Njeefektiwnosć pochłostana

wutora, 31. awgusta 2021
artikl hódnoćić
(0 )
Tež w Žitawje je Franc Matješk (naprawo, Chrósćicy) wšitke swoje koparske kmanosće zasadźił.  Foto: Jörg Stephan Tež w Žitawje je Franc Matješk (naprawo, Chrósćicy) wšitke swoje koparske kmanosće zasadźił. Foto: Jörg Stephan

VfB Žitawa – SJ Chrósćicy 4:1 (1:0)

Zestawa hosći: Králíček – Matješk, Mark, Sentivan, L. Zahrodnik, Mützner (46. Heidari), G. Zahrodnik, Runt, F. Zahrodnik (84. Handrik), Bogusz (84. Donat), M. Zahrodnik

Třeći hrajny dźeń w krajnej klasy dojědźechu sej Chróšćanscy koparjo sobotu do Žitawy. Z města w třikrajowym róžku chcychu woni wšitke dypki sobu domoj wzać. Tola hižo w 6. min. domjacy wyskachu, po tym zo bě jim Neumann bul k 1:0 do wrotow zhłójčkował. Wot toho wokomika hosćo hru dominowachu a sej tójšto šansow wuhrawachu. Před wrotami pak běchu chětro njeefektiwni. Wšojedne hač Jan Bogusz, Feliks Zahrodnik abo Alwin Mützner, wšitcy zwrěšćichu na wrotarju abo na swójskich čuwach. Na tamnej stronje spyta přećiwnik z dołhimi dia­gonalnymi třělwami hóstnych škitarjow přelesćić. Nimo wrotoweho wuspěcha sej přiwšěm žanu dalšu naspomnjenjahódnu składnosć njenadźěła.

wozjewjene w: Sport
Prošu přizjewće so, chceće-li komentar podać

Serbska debata

nowostki LND