Měnjenja, wutworić zastupnistwo Serbow, po generacijach rozdźělne
Pančicy-Kukow (JK/SN). Wólby Serbskeho sejma so pomału bliža. Hišće pyta iniciatiwa za kandidatami. Runje tak su wolerjo namołwjeni, dać so do wólbnych lisćin zapisać. Informacije abo samo zajim wo zaměrach a wobsahu kaž tež přichodnym skutkowanju sejma su wosebje w gmejnach zarjadniskeho zwjazka Při Klóšterskej wodźe jara rozdźělne. Měnjenja sahaja wot podpěry a wěstych wočakowanjow hač k dospołnemu wotpokazanju. To zaleži na wšelakich přičinach. Tež, hdyž so iniciatiwa hižo wjacore lěta wo sejm prócuje, běchu a su informacije wo jeho zaměrach a skutkowanju po měnjenju mnohich wobydlerjow njedosahace abo na wuzwolene kruhi wosobow wobmjezowane.