To a tamne (04.11.16)
Kradnjene howjaze mjaso dale předawał je 60lětny w delnjofrankskim Schweinfurće – a to we wulkim stilu. Kaž w policajskej rozprawje steji, bě to 370 kilogramow mjasa w hódnoće 5 500 eurow. Mjaso bě wón w předawarni spakosćił, hdźež móžeš žiwidła we wjetšich mnóstwach kupować. Zawčerawšim jeho lepichu a zajachu. Rubiznu wožeše paduch prawidłownje k tankowni, hdźež „kupc“ na njeho čakaše. Tón „płaćeše“ jemu dźesać eurow na kilogram.
Jako hororowy klawn předrasćeny muž je sej w porynsko-pfalcskim Frankenthalu wopačny wopor wupytał. Jako chcyše srjedu wječor młodu žonu nastróžić, kotraž bě z psom w parku po puću, kusny jeho dakl do nohi. K tomu jemu 25lětna do delnjeho ćěła kopny. Z dalšimi klawnami, kotrež w kerku čakachu, so muž spěšnje zminy.
Čwěluja ćěkancow
London (dpa/K/SN). Organizacija za čłowjeske prawa Amnesty International winuje italsku policiju čwělowanja ćěkancow. Wěstotne mocy su migrantow z bićom a elektrošokami k tomu nuzowali, wotćišće porstow wotedać. Zdobom mjezynarodna organizacija italskim instancam wumjetuje, zo migrantow často tež na njedowolene wašnje wotsuwaja. Amnesty International powołuje so na woprašowanja něhdźe 170 ćěkancow w tak mjenowanych „hotspotach“.
Tysac policistow pušćili
Istanbul (dpa/SN). Dobre tři měsacy po pospytanym wojerskim puču w Turkowskej su tam 1 218 policistow pušćili. Mjez nimi je 419 oficěrow, kaž nutřkowne ministerstwo dźensa zdźěli. Zastojnikam wumjetuja zwiski k hibanju wokoło islamskeho prědarja Fethullaha Gülena, kiž bě puč 15. julija pječa naškarał. Turkowska je mjeztym 60 000 statnych přistajenych pušćiła. Wjace hač 36 000 ludźi sedźi w přepytowanskej jatbje.
Wiki a konferencu wotewrěł
Fotografka Regina Schmeken je dźensa swoju wustajeńcu „Krawna ...
Kretschmannza kandidaturu Merkel
Berlin (dpa/K/SN). Badensko-württembergski ministerski prezident Winfried Kretschmann (Zeleni) je za to, zo předsydka CDU Angela Merkel znowa za zastojnstwo kanclerki kandiduje. „To bych za jara dobru wěc měł“, rjekny wón wčera wječor we wusyłanju telewizije ARD „Maischberger“. Po słowach Kretschmanna je kanclerka „w nětčišej europskej krizy jara wažna. Jeje kurs je prawy. Njebych wědźał, štó móhł tónle job lěpje wukonjeć.“
Šef Lěwicy Bernd Riexinger je wustupowanje Winfrieda Kretschmanna za Merkel komentował ze słowami, „kaž by fan BVB mustwu Schalke 04 palcy tłóčił. Absurdnosć. Snano dyrbjał wón do druheho mustwa hić.“
Přećiwo dawkowym oazam zakročić
Klětu zaso wubědźowanje
„Wón njewě, što je naparał“
Razna reakcija na rozmołwu Budyskeho měšćanosty z prawicarjemi
Budyšin (SN/MkWj). Tójšto kritiki žněje Budyski wyši měšćanosta Alexander Ahrens (njestronjan), po tym zo bě so wón tydźenja, po namócnosćach mjez młodymi ćěkancami a pozdatnymi prawicarjemi, ze zastupnikami prawicarskich skupin w Budyskej radnicy zetkał. Skupina wjacorych radźićelow wšelakich frakcijow Budyskeje měšćanskeje rady, wokrjesneho sejmika, politiskich stron a towarstwow je so mjeztym ze zjawnym listom na njeho wobroćiła. K podpisarjam listam słušeja mjez druhimi Elisabeth Hauswald (CDU), Claus Gruhl (Zeleni), wokrjesny radźićel Sven Scheidemantel (frakcija SPD/Zeleni) a Ramona Scholz (Budyšin wostanje pisany).
Sejm so prašeć
To a tamne (03.11.16)
Přećiwo domjacym nadawkam stawkować chcedźa swójby w Španiskej. Přičina je hoberske mnóstwo nadawkow, kotrež tam dźěćom nabrěmjenjeja. Spočatnje chcedźa jenož kónc tydźenja domjace nadawki ignorować. Zaměr kampanje wšak je tele nadawki dospołnje wotstronić. Po přepytowanjach EU dyrbja šulerjo w Španiskej tydźensce 6,5 hodźin za domjace nadawki nałožić, w Němskej porno tomu jeno 4,7 hodźin. Jeli stawk ničo njewunjese, chcedźa jón klětu na wšitke dny tydźenja rozšěrić.
Pjany pěšk na awtodróze A 4 je wobchadne njezbožo zawinił, při čimž pak so na zbožo jeno snadnje zrani. 45lětny běžeše wosrjedź jězdnje. Při kontroli naměrichu zastojnicy pola njeho 1,8 promilow alkohola w kreji. Njezbožo sta so wčera wječor při Porchowskej wotbóčce do směra na Drježdźany.
Katolsku chorownju chwalił
Berlin (B/SN). Chorownja swj. Jadwigi, wobstejaca 170 lět, je najstarša Berlinska chorownja w nošerstwje katolskeje cyrkwje. Na swjedźenskim zarjadowanju wobdźěli so tež Prěni měšćanosta Michael Müller (SPD). W narěči wón chwaleše, zo steji chorownja za „žiwu mjezyčłowjeskosć“. Wot załoženja pomha wona pacientam, njehladajo na jich nabožinu a pochad. Tež dźensa wukonja wažny přinošk k tomu, zo wostanje rosćaca stolica „čłowjeska a solidarna“.
Zwjazani we wšelakorosći
Genf (B/SN). Lutherski swětowy zwjazk (LWB) a katolska cyrkej stej do swjatočnosćow k 500. róčnicy reformacije swoje zhromadnosće wuzběhnyłoj. Po lětstotkach trajacych napjatosćach a konfliktach su katolscy a ewangelscy wěriwi 31. oktobra prěni raz na globalnej runinje zhromadnje w šwedskim Lundźe na reformaciju spominali. Zhromadnu Božu słužbu swjećeštaj tam bamž Franciskus a prezident LWB, biskop Munib Younan.
Modlić so za přesćěhanych
