Tež Christian Noack dalše lětow Budyšinje wostanje
Wyši koparski ligist FSV Budissa Budyšin je zrěčenje z Christianom Noackom wo dalše lěto hač do 30. junija 2023 podlěšił. Wo tym informuja zamołwići wjednistwa w medijowej zdźělence. Kaž ze sobotneho wozjewjenja wuchadźa je 20lětny zakitowar na lěwym boku wšitke stacije dorostoweho wukubłanja w Budissy přeběžał. „Loni w lěću poradźi so jemu skok do 1. mustwa muži“, zdźěla koparske towarstwo na swojej internetnej stronje.
„Wjeselimy so, zo chce Christian swój puć w našim towarstwje dale kročić. Wón njeměješe w swojim prěnim lěće w 1. mustwje muži žanu jednoru sezonu. Přiwšěm smy wo nim a jeho kwalitach přeswědčeni. Hdyž Christian Noack dale pilnje na sebi dźěła, póńdźe přichodny krok a swoje wuwiće tam sam doprědka poćěri“, zwurazni wiceprezident Budissy Budyšin a zamołwity za 1. mustwo muži Sven Johne.
Wrota třěleć wulki manko Chróšćanow
SJ Chrósćicy – Póst Germania Budyšin 0:0
Zasadźeni hrajerjo SJC: Králíček, Škoda – Matješk, Sentiwan, Runt, Zynda, Kreuz, G. Zahrodnik, Hawš, M. Zahrodnik, Matik, Młynk, Krawc
Tydźeń do starta do noweje sezony steješe za hrajerjow SJC dwójny test na planje. Pjatk testowachu přećiwo Póst Germaniji z Budyšina a sobotu přećiwo dalšemu wokrjesnemu wyšemu ligistej ST Hnašecy/Dobruši.
Dotal njespokojaca sezona za staru gardu Sokoła
Po dwěmaj lětomaj přestawki koronapandemije dla přewjedu lětsa wot započatka apryla hač do srjedź septembra zaso winowatostne a pokalny hry we wólnočasnej koparskej lize starych knjezow. Tež Sokoljo z Ralbic su so znowa přizjewili. Woni pak maja lětsa chětro ćeže swój rytmus a hrajny niwow lět do nanuzowaneje přestawki docpěć. Cyłkownje hraje wosom mustwow w stafli. Mustwowy nawoda Sokołow Maik Brězan poda dźensa zjimanje prěnjeje połserije.
Energija Choćebuzz aplawsom won
FC Energija Choćebuz – SV Werder Bremen 1:2 (0:1)
Zestawa FCE: Sebald – Hasse (76. Heike), Hildebrandt, Slamar (46. Eisenhuth), Borgmann, Kujović (76. Badu), Hofmann, Geisler (46. Juckel) – Milde, Hottmann, Abu-Alfa (46. Oesterhelweg)
Zestawa SV Werder Bremen: Pavlenka – Pieper, Veljković, Friedl, Weiser, Groß, Buchanan, Bittencourt (70. Stage), Schmid (90. Rapp), Füllkrug, Ducksch (90. Burke).
Na kóncu njeje za FC Energiju za dalše wobdźělenje na pokalnym wubědźowanju DFB dosahało. Zastupjer štwórteje ligi pak bu po poražce 1:2 wot fanow frenetisce swjećeny, bě tola regionalny ligist specielnje w druhim połčasu cyłkej z Bremena ze zwjazkoweje ligi zasakły bój skićił, po kotrymž so sewjerni Němcy na kóncu zasłužbnje z dobyćom rozžohnowachu.
W prěnjej połojcy přewostajichu hosćićeljo swojim hosćom přejara hrajnu režiju, jako steješe FCE přehłuboko, zo by tam nadběhi wočakował. Tak bě to hišće dobry wuslědk za nich, kaž hrajerjo FC Energije pozdźišo sprawnje přiznachu.
Posledni test dobyli
FC Energija Choćebuz – Borussia Hildesheim 2:0 (1:0)
Zestawa FC Energije: Sebald (46. Bethke) – Milde (46. Hasse), Eisenhuth, Slamar (90. Kaizer), Borgmann, Hofmann (46. Böhmert), Kujović (66. Juckel), Geisler, Badu (46. Wähling), Hottmann (66. Heike), Oesterhelweg (46. Abu-Alfa/90. Wagner)
Zmužitosć a nadźiju su hrajerjo FC Energije Choćebuz na jich poslednim tesće do zahajenja sezony natankowali. Přećiwo lońšemu dźesatemu regionalneje ligi sewjer, Borussiji Hildesheimej je so jim wuspěch 2:0 poradźił. A tón bě w kóždym nastupanju zasłuženy.
Z Hildesheimskimi mějachu Choćebuženjo chětro česćelakomneho přećiwnika před hrudźu, kotryž runaše so we wašnju hraća mustwu z łužiskeje metropole. Stajnje buchu škitarjo Energije na trawniku hižo při natwarje jara zahe nadběhowani. Tuž trjebachu ći šwarnu kopicu idejow, zo bychu bul při wotewrjenju hrajerjow w swójskich rjadach dźerželi a běžeć dali. Tole poradźi so jědnatce FCE jara šwarnje, wšako buchu tež w lěćnej přestawce znowa zawjazani hrajerjo teama bjezposrědnje porjadnje zasadźeni.
Bičwolejbulisća SGB z bronzu w finalu
Bičwolejbulisća 8. a 9. lětnika Serbskeho gymnazija Budyšin (SGB) wudobychu sej w Drježdźanach w sakskim finalu wurisanja „Młodźina trenuje za olympiju“ mjez pjeć gymnazijemi bronzu. Bě to jubilejne 40. krajne finale šulerskeho mustwa serbskeho kubłanišća.
Tójšto pruwowanjow
Konjacy sportowcy mějachu w Bošecach wot pjatka do wčerawšeje njedźele wjac hač 30 pruwowanjow na wuběr. Tu někotre wuslědki.
Skakanje klasy L
1. Andre Schlegel z Kulowa z kobłu Kolett
2. Melanie Weißleder z Njedźichowa
z walachom Chewbacca
3. Jens Junghänel z Bobersena
z walachom Hannesom
Dresura klasy S*
1. Reinmar Tempel
ze žrěbcom Nobel Noir z Moritzburga
2. Sebastian Kriebitzsch
z walachom Dilaver H z Großbucha
3. Linda Casper
ze žrěbcom Fürst Wettin z Moritzburga
Skakanje klasy S*
1. Manuel Prause
z walachom Cadillacom z Löbnitza
2. Laura Schoechert
z walachom Camilom z Hohburga
3. Marvin Jüngel
z kobłu Koradinu z Rózborka
4. Hardy Heckel
z kobłu DSP Lena-Bellini z Lengenfelda
5. Magdalena Šeferec z walachom
Correct S z Kulowa Jörg Stephan
Widźał, słyšał, napisał (01.08.22)
Rekordy maja w sporće wosebity wuznam, wšojedne hač su to swětowe, europske, němske abo cyle jednorje hobbyjowe. Wone su wusko zwjazane z docpěćom najlěpšeho wukona. Jako 10lětny hólčec widźach w telewiziji, tehdy čorno-běły wobraz, grandiozny nowy swětowy rekord w dalokoskoku. Bob Beamen z USA bě 18. oktobra 1968 w měsće Mexiku na XIX. olympiskich lěćnych hrach hnydom w prěnim pospyće njewšědne 8,90 m skočił. Rozbudźenje nasta mjez funkcionarami blisko jamy za dalokoskok. Měritko za tajku dalokosć njemějachu, a wobstaranje traješe dźesać mjeńšinow. Hakle nětko zhoni swět, zo je Bob Beamen stary swětowy rekord wo 55 centimetrow polěpšił. Dalši wosebity swětowy rekord sćěhowach 20. julija 1984 w telewiziji při lochkoatletiskim wubědźowanju „Olympiski dźeń“ w Berlinje. 22lětny modelowy atlet Uwe Hohn z ASK Doprědka Podstupim ćisny hlebiju na njezapřijomne 104,80 metrow, skoro přez cyłe koparske polo. Tróšku kuriozne bě připowědźenje noweho swětoweho rekorda z 04,80 m na pokazowanskej tafli. Tale njebě na pjeć ličbow wusměrjena, a tak falowaše jedynka.
Sport (29.07.22)
Kónctydźenska kopańca
Na wyšich koparskich runinach hraja hižo wo dypki abo wo zaćah do přichodneho pokalneho koła, na nišich koparskich runinach su mustwa hišće połnje w přihotach. Tu někotre wupytane testowe koparske partije
29.07. 18:30 SJ Chrósćicy –
Póst Germania Budyšin
30.07. 15:00 SJ Chrósćicy –
ST Hnašecy-Dobruša
30.07. 14:00 Módro-běli Kulow –
Dub Rogeńc
30.07. 15:00 ST 1922 Radwor –
TSG Lěwałd
31.07. 11:00 SJ Njebjelčicy –
TSV Wachau
03.08. 19:00 HZ Wóslink/Skaskow –
Sokoł Ralbicy/Hórki
05.08. 18:30 SJ Chrósćicy –
HT Łaz/Běły Chołmc
05.08. 19:00 SJ Njebjelčicy –
Biskopičanske KT II
07.08. 10:30 LSV Hory –
Sokoł Ralbicy/Hórki
Liški startuja přećiwo Sokołam
Lodohokejowa sezona 2022/2023 je nětko kompletnje planowana. Na zazběhowym kóncu tydźenja nastupja Łužiske lodohokejowe liški doma přećiwo Sokołam z Heilbronna (16.09., 19.30 hodź.). Dwaj dnjej pozdźišo pojědu potom do Ravensburga (18.30 hodź.). Derbyje přećiwo Lodowym piratam Crimmitschau a Lodowym lawam Drježdźany steja tež hižo w hrajnych planach (09.10., 17 hodź., 03.01., 19.30 hodź.).
Wolejbulowy turněr na SGB
Choćebuz hižo nětko we wulkim předwjeselu
Z wuspěchom přećiwo Borussiji Hildesheim je FC Energija Choćebuz swój přihotowanski program na nowu sezonu regionalneje ligi zakónčiła. Z wosom testowych hrow je FCE šěsć dobyła, jednu njerozsudnje hrała a jednu přěhrała. „Wosom nowych hrajerjow bu angažowanych. Jich wukony budźa nadźije na wuspěch“, praji tež šeftrenar FCE Claus-Dieter Wollitz. Do pokalneje hry přećiwo Werder Bremenej 1. awgusta w Choćebuzu je sportowy reporter Georg Zielonkowski hišće raz z Claus-Dieterom Wollitzom porěčał.
Kak wupada Waš facit, nastupajo nowopřichady?
