SJ Njebjelčicy –

HZ Frankenthal/Germania Biskopicy/BFV 08 III 2:3 (1:1)

Zestawa domjacych: Friedrich Tietze – Jakub Šołta, Marvin Reineke (24. Nico Šuster), Anton Malaškin, Florian Domš, Andre Reineke, Christof Paulik, Handrij Korjeńk, Ronny Hanuza, Roman Mjechela, Gabriel Čornak

Po někotrych napinacych treningowych jednotkach w přihoće na druhu połseriju, nasta sobotu prěnja testowa hra za sportowu jednotku Njebjelčicy. Bohužel njeběchu wšitcy stajni hrajerjo wustrowjeni. Tak dyrbješe so hra z jenož jednym wuměnjerjom přewjesć. Starosć dźělachu z přećiwnikom. Tež wón bě jenož z dwanaćomi do Kamjenca přijěł. Z tym běchu poměry dosć wurunane. SJN prezentowaše so na Kamjenskim kumštnym trawniku jara solidnje. Zady derje steješe a jenož mało dopušći. Prědku móžeše předewšěm přez róžki přeco zaso akcenty sadźeć. Hosćo nawjedowachu 0:1 (24.). Tutón zastatk móžeše młody Nico Šuster w 40. min. wurunać 1:1 (40.). Z tutym wuslědkom dźěše do přestawki.

Wolejbulistki 11. a 12. lětnika Serbskeho gymnazija Budyšin (SGB) wubědźichu sej we Wojerecach na regionalnym finalu šulerskeho wubědźowanja „Młodźina trenuje za olympiju“ złoto.

Z dobyćom złoteje medalje skónči so tróšku njewočakowane ale jara zwjeselace wuchodosakske finale za naše wolejbulistki. W najstaršej starobnej skupinje I (11. do 13. lětnik) wubědźichu sej hrajerki wokoło kapitanki Salome Bjeńšec we Wojerecach po šěsć hrach intensiwneho wojowanja 1. městno. Woni su w stawiznach wolejbula SGB hakle druhe holče mustwo, kotrež je to docpěło. Před štyrjomi lětami běchu na samsnym městnje šulerki wokoło kapitanki Luizy Šu­bertec wuspěšni a mytowachu so ze złotej medalju.

Serbski gymnazij Budyšin – Joliota Curiejowy gymnazij Zhorjelc 2:1

Na sakskich krajnych mišterstwach młodźiny w sportowej disciplinje bowling minjeny kónc tydźenja w Lipsku wotrumowachu wobdźělnicy z Budyskeho wokrjesa wjele medaljow. Hrali su najprjedy šěsć hrow w předkole. Dobyćerske teamy dyrbjachu potom w finalu znowa swoje najlěpše dać. W młodźinje B zwoprawdźištej Emily Beute a Lys Leann Lobstedt wot sportoweho towarstwa BC Sakska 90 Budyšin to njemóžne a dobyštej swojej finalnej hrě. Faworitce Carlotta Heinel a Marie Bachmann z Kamjenicy dyrbještej so ze slěbornej medalju spokojić. Nic mjenje napjate bě finale mjez holcami młodźiny A. Biskopičanka Pia Schink a jeje Budyska partnerka njeseštej zdobom hišće ćežke brěmjo zakitowarkow titula. Tola wonej wotpowědowaštej swojej róli a steještej na kóncu dnja na hornim schodźenku podesta. Zwjeselace tež, zo běše direktnje pódla dobyćerkow Budyšanka Johanna Schimke, kotraž ze swojej Kamjeničanskej partnerku Charlie Marie Nordmann wicemišterstwo doby. Wjele zboža!

Lodowi piraća Crimmitschau –

Łužiske lodohokejowe liški 1:3

(0:2, 1:0, 0:1)