Skupina hosći z francoskeje Elsaskeje je dźensa Budyšin wopytała. Mjez druhim pobychu dopołdnja w Smolerjec kniharni. Tam wobhonichu so předewšěm wo serbskej literaturje. Basnica Róža Domašcyna (nalěwo) čitaše jim na to wjacore swójske basnje a prozowe teksty, tak zo dóstachu zajimowani hosćo tež zaćišć, kak naša maćeršćina klinči. Foto: SN/Maćij Bulank

Kamjenc. Tónle termin měli sej fanojo kopańcy hižo nětko w protyce našmórnyć. Po tym zo bě moderator Gert „Zimmi“ Zimmermann hižo w januaru patron turněra železnych knjezow Lokomotiwy Kamjenca a wo atmosferje zahorjeny, je wón nětko dalši wopyt w Lessingowym měsće připowědźił. Z bywšim trenarjom Energije Choćebuz Eduardom „Ede“ Geyerom chce so tam „Zimmi“ wo najlubšej sportowej družinje w Němskej rozmołwjeć. Zarjadowanje wotměje so štwórtk, 7. septembra, w 19 hodź. w Kamjenskim měšćanskim dźiwadle. Předpředań zastupnych lisćikow započnje so póndźelu, 10. julija, w 9 hodź. w sportowym wobchodźe na Kamjenskej Pfortenowej 3. Zastup­ płaći dźesać eurow.

Hižo z dobrym wašnjom w Budyskim Němsko-Serbskim ludowym dźiwadle je, zo wotměwaja so za čas lětnjeho dźiwadła Budyske hrodowe filmowe nocy, lětsa dwanaty króć. Stajnje wutoru pokazuja tam wosebity film. Přichodny raz steji čěsko-słowaksko-francosko-němska produkcija „Rodinný film“ na programje, kotraž wopisuje njewšědnu a chětro napjatu situaciju čěskeje swójby w Praze. Zo bychu sej přihladowarjo wječor prawje lubić dać móhli, wo to stara so předstajer filmow Matthias Rothmann při technice. Foto: SN/Maćij Bulank

Čitajće w nowym rozhledźe (30.06.17)

pjatk, 30. junija 2017 spisane wot:

Prezident Europskeho parlamenta Antonio Tajani wotmołwja tydźensce wosobinsce na jedne z prašenjow, kotrež wobydlerki a wobydlerjo parlamentej sćelu. Jeho sobudźěłaćer Markus Warasin wopisuje, kak to wotběži: „Na prašenja woby­dlerjow wotmołwja swójska parlamentowa słužba. Nimo něhdźe 6 000 namołwow wo podpěru dóstachmy w aprylu 121 listow z prašenjemi na prezidenta. Často jewja so podobne temy: Něhdźe 35 procentow prašenjow bě k brexitej, dalšich něhdźe 30 procentow k migraciji. Tež ćežišćo wonkowneje politiki so husto jewi. Ze słužbu za naprašowanja wupytamy zwjetša wjetše prašenja za prezidenta. Wón raz jednu, raz tamnu temu sam wobdźěła. K mjeńšinam njemějachmy dotal hišće žane prašenja, ale měło-li tajke přińć, budźemy so wězo z nim zaběrać.“

Dźensa bě w Sakskej posledni šulski dźeń. To sydaja znamki, kotrež dóstachu tež dźěći 4. lětnika Slepjanskeje zakładneje šule. Wone tele kubłanišćo zdobom wopušća a podadźa so spočatk awgusta na dalewjeduce šule. Za rjadowniski wobraz k dopomnjeću tuž wšitcy hišće raz wjesele hladachu, štož wězo ćežko njebě. Wšako su prózdniny. Foto: Joachim Rjela

Po tym zo je Němsko-Serbske ludowe dźiwadło swoju inscenaciju „Raketa“ šěsć króć němsce a hornjoserbsce předewšěm na serbskich wyšich šulach a minjeny tydźeń tež we Wotrowskej starej šuli (na wobrazu) předstajiło, podadźa so z njej do Delnjeje Łužicy. Hra z aktualnym pozadkom, w kotrejž hraje elewka činohrajneho studija při NSLDź Anna Zacharijasojc, změje swoju delnjoserbsku premjeru póndźelu, 19. junija dopołdnja, na Delnjoserbskim gymnaziju (DSG). Dalšej předstajeni stej samsny dźeń wječor w internaće gymnazija a 22. junija hišće raz w DSG planowanej. Poslednje předstajenje hry budźe hornjoserbsce 27. junija w 19.30 hodź. w Serbskim seminarje w Praze. Foto: Feliks Haza

Na slědy reformacije běchu so wčera šulerki a šulerjo 8. lětnika Wojerowskeho Lessingoweho gymnazija podali. Zhromadnje ze swojej wučerku Ricardu Brucke-Sygusz wopytachu woni wustajeńcu wo reformaciji w Budyskim Serbskim muzeju. Dźěl přehladki běchu młodostni z kolažemi k dźensnišim problemam na swěće sami sobu wuhotowali. Wolontarka Monika Ošikowa šulerjow tež po slědach reformacije po sprejwinym měsće wjedźeše. Foto: Andreja Pawlikowa

Pjatk9.6. do 11.6.Wjesny swjedźeń w Konjecach a Šunowje

Sobotu10.6. a 11.6.Wjesny swjedźeń w Kulowcu na nawsy

Njedźelu11.6.10:00Moler a grafikar Jörg Tausch a rězbar Thomas Schwarz předstajitaj so na Ćišćanskim statoku

Póndźelu12.6.17:00Přednošk Michała Cyža wo medijach we Wojerowskej akademiji Konrad Zuse

Wutoru13.6.8:15Předstajenje NSLDź „Raketa“ na Radworskej wyšej šuli

Srjedu14. do 17.6.1. zetkanje šulerskich dźiwadłow Sakskeje w Budyskim Němsko-Serbskim ludowym dźiwadle

Array (09.06.17)

pjatk, 09. junija 2017 spisane wot:

Njedźelu hornjoserbsce

11:00 Łužica tutón tydźeń, mjez druhim wo předstajenju „Serbskeje kwasneje rewije“ w Chrósćicach

11:20 Temowy tydźeń „Na stary dźeń“

11:45 Dźensa zaklinči w Róžeńće oratorij „Podlěćo“

12:00 Katolske nabožne wusyłanje

po tym zbožopřeća

delnjoserbsce

12:30 Aktualny magacin, mjez druhim z powěsćemi tydźenja

13:00 Z hudźbu w rozmołwje

13:30 Nabožne wusyłanje

po tym zbožopřeća

Array (09.06.17)

pjatk, 09. junija 2017 spisane wot:

W delenach zaso swjeća

Konjecy-Šunow. Na dworje towarstwoweho domu w Konjecach wotměje so kónc tydźenja swjedźeń. Po natočenju piwa we 18 hodź. su zajimcy jutře na volleyballowy turněr, hudźbnu zabawu awot 21.30 hodź. na wječorny program zpřekwapjenkami přeprošeni. Njedźelu je wot 10.30 hodź. wubědźowanje wohnjowych woborow wokolnych wsow. Po wobjedźe započnje so w 14 hodź. bubblesoccer-turněr a dźěći su na póstniski swjedźeń witane. 16.30 hodź. pokaza dźiwadłowa skupina Konjecy-Šunow wšelake sceny a filmy ze zašłych wjesnych swjedźenjow.

Jubilejny swjedźeń při Sprjewi

Serbska debata

nowostki LND