Zakónča hudźbny tydźeń

Smochćicy. Kubłanišćo swj. Bena wuhotuje jutře, sobotu, w 19.30 hodź. zakónčacy koncert lětušeho 20. Smochčanskeho chóroweho a orchestroweho tydźenja. Pod nawodom a z moderaciju Wernera Patzelta spěwa a hudźi něhdźe 70 wobdźělnikow, program wopřijima wubrane twórby Felixa Mendelssohna-Bartholdyja. Zastup je darmotny, pjenježne dary pak su witane.

Wirtuozny organist koncertuje

Chróstawa. Wusahowacy, z Awstraliskeje pochadźacy organist Chris Berensen zahraje njedźelu, 7. awgusta, na sławnych Silbermannowych pišćelach Chróstawskeje cyrkwje filmowu hudźbu kaž tež kompozicije mjez druhim Wolfganga Amadeusa Mozarta a Carla Phillipa Emanuela Bacha. Koncert pod hesłom „Dopomnjenki na minjene lěća“ započnje so w 16 hodź., zastup je darmotny.

Improwizuje po přećach