Wokrjesna reforma w Braniborskej postara so tuchwilu tež w Choćebuzu wo horce diskusije. Na wčerawšej wobydlerskej zhromadźiznje w hotelu „Radisson Blu“ rěčachu k wodźacemu wobrazej, před hotelom mnozy přećiwo planam kraja demonstrowachu.
Choćebuz (SN/JaW). Braniborska chce swoje wokrjesy znowa rjadować. Wčera steješe tema w srjedźišću wobydlerskeje zhromadźizny w Choćebuzu. Na njej braniborski nutřkowny minister Karl-Heinz Schröter (SPD) plany předstaji. Žurla hotela njedosahaše, zo bychu wšitcy rum měli a diskusiju sćěhować móhli. Něhdźe 100 ludźi dyrbješe wonka wostać.