Brüssel/Strasbourg/Berlin (dpa/SN). Europski parlament w Strasbourgu je dźensa wólby noweho prezidenta zahajił. Cyłkownje štyrjo kandidaća běchu so za to přizjewili, mjez nimi zastupjerka němskich Zelenych Ska Keller. Najlěpše wuhlady drje ma italski socialdemokrat David-Maria Sassoli, kotrehož tež Europska ludowa strona podpěruje. Za zastojnstwo prezidenta kandidujetaj dale španiska zapósłanča Sira Rego a Čech Jan Zahradíl. Wuslědk wólbow hač do kónca redakciskeho časa hišće njepředležeše.