Desolatny wukon w derbyju
ST Marijina hwězda –
ST Porchow 0:2 (0:4)
Zestawa domjacych: Matik – Hoge, R. Cyž, K. Pakoßnick, Clausen (46. Ladewig), Ch. Cyž, Mazalla (23. Zelnak), Kurink (68. Schmidt), Bulank, J. Pakoßnick, Eldor
Bołmončku witachu koparjo z Pančic-Kukowa prěnje mustwo z Porchowa. Prjed hač so hra zahwizda, běše mjeńšina mjelčenja za třoch njedawno zemrětych Pančičanow, kotřiž su so wo naležnosće towarstwa na wšelake wašnje starali.
„Hru wo šěsć dypkow“ dobyli
SJ Chrósćicy –
VfB Běła Woda 2:0 (2:0)
Zestawa domjacych: Králíček – Mark, F. Cyž, B. Cyž, Černohorský, L. Zahrodnik (82. Kreuz), M. Zahrodnik (86. Wencl), Hawš, G. Zahrodnik (59. Graf), Bogusz (68. Matik), Młynk (76. Handrik)
Bołmončku wotmě so za SJC wažny duel přećiwo Běłej Wodźe na domjacym hrajnišću. Wobaj cyłkaj wojujetej mjenujcy přećiwo zestupej. Tuž bě ćišć za SJC w tak mjenowanej hru wo šěsć dypkow enormny.
Bjez problemow do finala
Union Klosterfelde –
FC Energija Choćebuz 0:5 (0:3)
Zestawa Energije Choćebuz: Sebald – Milde, Slamar, Hildebrandt, Hasse (46. Campulka), Putze (66. Pelivan), Oesterhelweg (46. Shcherbakovski), Ndualu (46. Möker), Thiele (66. Heike), Halbauer
Slěd wrotow: 0:1 Thiele (3.), 0:2 Juckel (12.), 0:3 Oesterhelweg (36.), 0:4 Putze (57.), 0:5 Sherbakovski (83.)
Běše to sobota zažnych wrotow. FC Energija měješe w Klosterfeldźe z wrotami Timmyja Thiele po třoch mjeńšinach wuběrny start.
Po 12 mjeńšinach FCE znowa trjechi, dokelž njeměješe zastupjer Braniborskeje ligi žadyn přistup k hrě. Hosćo z jasnje změnjenym mustwom diktowachu wotběh hry, tak zo zakónčichu hosćićeljo swoje rědke nadběhi lědma z třělwami na wrota.
We wokrjesnym pokalnym kole starych knjezow je mustwo Sokoła ...
Widźał,słyšał, napisał (25.03.24)
Awtor dźensa
Kilian Hrjehor
Sylny mustwowy wukon
Sokoł Ralbicy/Hórki –
ST Hnašecy/Dobruša 3:2 (1:2)
Zestawa domjacych: Ch. Gloxyn (61. Jakubaš) – An. Wałda, Heidorn, Schultz, Woko, D. Gloxyn, Korjeńk, Šewc, Šołta, Rachela (81. Šiman), Bejmak
Top-hra 22. hrajneho dnja wokrjesneje wyšeje ligi je so wčera-njedźelu w stadionje „Jurij Frencl“ zahwizdała. Štwórty hraješe přećiwo třećemu tabulki. Duel je něhdźe 100 přihladowarjow do Delan wabił.
Sport (22.03.24)
Kopańca kónc tydźenja
W Pančicach-Kukowje wočakuje přihladowarjow njedźelu na twjerdym kopanišću napjata hra. Třeći wokrjesneje ligi wočakuje štwórteho. W boju přećiwo zestupej z krajneje klasy chcedźa Chróšćanska SJ a Běłowodźenjo njedźelu w Chrósćicach połnje dypkować.
23.03. 15:00 Rakečanske ST –
ST Wesenitzal
23.03. 15:00 Módro-běli Kulow –
Drohotka Ramnow
23.03. 15:00 SC Großröhrsdorf –
ST Radwor
24.03. 12:30 SJ Chrósćicy II –
ST Wjelećin
24.03. 12:30 HZ Ralbicy/Pančicy II –
Zeleno-běli Sepicy
24.03. 13:30 Łuty II – SJ Njebjelčicy
24.03. 14:00 ST Marijina hwězda –
ST Porchow
24.03. 15:00 Chrósćicy – Běła Woda
24.03. 15:00 Sokoł Ralbicy/Hórki –
ST Hnašecy-Dobruša
Swjatkowny turněr
Sobotu, 18. meje, a njedźelu, 19. meje, wotměje so w Hórnikecach tradicionalny 13. swjatkowny dartowy turněr we „wobydlerskim centrumje Hórnikecy“. Hrajerki a hrajerjo, kaž tež hosćo su wutrobnje witani na woblubowany dartowy sport. Hraje so na štyrjoch elektroniskich dartowych awtomatach a na štyrjoch steelartboardach. Kontakt za přizjewjenja: Mirko Hartwig 0152/05708695. Sobotu hraje so wot 13 hodź. do něhdźe 19 hodź., njedźelu započnu w 12 hodź.
Serbski Sokoł přeprošuje
Znowa so bjez dypka wróćili
ST Ćisk –
Sokoł Ralbicy/Hórki 3:2 (1:2)
Zestawa hosći: Chr. Gloxyn – An. Wałda, Schultz, D. Gloxyn, Woko, Šiman, Rawš, Heidorn, Šołta (50. Bjeńš), Korjenk, Šewc
Letargisce běše wustup w prěnich dwaceći mjeńšinach. Domjacy wojowachu a běžachu po kóždy bul. Sokoljo pak dwuboje najhusćišo přěhrachu. Přiwšěm sebi składnosće wuhrachu. Tak zwrěšći Filip Šiman na žerdźi jako samlutki na wrota smaleše. Łata wuchowa za Ćisk po wótrym róžku, jako spytaše škitar bul wujasnić. W 36. min. bu Dawid Šołta pósłany a běše spěšniši hač škitar. Wón pak ze stroprocentnej šansu na wrotarju zwrěšći. Naslědny róžk domjacy ke konterej wužichu a docpěchu nawjedowanje (38.). Do přestawki pak hosćo hišće hru zwjertnychu. Wólny kop Denny Gloxyn w 43. min. direktnje přetwori. Jenož mjeńšinu pozdźišo přeběža Šołta škit domjacych a docpě nawjedowanje.
Hač do kónca wojowali
ST Radwor –
ST Horni kraj Sprjewja 2:3 (0:2)
Zestawa domjacych: Šěrak – B. Grubert (74. M. Grubert), Schäfer, Schulze, Wjeńka, N. Šnajder, Nuk, Schöne (54. Hetaš), Castejon (66. Wjacławk), Wróbl (71. Reinecke), R. Šnajder
Spočatnje dyrbještej so wobě mustwje do hry namakać a sej wěstotu nadźěłać. Ale hosćo to lěpje zmištrowachu a mějachu wjace hrajnych podźělow. Radworske mustwo bojownisce zakitowaše a wjele njedowoli. W 17. min. a we 38. min. pak hosćo z Hornjeho kraja dwójce trjechichu a tak steješe 0:2. Ale bojowniscy Radworčenjo njedachu so zamylić.
W druhim połčasu běše Radwor časćišo před přećiwniskimi wrotami. Po róžku bě Niklas Šnajder při bulu a trjechi 1:2 (55.). Tola hósć zwyši na 3:1 (71.). Radwor dale jara bojownisce zakitowaše. Nimo toho wuchowa wrotar Christoph Šěrak zaso wjele bulow. W 77. min. bu Richard Šnajder w šěsnatce potorhnjeny a kapitan Tom Schulze zasuny k 2:3. Bohužel njemóžachu hosćićeljo z poslednimi akcijemi hižo wurunanje docpěć, zo bychu sej dypk zawěsćili.
Přiwšěm bě to porjadny wukon cyłeho mustwa přećiwo druhemu tabulki. Julien Glücklich
Zazběh playoff přěhrali
EC Kassel Huskies –
Łužiske lodohokejowe liški 5:1
(1:1, 3:0, 1:0)
Najrjeńši čas lěta za přiwisnikow lodohokeja w DEL 2 započa so z wrotami za Łužiske liški. W štwórćfinalnej seriji přećiwo Kassel Huskies měještej wobaj cyłkaj šansu za prěnje wrota. Na zbožo pak docpěchu tute hosćo z Łužicy, a to z hrajerjom wjac na lodźe. Jake Coughler přinjese puk před přećiwniske wrota. Mjeztym zo chcyštaj dwaj hrajerjej domjacych situaciju wujasnić, zdokonja Lane Scheidl puk přez wrotowu liniju sunyć. To bě 1:0 w pjatej mjeńšinje za hosći z Běłeje Wody. Kassel po tym šwarnje ćišć na wrota Liškow wukonješe. W jědnatej mjeńšinje ležeše hrajny nastroj hižo nimale we wrotach a tola móžachu so Łužičenjo wuswobodźić. Liški stejachu wěsće w defensiwje a dyrbjachu 12 sekundow do kónca prěnjeje třećiny tola hišće wurunanje přiwzać.
Srjedźny wotrězk chcyše faworit z Kassela tak spěšnje kaž móžno rozsudźić. To poradźi so jemu tež z trojimi wrotami přez Ryana Olsena (23.), Aleca Ahlrotha (26.) a Joela Lowryja (40.). Tuž dźěše z jasnym předskokom 4:1 do poslednjeje třećiny.
