Berlin (dpa/SN). Na swojim wčerawšim zetkanju w Berlinje staj wonkownaj ministraj Němskeje a Israela Johann Wade­phul (CDU) a Gideon Saar knježerstwo ­Irana napominałoj, wójnu w golfowym regionje zakónčić a swoje plany atomoweho wobrónjenja spušćić. Israelski wonkowny minister widźi w poslednich nadběhach Irana na Zjednoćene arabske emiraty, zo je to „wuraz błudnosće iranskeho Mullah-systema“.

USA přetorhnu wojersku akciju

Washington (dpa/SN). US-prezident Donald Trump je wčera na swojej powěsćowej platformje Truth Social připowědźił, zo chce Projekt swobody, w kotrymž zmóžnja wójsko USA wikowanskim łódźam wěsty přejězd přez Hormuski přeliw, „na krótki čas wusadźić“. Jako přičinu mjenowaše wón „wulke postupy“ w zwisku z jednanjemi wo zakónčenje wojerskeho konflikta mjez Iranom a USA.

Španiska dowola łódźi zajězd