Wólby, murja, horiska
Najwobšěrniši přinošk přichodneho wusyłanja telewizijneho magacina Wuhladko wěnuje so njedawno wotmětej 20. hłownej a wólbnej zhromadźiznje Domowiny w Slepom. Dalši wažny podawk, kotryž telewiznicy wobswětleja, je jubilej před sto lětami nowozałoženeho Drježdźansko-Mišnjanskeho biskopstwa. Tež stawizniski wobłuk magacina zaběra so z róčnicu. Fachowcy rozjimaja, kak je so twar Berlinskeje murje před 60 lětami na wobydlerjow NDR, hospodarstwo kraja a nic naposledk na Serbow wuskutkował. Nimo toho poda so filmowe mustwo na pućowanje podłu noweje šćežki Ćišinskeho w Pančicach-Kukowje. Trochu zdalenišo a předewšěm wyše po puću je tuchwilu Elias Bětka w Pamirskich wjelhorinach. Wuhladko je so pola njeho wo stawje naročneje wuprawy wobhoniło.
Telewizija MDR wusyła Wuhladko jutře w 11.45 hodź. Wospjetowanje na samsnym sćelaku slěduje póndźelu, 5. julija, w 6.10 hodź. W telewiziji RBB pokazaja magacin sobotu, 10. julija w 13.30 hodź.
Na lětnjej zahrodźe Wojerowskeje Kulturneje fabriki su njedawno ...
Delnjoserbski spěw (25.06.21)
Jeli pytane słowa 1–12 prawje zapisaće, wučitaće z přidaćom dalšich pismikow hornjoserbsku wersiju delnjoserbskeho spěwa
1 dźěl ratarskeho kubła, 2 rola, 3 hłuboka dźěra, 4 wučbny předmjet skrótš., 5 měsac, 6 hudźbne znamjo, 7 ličba, 8 norwegska stolica, 9 zapal, 10 mlěć imperatiw, 11 nócny ptak, 12 kupa w Srjedźnym morju
Protyka (25.06.21)
Pjatk 25.6. 19:30 Knižna a klankodźiwadłowa premjera „Verfitzt und zugenäht“ składnostnje 60lětneho wobstaća Budyskeho klankodźiwadła na dźiwadłowej zahrodźe NSLDź
Sobotu 26.6. 17:15 W rjedźe „Tachantske koncerty“ koncertuje SLA w Budyskej tachantskej cyrkwi
20:00 La Noche Latina – rejwanski wječor z łaćonskoameriskimi rytmami w Budyskim Kamjentnym domje
Pokiwy (25.06.21)
Požohnowanje motorskich
Ralbicy. Njedźelu, 27. junija, změja wodźerki a wodźerjo motorskich před Ralbičanskej cyrkwju po nyšporje w 14 hodź. składnosć, swoje mašiny žohnować dać. Tež „njemotorizowani“ hosćo su witani. Płaća aktualne hygienowe předpisy.
Dyrlich čita we Westfalskej
Münster. Arabsko-němske literarne koło ArDeLit přeproša póndźelu, 28. junija, w 19 hodź. na němsko-serbske čitanje w Zbóžnikowej cyrkwi westfalskeho Münstera. Wosebity hósć nachwatanja loni nazymu planowaneho zarjadowanja je Benedikt Dyrlich, kiž prezentuje swoje w dwěmaj zwjazkomaj wušłe memoary „Doma we wućekach“. Čitanje je tež online přistupne, zajimcy njech přizjewja so z mejlku na.
Předstaji přełožk „Židowki Hany“
Rozhłós (25.06.21)
njedźelu hornjoserbsce
11:00 Łužica tutón tydźeń
11:20 Oratorij „Podlěćo“ Korle Awgusta Kocora a Handrija Zejlerja.
12:00 Nabožne wusyłanje
(Florian Mróz)
po tym zbožopřeća
delnjoserbsce
12:30 Aktualny magacin, mjez druhim z přinoškom Bórkowskeho hamtskeho wuběrka wo Domizniskim muzeju Dešno a z kolumnu „Tak to widźu“
13:00 Hudźbne wusyłanje: Mjena Trjebinskich zahonow
13:40 Nabožne wusyłanje
(Manfred Hermaš)
po tym zbožopřeća
Čitanje njebudźe
Pokiwy (18.06.21)
Kulinarisce a hudźbnje po měsće
Kamjenc. Lessingowe město wuhotuje pod hesłom „Sym nětko (zaso) tu!“ wosebity kónc tydźenja chłóšćenja a nakupowanja. Dźensa, 18. junija, přeprošeja Kamjenscy gastronomojo hosći ke kulinariskim chłóšćenkam. Jutře wot 10 hodź. slěduje „Dołha nakupowanska sobota“. Njedźelu wot 10 do 18 hodź. wotměje towarstwo Měšćanska dźěłarnja wobydlerska zahroda Kamjenc, kulturnje podpěrane wot Budyskeje wokrjesneje hudźbneje šule, 2. dźeń wotewrjenych zahrodow. Póndźelu, 21. junija, bychu dwanatki hudźbnikow cyłe Lessingowe město we wobłuku „Fête de la Musique“ zaklinčeć dali. Swjedźeń pak lětsa znowa po zwučenym wašnju přewjesć njemóža. Takrjec jako zarunanje chce dohromady dźewjeć hosćencow a barow hosći z live-hudźbu zawjeselić. Nadrobne informacije pod
Wodźitej po wustajeńcy
