Přiwěra a magija

Kamjenc. Nowa wosebita wustajeńca w Kamjenskim Muzeju zapadneje Łužicy přeprošuje na pućowanje po přiwěrje a magiji w běhu zašłych 800 lět. Dźensa wječor w 19 hodź. so ekspozicija składnostnje měšćanskeho jubileja Lessingoweho města w Elementariju wotewrje. Mjez druhim su tam eksponaty ze Serbskeho muzeja kaž tež z klóštra Marijina hwězda widźeć. Na wotewrjenju přednošuje zastupowaca direktorka Budyskeho Serbskeho instituta dr. Susanne Hozyna.

Brigada koncertuje

Malešecy/Huska. Spěwarki a spěwarjo 1. Serbskeje kulturneje brigady wjesela so na wopytowarjow dweju koncertow. Jutře, sobotu 17. meje w 16 hodź. zaspěwa młody wuměłski cyłk pod nawodom swojeje dirigentki Judith Kubicec w Malešanskej cyrkwi a njedźelu, 18. meje, w 14.30 hodź. składnostnje serbskeho ewangelskeho cyrkwinskeho dnja w cyrkwi w Husce.

Kulinariske pućowanje