Łužiske mustwo dale postupuje

wutora, 31. awgusta 2021
artikl hódnoćić
(0 )
Erik Engelhardt je tež Berlinje trjechił. W dotalnej sezonje poradźichu so jemu štwore wrota.  Foto: Georg Zielonkowski Erik Engelhardt je tež Berlinje trjechił. W dotalnej sezonje poradźichu so jemu štwore wrota. Foto: Georg Zielonkowski

BAK Berlin –

FC Energija Choćebuz 0:3 (0:2)

Zestawa hosći: Stahl – Hofmann, Koch, Hildebrandt, Borgmann, Eisenhuth, Badu (68. Schulz), Putze, Proničew (79. Kujović), Hasse (46. Zografakis), Engelhardt (89. Geisler)

Hnydom dwójce běchu předznamjenja za FC Energiju před partiju w Póstowym stadionje špatne. FCE dyrbješe zranjenych Shawna Kautera, Maxa Kremera a Niclasa Erlbecka narunać. Nimo toho běchu hosćo na zakładźe wjacorych haćenjow na awtodróze hakle 40 mjeńšin do zahwizdanja hrajne městno docpěli.

Wobě mizerje pak so na zbožo na hrajne wjeselo nowoforměrowaneho mustwa njewuskutkowaštej. Nawopak, hosćo so pola druheho tabulki jara derje čuja­chu. Hosćićela je FC Energija hižo w 17. min. šokowała, jako bě Malcolm Badu po Erika Engelhardtowej wotwoba­ranej třělwje na městnje a trjechi 0:1. Engel­hardt sam wuži něhdźe dźesać minutow po tym sam wulkotny přihot Maksimiliana Proničewa k wěstemu nawjedowanju do přestawki. Strašna akcija wuchadźeše wot Berlinjanow jenož jónu, jako wrotar Energije Toni Stahl bul wopak wobliči. Škitarjo pak běchu w prawym wokomiku na městnje.

wozjewjene w: Sport
Prošu přizjewće so, chceće-li komentar podać

Serbska debata

nowostki LND