ptačokwasne pječwo we wosebitych titkach

Wšojedne, pola kotreho pjekarja w měsće abo na wsy nakupujemy – wšudźe tuchwilu za słódkim pječwom a cokorom wonja. Hižo zašły tydźeń we witrinach pjekarnjow pječene sroki ležachu a slědne huby su sej prěnju popřeli. Wosebitosć tež lětsa zaso je, zo předawarki a předawarjo ptačokwasne pječwo do titow zapakuja, na kotrychž sroka jako pyšna serbska katolska njewjesta na rjany podawk skedźbnja - na nałožk, kotryž po tradiciji jenož we Łužicy swjećimy.