Do Radworja na kermušu

Radwor. Nazymske zarjadowanje kónc tydźenja w Radworju změje lětsa wosebity raz. Do kermušnych rejow w hosćencu Meja wustupi tam jutře, sobotu, w 19.30 hodź. Serbska rejowanska skupina Smjerdźaca ze swojim programom. 20.30 hodź. přizamknu so reje z kapału SerBeat. Zastup płaći dwanaće eurow. Štóž chce po koncerće domoj hić abo jenož na reje přińć, ma sydom eurow za zastup zapłaćić.

Bjesada a kuzłarstwo

Wojerecy. Domowinska župa „Handrij Zejler“ zarjaduje z podpěru Załožby za serbski lud jutře, sobotu, popołdnjo za swójby. W Domowinskim domje na Drježdźanskej dróze 18 móžeće wot 15 hodź. při napoju a skibce tykanca bjesadować. Wot 16 hodź. pak kuzłar Aleksander wšitkich wulkich a małych wopytowarjow wobkuzła. Zastup na dwurěčne němsko-serbske zarjadowanje je bjezpłatny, nad pjenježnym darom pak so wjesela.

Nazymski koncert w Hórkach