Hdyž je dorost w dobrych rukach

wutora, 07. septembera 2021
artikl hódnoćić
(0 )
Z přećelskej hru mjez Chróšćanskimi šulerjemi spočatk meje 1984 běchu dorostowu kopańcu pod Šibjeńcu załožili. Z přećelskej hru mjez Chróšćanskimi šulerjemi spočatk meje 1984 běchu dorostowu kopańcu pod Šibjeńcu załožili.

Sportowa jednotka Chrósćicy swjeći lětsa štyrcetu róčnicu wobstaća

Nowa doba je 18. meje 1985 w swojej přiłoze Předźenaku wo koparskim dorosće Sportoweje jednotki Chrósćicy 1981 z.t. rozprawjała. Jedne lěto po załoženju dorosta bě jasne, zo njebě spočatk runjewon lochki, dokelž hrajachu šulerjo wot 7. šulskeho lětnika hižo wěsty čas pod nawodom Bena Młynka za Traktor Ral­bicy-Hórki. Tak móžachu w Chrósćicach jenož mustwo dźěći a hólcow wot 2. do 6. lětnika za dypkowe hry zestajeć. Najmjeńšich trenowaše Jan Rjelka, wjetšich Měrćin Škoda. Někajkich wosebitych wu­ko­­now njemóžachu so najprjedy raz nadźijeć, dokelž so tón abo tamny dobry kopar druhim jednotkam přizamkny. Haj, a k tomu dyrbjachu domjace hry nowo­twara sportnišća dla hač do lěća 1986 do Hórkow přepołožić.

Prěnje swětleško na horiconće

wozjewjene w: Sport

Galerija

dalši wobraz (1) Zhromadne mustwo młodźiny C Sokoła Ralbicy/Hórki a Chróšćanskej SJ z trenarjomaj Janom Hrjehorjom (nalěwo) a Guidom Zahrodnikom (naprawo); jenož w dobrej přezjednosći hodźi so koparski dorost za přichod na wulkim hrajnišću wukma nić. Foto: Werner Müller
dalši wobraz (2) Za 2. městno we wubědźowanju ENSO-cupa su SJ Chrósćicy 8. januara 2008 ze šekom 3 000 eurow w Riesaskej wulkej hali mytowali. Myto přepodałoj staj znaty kopar Dynama Drježdźany Klaus Sammer a direktor ENSO dorostowemu trenarjej Edwardej Boguszej, Benej Šołće, Matijasej Kindermanej a Steffenej Bernardej (wotlěwa). Tež w lěće 2020 wobsadźi SJC we wobłuku dorostoweho spěchowanja ENSO dobre 7. městno, kotrež wunjese jej premiju 1 200 eurow.
dalši wobraz (3) To je młodźina C SJ Chrósćicy z trenarjom Andreasom Heinu (nalěwo) a kotrenarjom Romanom Kralom (zady naprawo) po pokalnym dobyću Zapadołužiskeho koparskeho zwjazka. z archiwa Jana Macki
Prošu přizjewće so, chceće-li komentar podać

Serbska debata

nowostki LND