Namóc a wjetša nuza hrozytej

póndźela, 10. meje 2021
artikl hódnoćić
(0 )

Freiburg (B/SN). Cofnjenje wojerskich jednotkow NATO z Afghanistana hódnoći Caritas international jako bědu a nuzu za ludźi w kraju. „Z humanitarneho wida je přechwatany wotćah hotowa katastrofa“, praji Oliver Müller, nawoda pomocneho skutka. NATO bě krótkodobnje wobzamknyła, zo hižo 1. meje z wotćahom započina. Hač do septembra ma 10 000 wojakow Afghanistan wopušćić, mjez nimi něhdźe tysac němskich. „Wšitko, štož je so minjene lěta docpěło, je nětko wohrožene“, měni Oliver Müller. Hrozy wulki strach, zo dóńdźe k dalšej eskalaciji namocy a k hišće wjetšej nuzy w kraju. Ludźo su hižo nětko w nimale wšitkich wobłukach žiwjenja na pomoc wotwonka pokazani. W Afghanistanje su nimale wšitcy wobydlerjo muslimskeje wěry. Romsko-katolskich křesćanow tam talibanojo dale přesćěhuja.

Boha hanić zakazane

wozjewjene w: Cyrkej a swět
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND