Na wolerskim forumje SN: Mjezsobna komunikacija je zakład polěpšenja
Budyšin (SN/JK). Kandidaća za wólby Budyskeho wyšeho měšćanosty běchu sej wčera wječor na zhromadnym wolerskim forumje Serbskich Nowin a Domowinskeje župy „Jan Arnošt Smoler“ přezjedni w tym, zo serbskosć sprjewine město wobohaća. Aktualny staw a prezencu dwurěčnosće w zjawnym žiwjenju města posudźuja kandidaća jako spokojacej. Serbskosć pak ma so dale wuwić a njesmě so zhubić w paralelnym swěće.