Sakskej delegaciji reprezentantow a cyrkwjow přisłuša tež Domowina

Drježdźany/Brüssel (SN/mb). Připowědź w zhromadnej zdźělence Drježdźansko-Mišnjanskeho biskopstwa a Ewangelsko-lutherskeje krajneje cyrkwje Sakskeje klinči kaž namołwa k politiskemu putnikowanju: „zasadźować so za hódnoty Europy, reziliencu Europy sylnić“. Z tutym zaměrom je so wčera 18 zastupjerjow cyrkwjow, sakskeho knježerstwa, politiki a towaršnosće do Brüssela podało. Mjez nimi je tež předsyda Domowiny, Dawid Statnik. Hač do pjatka chcedźa so tam z europskimi akterami wuměnjeć.