Prěnje wolejbulowe mustwo MSV Budyšin 04 je w Sakskej klasy sobotu ...
Z dypkom do zymskeje přestawki
Wojerowski FC II – SJ Chrósćicy II 1:1 (1:1)
Zestawa hosći: Škoda – Sćapan, Bětnar, Cyž, Mark, S. Handrik, Wornar, Domaška, C. Handrik, Liznar (87. Čornak), Žur
Na poslednju hru do zymskeje přestawki poda so druhe mustwo SJ Chrósćicy minjenu sobotu do Wojerec. Tam wočakowaše jich napjata hra, wšako stej mustwje w tabulce susodaj.
Druhi dźeń holčeje kopańcy zaso z wulkej rezonancu
Po prěnim dnju holčeje kopańcy Zapadołužiskeho koparskeho zwjazka (WFV) zhromadnje ze zarjadowacymi towarstwami srjedź julija buchu za druhe zarjadowanje lětsa 14. nowembra lětniki 2010 do 2014 hišće raz přeprošene. Tež tónraz bě wothłós enormny. Něhdźe 50 holcow namaka so nawječor na nowym kumštnym trawniku při sportowym centrumje ST Zeleno-běłych w Halštrowje. Wot zažneje ćmy a předzymskich temperaturow njedachu so holcy pod swětłomjetakami a při wjele pohibowanju scyła mylić. Zamołwity za wokrjesnu wubranku we WFV Tino Gottlöber a jeho team nazwučowarkow a nazwučowarjow mějachu pjeć stacijow spřihotowanych, na kotrychž móžachu koparki swój talent w dribblingu, třělenju na wrota, kaž tež při małych hrajnych formach prezentować.
Trenarki a trenarjo podpěrowacych towarstwow móžachu sej znowa přehlad wysokeje ličby koparkow dorosta w Budyskim wokrjesu tworić. Na druhim boku bě tež wobkedźbować, zo je jara wjele wobdarjenych hrajerkow pódla, kotrež móžeše sej Tino Gottlöber za swoje kadery wokrjesnych wubrankow notěrować.
Worklečanki hnydom k zazběhej połnje dypkowali
Nysa Wolejs – Viktoria Worklecy 0:3 (10:25, 13:25, 20:25)
Za Worklecy zasadźeni: Marina Köhlerowa, Stefanie Köhlerowa, Constance Pašcyna, Kathrin Spiesec, Tadeja Šeferec, Jana Žurowa
Prěnje zastupnistwo wolejbulistkow Viktorije Worklecy měješe njedawno swoju prěnju hru hrajneje doby 2022/23. Wone běchu z hosćom pola žonow zastupnistwa Nysa Wolejs.
Wuslědki (22.11.22)
Wobwodna liga Wuchodosakska stafla 2
1. ST Kupoj-Nowa Łuka 3 7 : 4 6
2. ST Viktoria Worklecy 1 3 : 0 3
3. Nysa Wolejs 2 3 : 4 3
4. CVJM Zhorjelc II 1 1 : 3 0
5. Módro-běli Wojerecy 1 0 : 3 0
Wuspěch při WM njemóžeš sej kupić
Wotewrjenska swjatočnosć k swětowym mišterstwam 2022 bě tak pompozna, kaž běchu to mnozy wočakowali. Ale čim bliže bě partija přećiwo Ekuadorej, ćim bóle pozhubi so błyšć inscenacije Katara. Hižo při countdownje do prěnjeho dótknjenja bula při turněrje njeporadźi so timing. Italski sudnik Daniele Orsato zahwizda zazběhowu hru tři sekundy přezahe a zahaji sportowy dźěl zarjadowanja, kotrež dyrbješe za aziskeho mištra jara njepřijomnje wuńć. Z 0:2 (0:2) podleža Katar Ekuadorej. Tak je wón prěni hosćićel w stawiznach koparskich swětowych mišterstwow, kotryž zahajensku hru přěhra. Poražka by tež bjezdwěla hišće wyše wupadnyć móhła.
Sokoljo solidny wukon pokazali
ST Kinspork/Łužnica – Sokoł Ralbicy/Hórki 1:3 (1:2)
Zestawa Sokoła: Chr. Gloxyn – Matka, An. Wałda, Šewc, Korjeńk (67. Kurjat), Domaška (79. Bejmak), B. Bejma (79. Rachela), Al. Wałda, Šołta (82. Kunze), D. Gloxyn , Rawš
Sokoljo hrajachu pola hrajneho zjednoćenstwa Kinspork/Łužnica při hišće dosć přijomnym wjedrje. Hosćićel trjebaše a trjeba nuznje dypki, wšako steji w pincy tabulki. Ralbičenjo pak njeběchu zwólniwi tute wotedać, wšako bychu so z dobyćom w srjedźnym polu tabulki zaměstnili.
Z dźaknym zarjadowanjom je so sakski ministerski prezident Michael ...
Widźał,słyšał, napisał (21.11.22)
Poradźena kermušna kopańca
Sokoł Ralbicy/Hórki – ST Ćisk 5:0 (2:0)
Zestawa Sokoła: Chr. Gloxyn – Matka, An. Wałda (78. Materna), Šewc, Korjeńk, Domaška (71. Kunze), Rachela, Al. Wałda, Šołta (71. Ričel), D. Gloxyn (78. F. Bejma), Rawš
Na delansku kermušu witachu Sokoljo zestupnika z krajneje klasy. Mustwo z Ćiska steji w pincy tabulki. Tak běše jasny cil, sebi tři dypki doma wuwojować. Trawnik běše drje hišće z ćeńkej worštu sněha pokryty, tola hru přewjesć běše při wšěm móžno.
