Wodorunje: 3 žeńtwa, 5 wjes pola Běłeje Wody, 6 rola, 7 kupa w Srjedźnym morju, 10 znate město w šwicarskim Grau­bünden, 13 hospodarski plan, 14 drohotny čerwjeny kamjeń, 15 wójsko jendźelsce

Padorunje: 1 pos, 2 daloko ..., 3 sportowc, 4 zběrka zemjepisnych kartow, 8 dźěl helikoptera, 9 horiny w Čěskej/Pólskej, 11 łu­žiski jězor, 12 rěka w Italskej

Februarski Rozhlad změje za was roz­­pra­wy a recensije někotrych kulturnych zarjadowanjow hišće z lońšeho lěta. Tak pisatej Judith Škodźina a Justyna Michniuk wo schadźowance w Budyšinje a Cho­­ćebuzu, Chrysta Meškankowa hódnoći koncert na česć Jana Rawpa w Serbskim muzeju, Jens Daniel Schubert sinfoniski koncert SLA w dźiwadle w Budyšinje a Jill-Francis Ketlicojc rozprawja wo wobdźě­lenju skupiny Serbska reja na mjezyetniskim festiwalu a lěćnej akademiji „Proetnica“ w sedmihródskim Sighişoarje.

Dalše přinoški poćahuja so na tež lětsa zdźěla horco dale diskutowane temy. Susanne Hozyna a Marlis Heyerjec ze Serbskeho instituta wěnujetej so wjelkej z kulturnowědomostneho wida. Zhonimy mjez druhim, zo ma samo spěw „Zady našej’ pjecy“ zwisk z wjelkami. Nimo tajkich zajimawostkow dóstanjemy dohlad do dźěla europskich kulturnych wědomosćow, kotryž zaběra so z tym, kak wobchadźenje a předstawa čłowjeka wo druhich organizmach jeho kulturu wobwliwujetej.