Škit Budyšin dwójce wuspěšny

wutora, 02. junija 2015 spisane wot:
Prěnja serbska beachvolleyballowa liga je so minjeny tydźeń zahajiła. Štyri duele wotměchu so při najrjeńšim wje­drje na no­wym polu w Róžeńće. Škit Budy­­šin doby swojej prěnjej hrě přećiwo dwój­komaj Ješka/Gedik a Šołta/Šołta z 2:1. Ze samsnym wuslědkom skónči so duel Šołta/Šołta – Ješka/Gedik.
J. Bjeńš

Wuslědki (02.06.15)

wutora, 02. junija 2015 spisane wot:

Aktulna tabulka serbskeje beachvolleyballoweje ligi

Metod Šołta/Beno Šołta 4 7:3   3:1

Ludwig Eckert/Marko Brězan 2 4:1   2:0

Škit Budyšin 2 4:2   2:0

Marcel Rjelka/Jurij Lipič 1 2:0   1:0

Norbert Wahlicht/Jan Bětnar 0 0:0   0:0

Marko Smoła/Lukas Kubic 2 2:3   1:1

Maćij Šěn/Daniel Gal 3 2:5   1:2

Benedikt Smoła/Jurij Bjeńš 2 2:4   0:2

Stefan Gedik/Jan Ješka 2 2:4   0:2

Jakub Langa/Jurij Hantuš 2 1:4   0:2

Wjacori Serbja na podestnych městnach

póndźela, 01. junija 2015 spisane wot:

7. swjatkowne běhi wokoło Bjerwałd­skeho jězora přewjedli

Sedmy króć su so běharki a bě­ha­rjo swjatki wokoło Bjerwałdskeho jězora wubědźowali. 460 atletow startowaše při přijomnym wjedrje při rjanym jězoru na jednej z distancow 0,8 km, 3 km, 5 km, 10 km a 21,1 km (połma­rathon). Sportowcy běchu ze Sak­skeje, Braniborskeje, Durinskeje, Berlina a samo z Frankfurta nad Mohanom.

Wurisanje na 5 km (86 w cilu, z nich 38 žónskich) skónčištaj w swojimaj sku­pinomaj šulerka Serbskeho gymnazija Budyšin Larissa Měrćinkec na třećim (23:13 min.) a Roman Měrćink z Baćonja na 2. městnje (19:30 min.).

K najstaršim běharjam při Bjerwałdskim jězoru słušeše tež Serb Jurij Nuk z Budyšina, kiž zmištrowa distancu 10 kilometrow jako dobyćer w skupinje 80–84 lět w 1:18:50 hodź. Prima wojowachu na tu­tej čarje tež Krawcec staršej a jeju dźowka, kotřiž startuja za Hrubjelčicy. Dźowka Paula wubědźi sej w skupinje pod 18 lětami samo bronzowe městno (1:04:31 hodź.), zhromadne 5. městno wobsadźištaj nan Jan Krawc (44:16 min.) a mać Anja (1:04:37 min.) w skupinje 40–44 lět.

W nowych trikotach prezentuje so wot kónca tydźenja volleyballowy dorost Sportoweho towarstwa Marijina hwězda. Zmóžniłoj staj to třěchikryjerski mišter Henrik Gerntke ze Smječkec a Nawkec zubnolěkarska praksa z Hornjeho Wujězda. Foto: Pětr Bart

Žadyn zajim za Ü 50

póndźela, 01. junija 2015 spisane wot:
Za koparskej turněraj starych knjezow pjatk, 19. junija, w Ralbicach njeje Serbski Sokoł – wuhotowar turněra – dotal­ ani jeničke přizjewjenje starobneje klasy nad 50 lětami dóstał. Hižo loni běchu zamoł­wići třěšneho zwjazka serbskich sportowych towarstwow na próstwu reagowali, turněr Ü 50 wupisali a podarmo na přizjewjenja čakali. Na turněrje Ü 32 pak chce so šěsć mustwow wobdźělić.
Jan Hrjehor

FIFA namołwjena

póndźela, 01. junija 2015 spisane wot:
Berlin (dpa/SN). Swětowy koparski zwjazk FIFA měł po měnjenju zwjazkoweho nutřkowneho ministra Thomasa de Maizièra (CDU) swój wólbny system zasadnje ponowić. Znowawuzwolenje prezidenta Josepha Blattera pokazuje, zo dyr­bi zwjazk nuznje jednać, rjekny de Maizière, kiž je tež za sport zamołwity, sćelakej RBB. „W FIFA ma kóždy kraj jedyn hłós, byrnjež koparski wuznam krajow jara rozdźělny był.“

Předskok wušiknje zakitowali

póndźela, 01. junija 2015 spisane wot:

Sokoł Ralbicy/Hórki – LSV Hory 1990 1:0 (1:0)

Zestawa domjacych: Gloxyn – Kř. Matka, M. Matka, Lulak, Bjeńš, Korjeńk, Schultz, Šołta, Wałda, M. Kurjat, G. Kurjat

Prěni połčas flop, druhi top

póndźela, 01. junija 2015 spisane wot:

ST Ćisk – SJ Chrósćicy 3:3 (3:0)

Zestawa hosća: Teschner – Pöpel, Schulze, Dehn, Šafář, Dórnik, Runt, Domaška, Zahrodnik (60. Šiman), Šmit, Žur

Wo sensaciju postarachu so sobotu w Ćisku Chróšćanscy koparjo. Štó by kónc prěnjeho połčasa hišće wěrił, zo woni po 3:0 wuslědk bjezmała zwjertnu. Hač­­runjež hrajachu prěnje 20 mjeńšin koncentrowanje, dyrbjachu hnydom troje wrota kasěrować. Při tym pak njebě klasa Ćišćanow rozsudna, ale skerje zmylki hosći. Po dołhej diagonalnej flance njebě Schulze dosć wusko při Gesu, kiž trjechi z pjatu 1:0 (25.). Při druhich wrotach njebě při zamjeće znowa žadyn Chróšćan při Koberu. Tón so w šěsnatce přesadźi a bu wot Dehna foulowany. Jědnatku na to Geso wěsće přetwori (33.). Při třećich wrotach zhubi Schulze hižo dobyty bul přećiwo Gesu, wón dźěše znowa do šěsnatki, hdyž hižo Dehn ča­kaše a jeho znowa potorhny. Tónkróć smědźeše Kober nastupić. Tež wón pokutny kop wěsće do saka prasny (43.). Hačrunjež běchu Chróšćenjo šokowani, woni hłowu njewěšachu, dokelž wědźachu, zo maja hrajersce hišće šansu.

Wuslědki (01.06.15)

póndźela, 01. junija 2015 spisane wot:

Kopańca, krajna liga

Biskopicy – Póst Drježdźany 4:1 (2:1)

Döbeln – Zhorjelc 0:3 (0:1)

Hohenst.-Ernstthal – Kamjenc 1:1 (0:0)

Markkleeberg – Heidenau 4:1 (2:1)

FSV Zwickau II – BSG Chemija 2:3 (2:1)

1. BSG Chemija 27 52 : 25 55

2. FC International 27 59 : 33 55

3. Biskopicy 27 47 : 22 54

4. FC Eilenburg 27 42 : 24 48

5. FC Grimma 27 54 : 34 46

6. Wocl Riesa 27 34 : 31 43

7. Zhorjelc 27 43 : 31 41

8. BSC Freiberg 27 50 : 46 38

9. Hohenstein-Ernstthal 27 40 : 44 36

10. Heidenau 27 38 : 39 35

11. FSV Zwickau II 27 41 : 37 34

12. Kamjenc 27 30 : 29 32

13. Markkleeberg 27 43 : 41 31

14. Glauchau 27 50 : 66 27

15. Döbeln 27 24 : 89 11

16. Póst Drježdźany 27 26 : 82 6

wokrjesna wyša liga

Połčnica – Póst Budyšin 4:0 (1:0)

Bukecy – Hnašecy 5:4 (2:3)

Kumwałd – Wachau 6:3 (4:1)

Ramnow – Biskopicy II 0:0 (0:0)

Sepicy – Kulow 3:5 (0:4)

Wojerecy 1919 – Großröhrsdorf 0:3 (0:0)

1. Biskopicy II 27 89 : 28 60

2. Ćisk 27 76 : 30 56

3. Großröhrsdorf 27 72 : 38 56

4. Póst Budyšin 27 66 : 59 52

Widźał, słyšał, napisał (01.06.15)

póndźela, 01. junija 2015 spisane wot:

Awtor dźensa

Křesćan Korjeńk

„Je kónc, je kónc, je ze wšěm­ kónc ...“ Ně, ně, nochcu tu žanu paniku šěrić. Definitiwnje pak je so po sobotnej pokalnej hrě skónčił čas trenarstwa Jürgena Kloppa pola žołto-čornych z Dortmunda. Emocionalne to wokomiki po wothwizdanju poslednjeje kopar­skeje partije pod jeho zamołwitosću. Ćim bóle hišće, dokelž so nichtó rady z poražku njeroz­žohnuje. Na kóncu běše mustwo z Wolfsburga rezolutniše a je swoje šansy efektiwnje wužiwało. Klopp je šoł – dokal pak póńdźe, wě dotal snano je­ničce wón. Hač drje w tajkich situa­cijach jenič­ce pjenjezy rozsudźa? Bórze smy mudriši, ale spekulacije so wšědnje w medijach šěrja. Mnozy Jürgena Kloppa lubowachu, snano runje telko jeho nje­lubowaše. Wón je wjele zdokonjał, ale to su­ mjeztym wšitko stawizny.

Minjeny pjatk smy w Ralbicach tež pohladali kusk do šulskich stawiznow. 40lětne wobstaće tamnišeje serbskeje šule je tež ze sportom wusko zwjazane. To wědźachu wšelacy hosćo hódnoćić, jako dari­chu kubłanišću sportowe bule.

nawěšk

SERBSKE NOWINY podpěruja:

Novi Sad – kulturna stolica Europy

nowostki LND