Lübtheen (dpa/SN). Ze zhromadnymi mocami chcedźa wohnjowa wobora, Zwjazkowa wobora a policija zahubny lěsny woheń na něhdyšim wojerskim zwučowanišću w mecklenburgsko-předpomorskim Lübtheenje wotnutřka hašeć. Za to su tanki Zwjazkoweje wobory šćežki do lěsa runali, do kotrehož pomocnicy dotal tam ležaceje stareje municije dla njemóžachu. Po informacijach zasadźenskeho staba su so płomjenja mjeztym na 1 200 hektarow rozpřestrěli.

Wikowarjow drogow zajeli

Kijew (dpa/SN). Mjezynarodnu cwólbu wikowarjow z drogami je ukrainska policija rozbiła a kokain w cyłkownej hódnoće 50 milionow eurow sćazała. Na wjacorych racijach su cyłkownje 400 kilogramnow wopojneho jědu našli, kaž z Kijewa informuja. Dźewjeć podhladnych su zajeli.­ Kokain běchu z Kolumbiskeje na Ukrainu přiwjezli, zo bychu jón tež w druhich europskich krajach předawali. Wot spočatka lěta su na Ukrainje 925 kilogramow heroina a 675 kilogramow kokaina sćazali.

Mortwi w lěhwje ćěkancow