Sport (30.09.22)
Wulki derby we wyšej lize
We wyšej lize su hosćo z Biskopic njedźelu w Budyšinje jasny faworit. Hišće njeporažene mustwo trenarja Franka Ričela nastupi pola cyłka Budissy Budyšin, kotryž bědźi so hižo wot spočatka sezony ze zranjenymi hrajerjemi. Přećelskej hrě so jutře njedźelu tež přewjedźetej. W Radworju nastupi připołdnju młodźina B z Kakasd a popołdnju mužojo.
1.10. 14:00 Jednota Kamjenc –
Drježdźany 06 Laubegast
1.10. 15:00 Rakečanske ST –
FSV 1990 Nowosólc-Hrodk
1.10. 15:00 SC 1911 Großröhrsdorf –
Sokoł Ralbicy/Hórki
1.10. 15:00 HZ Wóslink/Skaskow/
Kulow II – SJ Njebjelčicy
1.10. 15:00 ST 1896 Wulka Dubrawa –
SJ Chrósćicy II
1.10. 15:00 HZ Mały Wosyk/Pančicy II
– HZ Wulka Dubrawa II/
Radwor II
2.10. 11:00 ST Jednota Kamjenc II –
HZ Ralbicy II/Njebjelčicy II
2.10. 13:00 ST Radwor B – Kakasd B
2.10. 13:00 Budissa Budyšin –
Biskopičanske KT 08
2.10. 14:00 ST Marijina hwězda –
ST Lubuš
2.10. 15:00 ST Radwor – Kakasd
Běh wo pokal zbóžneho Alojsa
Póndźelu změja w Radworju zaso wjacore běhi wo pokale zbóžneho kapłana Alojsa. Hišće su přizjewjenja za čary 500 m, 1 000 m, 1 500 m, 2 000 m, 4 000 m a 6000 m pod móžne. Započatk budźe 3. oktobra wot 9 hodź. na Radworskim sportnišću.
Hra legendow w Běłej Wodźe
Nowe trikoty a wrota dóstali
Kónc za SJC hižo po prěnim kole
Arnsdorfske KT II – SJ Chrósćicy II 3:1 (1:1)
Zestawa hosći: Ki. Mark – Šołta, Kola, Kl. Mark, Čornak (Klimant) – Donat, Kreuz, C. Handrik, Wencel, S. Handrik – Liznar
Wuslědki (28.09.22)
Kopańca,
wokrjesny pokal muži
HZ Wulka Dubrawa II/Radwor II –
Bretnig-Hauswalde0:8 (0:3)
SV Liegau-Augustusbad –
ST Wjelećin6:5 (0:0 ) nE
TSV Wachau II – ST Drjewnica 6:0 (3:0)
Arnsdorfske KT II –
SJ Chrósćicy II3:1 (1:1)
HZ Bretnig-Hauswalde II –
ST Kubšicywupad
HZ Łaz/Běły Chołmc II –
TSV Połčnica II0:8 (0:7)
HZ Budyšink/Malešecy II –
HZ Frankenthal0:8 (0:5)
ST Lubuš II – Zeleno-běli Sepicy 3:6 (0:3)
HZ ST Horni kraj-Sprjewja II –
Arnsdorfske KT1:2 (0:0)
TSV Połčnica II – HZ Wóslink/
Skaskow/Kulow II 6:5 (3:1) nV
HZ Wóspork/Bart II –
TSV Wjazońca1:5 (0:4)
ST 1896 Wulka Dubrawa –
ST Porchow2:0 (1:0)
HZ Kumwałd/Schönbach –
HZ Łaz/Běły Chołmc1:2 (0:0)
ST Bart – ST Kinspork/
Łužnicawupad
Traktor Malešecy –
ST Hnašecy-Dobruša1:4 (1:2)
Wolejbulistki Viktorijez pokalnym kołom startowali
Wobě žónskej zastupnistwje Viktorije Worklecy měještej kónc tydźenja swoju pokalnu hru w nowej wolejbulowej sezonje 2022/23. Tydźeń do toho su so wolejbulistki w treningowym lěhwje na aktualnu sezonu přihotowali. Při tym wuspytachu wšelakore hrajne modusy a přewjedźechu zwučowanja k skrućenju přiwzaća, přistajenja a nadběhowanja. Wobě mustwje hrajetej we wobwodnej lize wuchodna Sakska. Za tučasnu hrajnu dobu stej zaso dwě stafli zarjadowanej. W prěnjej stafli hraje druhe žónske zastupnistwo a w druhej stafli prěnje mustwo žonow Viktorije Worklecy.
Za prěnje mustwo Viktorije Worklecy běchu w pokalnymaj hromaj zasadźene: Marina Köhlerowa, Jennifer Otto, Constance Pěčcyna, Rejzka Rawšec, Anita Salowskec, Katrin Spiesec a Jana Žurowa; trenarka: Daniela Kralec
Za druhe mustwo Viktorije Worklecy běchu w pokalnymaj hromaj zasadźene: Emily Budarjec, Luisa Budarjec, Lea Hammerec, Fanny Petzoldec, Wanda Schweitzerec, Mirabell Šimanec, Anna-Lena Šustrec, Hannah Šustrec; trenar: Stephan Mühl
Viktoria Worklecy II – Nysa Wolejs 0:2 (14:25, 10:25)
Domjaca serija dźe dale
SJ Chrósćicy – SZ Weixdorf 3:0 (2:0)
Zestawa: Králíček – Janca (65. Mützner), Runt, M. Zahrodnik, Matješk, L. Zahrodnik, Hawš, G. Zahrodnik (67. Kreuz), Młynk, Krawc (75. Zynda), Bogusz
Poprawom bě so hra přećiwo Weixdorfej hižo kónc awgusta wotměć dyrbjała. Sylny dešć a z tym zwisowacy mokry trawnik pak hru tehdy znjemóžništej. Chróšćenjo móžachu partiju z wulkim sebjewědomjom nastupić, wšako w tutej sezonje hišće poraženi njeběchu. Tutón seriju chcychu na kóždy pad dale wjesć.
Z wupruwowanej taktiku k dobyću
Viktoria Worklecy I – VV Žitawa 09 II 2:1 (24:26, 25:14, 15:13)
W druhej hrě dnja hrajachu Worklečanki bjez libera a mustwo přestajichu. Přestajenje přinjese jich z rytmusa, kaž su jón w prěnjej hrě měli. Domjace mustwo wědźeše so drje sylnym nadběham přećiwnika wobarać, přiwšěm pak skutkowaše wone konfuzne a měješe ćeže, so do hry namakać. Prěnja sadźba bě hač do kónca wurunana. Wobaj cyłkaj měještej sylne akcije, kotrež wjedźechu k wuspěšnym dypkam. Krimi započa so hakle po krótkim přetorhnjenju při dypkowym stawje 21:23 za Žitawčanki. Mocyměrjenje na woběmaj stronomaj wunjese dypki za hosćićelki kaž tež hosći. Naposledk pak mějachu Worklečanki prěnju sadźbu na Žitawu ze 24:26 wotedać. Za druhi přeběh přestaji domjace zastupnistwo znowa mustwo. Z tym běchu lěpšu wariantu namakali a Worklečanki móžachu na sebjewědomje z prěnjeje hry nawjazać. Mustwo bě kaž wuměnjene a nawjedowaše druhu sadźbu hnydom z 5:0. Z wótrymi nadawkami, sylnymi nadběhami, połoženymi bulemi kaž tež nadběhami ze zadnjeho pola zamó wone prawje dypkować. Druhu sadźbu dobychu z 25:14. Tuž měješe so rozsudźaca sadźba wuhrać.
Pokalne finale za Worklečanki
Viktoria Worklecy I – Ochranowske wolejfantki 2:0 (25:14, 25:13)
Prěnje žónske wolejbulowe zastupnistwo Viktorije Worklecy měješe sobotu swoje pokalne finalne koło w domjacej ćěłozwučowarni we Worklecach. Sobotu do toho běchu so mjenujcy w połfinalnymaj hromaj přećiwo mustwomaj ze Zhorjelca kaž tež z Wojerec přesadźili.
W prěnjej hrě dnja běchu přećiwo Ochranowskim wolejfantkam nastupili. Wobsadka domjaceho mustwa bě minimalna. Dowola a chorosće dla pobrachowachu Worklečankam hrajerki. Jenož sydom wolejbulistkow bě so na pokalowym finalu wobdźěliło. Žony Viktorije zasadźichu liberu, z tym běchu wšitke pozicije jenož jónu wobsadźene a wuměna w nuznym padźe kaž na přikład při zranjenju njebě hižo móžna. Potajkim bě riziko wysoke, w najhóršim padźe z jenož pjeć hrajerkami na polu hrać směć.
