Rozrisanju jara bliscy poručenje

pjatk, 24. awgusta 2018
artikl hódnoćić
(0 )
Budyski krajny rada Michael Harig, wjesnjanosta gmejny Ralbicy-Róžant Hubertus Ryćer a sakski ministerski prezident Michael Kretschmer (wobraz nalěwo, wotlěwa, wšitcy CDU) su so wčera w Róžeńće z wobydlerjemi temje wjelk wěnowali.  Foto: Feliks Haza Budyski krajny rada Michael Harig, wjesnjanosta gmejny Ralbicy-Róžant Hubertus Ryćer a sakski ministerski prezident Michael Kretschmer (wobraz nalěwo, wotlěwa, wšitcy CDU) su so wčera w Róžeńće z wobydlerjemi temje wjelk wěnowali. Foto: Feliks Haza

Wjelča problematika sakskeho premiera do Róžanta wjedła

Róžant (JK/SN). Sakska je po dobrym puću, starosće wobydlerjow nastupajo wjelki rozrisać. To zwurazni wčera na Róžeńčanskim gmejnskim zarjedźe ministerski prezident Michael Kretschmer (CDU) w rozmołwje z něhdźe 40 starosćiwymi wo­bydlerjemi z wokoliny, wowčerjemi, zastupnikami iniciatiwy k wobmjezowanju wjelčeho wobstatka a fachowcami wšelakich sakskich institucijow. Na turje po kraju bě Kretschmer přilubił, po wopyće Kamjenskeje Boršće so w Róžeńće aktualnym prašenjam a problemam nastupajo wjelki we Łužicy wěnować. Moderaciju přewza zapósłanc Sakskeho krajneho sejma Alojs Mikławšk (CDU).

Iniciatoraj peticije k wobmjezowanju wjelčeje populacije Gabriela a Jurij Lebzec z Koslowa rozłožištaj staw dotalnych wot wjelkow zawinowanych škodow w Delanach a prócowanja iniciatiwy. Wobaj kritizowaštaj komunikaciju a nastajenje zarjadow a instancow, kotrychž nadawk wšak je so z wjelkom rozestajeć.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND