Kemše dale přez internet
Chrósćicy. Byrnjež mjeztym zaso móžno było we wjetšich skupinach Bože słužby w cyrkwjach sobu swjećić – kemšerjo maja přiwšěm na trěbny wotstawk znajmjeńša połdra metra dźiwać – móžemy sej serbske bohosłužby dale live přez internet wobhladać. Zajutřišim, njedźelu, wot 9 hodź. wusyłaja Božu mšu na Youtube z fararjom Měrćinom Deleńkom z Chrósćic. Trěbny link na wotpowědny internetny kanal podawa Katolski Posoł znowa pod www.posol.de. Kemše runočasnje w Serbskim rozhłosu sćěhować pak wot njedźele hižo móžno njebudźe, dokelž je radijowy sćelak wjace njewusyła, kaž Katolski Posoł rozprawja.
Lětsa žana Fête de la musique
