Pokiwy (12.02.21)

pjatk, 12. februara 2021
artikl hódnoćić
(0 )

Studentske póstnicy w syći

Lipsk. Pod nadpismom „Běda, kłóda a hłód: Lockdown za serbskimi gardinami“ wuhotuje Lipšćanske zjednoćenstwo serbskich studowacych Sorabija jutře, 13. februara w 20 hodź. (c. t.) digitalne póstnicy. Program pokazaja live w interneće, a to na stronje sorabijalipsk.wordpress.com/postnicy-2021 resp. na You­tube-kanalu towarstwa (pytanske hesło: Sorabija Lipsk). Kaž hižo na schadźowance a jolka-swjedźenju změja přihlado­warjo po tym móžnosć, we wirtuelnych rumnosćach so zetkać a bachtać.

Boža mša ze serbskej hudźbu

Budyšin. Rozhłosowy sćelak MDR ­Kultur wusyła zajutřišim, 14. februara w 10 hodź. Božu mšu live z Bu­dyskeje cyrkwje Našeje lubeje knjenje. Kemše spěwarski a smyčkowy kwartet Serb­skeho lu­do­weho ansambla a cyrkwinsko-hudźbny direktor Friedemann Böhme, kiž ma zdobom hudźbny nawod, hudźbnje ­wobrubitaj. Mjez druhim zaklinča duchowne twórby Güntera Schwarzy, ­Hynca Roja a Jana Bulanka. Dirigent ­budźe chórowy direktor SLA Andreas Pabst.

Nowy dokumentaciski rjad

wozjewjene w: Pokiwy
Prošu přizjewće so, chceće-li komentar podać

Serbska debata

nowostki LND