Změna ma so poradźić

štwórtk, 16. awgusta 2018
artikl hódnoćić
(0 )
Předsydka SPD Andrea Nahles (2. wotprawa) je wčera popołdnju přeprošenje koncerna Łužiska energija a milinarnje (LEAG) sćěhowała a do Chusejskeho wobydlerskeho domu přijěła. Wučomnicy LEAG skedźbnichu tam na swoju napjatu situaciju, jelizo so zmilinjenje brunicy skónči. Wuhlo ma za Łužicu wulki wuznam. Hižo do zetkanja ze zastupjerjemi předewzaća rozmołwješe so zwjazkowa politikarka z wjesnjanostami a předewzaćelemi regiona kaž tež z wobydlerjemi Wjelceje. Foto: Michael Helbig Předsydka SPD Andrea Nahles (2. wotprawa) je wčera popołdnju přeprošenje koncerna Łužiska energija a milinarnje (LEAG) sćěhowała a do Chusejskeho wobydlerskeho domu přijěła. Wučomnicy LEAG skedźbnichu tam na swoju napjatu situaciju, jelizo so zmilinjenje brunicy skónči. Wuhlo ma za Łužicu wulki wuznam. Hižo do zetkanja ze zastupjerjemi předewzaća rozmołwješe so zwjazkowa politikarka z wjesnjanostami a předewzaćelemi regiona kaž tež z wobydlerjemi Wjelceje. Foto: Michael Helbig

Šefina SPD Andrea Nahles wčera Delnju Łužicu wopytała

Wjelcej (dpa/mih/SN). Předsydka strony SPD Andrea Nahles bě wčera we Wjelcej, zo by so tam wo strukturnej změnje we Łužicy wobhoniła. „Chcu skónčnje raz poradźenu strukturnu změnu tworić“, rjekny Nahles na zetkanju z wjesnjanostami, předewzaćelemi a wobydlerjemi delnjołužiskeho městačka. Po jeje słowach njebu w zašłosći na hłuboko sahace změny spěšnje dosć reagowane. We Łužicy je móžno modelowy region wu­tworić a pokazać, kak móže strukturna změna wuspěšna być. Mjeztym je Zwjazk brunicowu komisiju zasadźił, kotraž ma datum za kónc zmilinjenja na zakładźe brunicy postajić a alternatiwy za zhubjene dźěłowe městna namakać.

Andrea Nahles namjetowaše wčera wosebity wobchadny plan, z kotrymž móhli projekty za železnisku syć abo dróhi doprědka sćahnyć. Zwjazk njeměł to komunam samym přewostajić. Šefinje SPD je wědome, zo njeje Łužica přirunajo z brunicowymi regionami na zapadźe Němskeje kmana alternatiwne dźěłowe městna poskićeć.

wozjewjene w: Politika
Prošu přizjewće so, chceće-li komentar podać

nawěšk

nowostki LND