Budissa ma noweho nawodu jednaćelnje
René Meißner ma wot 3. januara 2022 funkciju nawody jednaćelnje FSV Budissy Budyšin. Wón koordinuje nětko cyłe dźěło sportoweho towarstwa hłownohamtsce w jednaćelni w Humboldtowym haju. Nimo toho je tež na strategiskim dalewuwiću towarstwa wobdźěleny.
René Meißner hori so z ćěłom a dušu za sport. Wón bě sam jako kopar a trenar aktiwny. Ze swojim nowym nadawkom wo kopańcy nětko hišće wjetši wuznam přicpěwa. W Budyšinje a wokolinje njeje wón žadyn njeznaty. Nimo skutkowanja jako fitnesowy trenar je Meißner čestnohamtsce jako předsyda towarstwa Nutřkowne město Budyšin aktiwny.
Předsyda Budissy Budyšin Bernd Bimmrich měni: „Z Renéjom Meißnerom je so nam poradźiło muža z charakterom na sportowe towarstwo wjazać, kotryž so za sport a region hori. Wón so na polu kopańcy wuznawa a je w nim kruće zakótwjeny. Wosobinsce so wjeselu z nim w předsydstwje a w dalšich towarstwowych gremijach dźěłać směć. Sym wo tym přeswědčeny, zo smy praweho za městno namakali.“
Tabulki (13.01.22)
Koparski wokrjes Hornja Łužica
wokrjesna wyša liga młodźina D
1. Holtendorfske ST 6 63 : 10 18
2. SV Königshain 5 32 : 10 12
3. FSV Wódrjeńca 02 5 20 : 20 9
4. Přezjednota Niska 4 14 : 17 9
5. GFC Rauschwalde 5 13 : 20 3
6. HZ TSV Herwigsdorf 1891 5 12 : 36 3
7. ESV Lok Žitawa 6 5 : 46 0
wokrjesna liga młodźina D, stafla 1
1. HZ ST Lok Slepo 6 30 : 7 16
2. SG Chrjebja-Nowa Wjes 6 33 : 12 14
3. VfB Běła Woda 1909 6 45 : 11 13
4. HZ ST Rózbork 6 24 : 26 11
5. HZ ST Klětno/Hamor 6 14 : 22 9
6. HZ Čerwj.-běli Mužakow 6 9 : 28 3
7. ST Hbjelsk 1923 5 7 : 28 0
8. FC Wocl Rěčicy-jězor 5 7 : 35 0
wokrjesna liga młodźina D, stafla 2
1. HZ Natwar Kodersdorf 6 35 : 12 15
2. SV Arnsdorf-Hilbersdorf 5 30 : 9 15
3. Zeleno-běli Gersdorf 4 23 : 4 12
4. Módro-běli Deutsch Ossig 6 20 : 14 9
5. HZ Germania Zhorjelc 5 6 : 17 4
6. Holtendorfske ST II 6 16 : 30 4
7. SV Ludwigsdorf 48 6 8 : 19 2
8. NFV Žołto-běli Zhorjelc II 6 11 : 44 2
wokrjesna liga młodźina D, stafla 3
1. HZ FSV Nowosólc-Hródk 6 35 : 5 18
2. HZ Ochranowske ST 90 6 59 : 6 15
3. LSV Friedersdorf 5 43 : 12 9
4. HZ Bernstadt/Dittersbach 5 15 : 17 9
5. SC Swóńca-Lubij 6 20 : 33 6
6. HZ FSV Kemnitz 4 7 : 7 3
7. HZ ST Rychbach 5 9 : 68 3
8. ST Łuwoćicy 96 5 6 : 46 0
wokrjesna liga młodźina D, stafla 4
1. Traktor Mittelherwigsdorf 6 35 : 3 15
2. HZ TSV Großschönau 6 49 : 9 13
3. Bertsdorfske ST 6 31 : 13 10
4. HZ SG Leutersdorf 6 13 : 12 6
5. HZ VfB Žitawa 6 5 : 51 4
6. Habrachćicy 5 11 : 33 1
7. FSV Wódrjeńca 02 II 6 7 : 30 0
8. TSV 1861 Spitzkunnersdorf
(holcy, bjez hódnoćenja) 7 0 : 0 0
wokrjesna wyša liga młodźina E
1. HZ TSV Großschönau 6 51 : 2 18
„Nawuknych, zo móžu tež sama bydlić“
Na proze do noweho lěta je zwjazkowy wolejbulowy ligist Drježdźanski SC na swojich internetnych stronach tři krótke interviewy z hrajerkami Sinu Stöckmann, Maju Storck a Jennifer Janiska wozjewił. Za sportowe strony Serbskich Nowin je David Matik někotre zajimawe wotmołwy trójki hromadu zestajał.
Nadběhowarka Sina Stöckmann je rodźena Drježdźanjanka a započa loni pola profijow hrać. Wona je sej tři prašenja wupytała, na kotrež tule wotmołwja.
Kotry film w hodownym času hladaće?
S. Stöckmann: To je pola nas wězo, znajmjeńša jónu „Tři worješki za popjelawku“. To je mjenujcy film, kotryž su w Moritzburgu wjerćeli. Wón dyrbi přeco w tym času być.
Kotre nazhonjenja sće w lěće 2021 zběrała?
S. Stöckmann: Mějach prěni raz zranjenje, kotrehož dla sym woprawdźe dlěši čas wupadnyła. Nawuknych sćerpliwa ze sobu być abo lěpje prajene na kóždy pad sćerpliwišo ze sobu wobchadźeć (so směje), sej chwile brać a so nad tym zwjeselić, štož hižo zaso dźe.
Kotry wulět je na Was najbóle skutkował?
Lěkar Matti Bětnar stara so wo koparjow-Dynamowcow
Koparske towarstwo Dynamo Drježdźany słuša we wuchodnej Němskej k najwoblubowanišim sportowym towarstwam. Tež w Serbach Dynamowcam tójšto ludźi palcy tłóči, dźe-li wo dobre zaměstnjenje w tabulce druheje zwjazkoweje ligi.
Někotři Serbja su samo za towarstwo Dynama aktiwni a tam přistajeni. Tak trenuje wot lońšeho Njebjelčan Tadej Cyž z juniorami U 13 Dynama. Dalši Serb je 35lětny rodźeny Kaščan Matti Bětnar. Poprawom je wón přistajeny Drježdźanskeho uniklinikuma, a to jako fachowy lěkar w ortopediji a njezbožowej chirurgiji. Připódla pak wukonja wot lońšeho tež funkciju zastupowaceho lěkarja za profijowe koparske mustwo Dynama Drježdźany. Tak potajkim na hrach Dynama medicinske zastaranje hrajerjow sobu zamołwja.
Tabulki (11.01.22)
Koparski wokrjes Hornja Łužica
wokrjesna wyša liga mužojo
1. FSV Kemnitz 8 21 : 8 22
2. FV Eintracht Niska II 8 24 : 9 18
3. GFC Rauschwalde 8 25 : 13 17
4. ST Neueibau 8 26 : 11 16
5. ST Lok Slepo 8 16 : 17 13
6. ST Hbjelsk 1923 7 17 : 9 11
7. NFV Žołto-běli Zhorjelc 8 10 : 14 9
8. ST Natwar Kodersdorf 6 11 : 13 7
9. FSV Nowosólc-Hródk II 5 9 : 15 7
10. LSV Friedersdorf 8 10 : 28 7
11. Bertsdorfske ST 7 13 : 17 6
12. SC Swóńca-Lubij 8 12 : 16 6
13. FSV Wopaka 8 15 : 29 4
14. SG Obercunnersdorf 7 15 : 25 3
wokrjesna liga, stafla 1
1. Čerwjeno-běli Mužakow 8 21 : 4 22
2. VfB Běła Woda 1909 II 8 35 : 18 18
3. Holtendorfske ST 8 22 : 10 18
4. ST Klětno/Hamor 8 26 : 21 16
5. 1. Rózborske ST 7 16 : 12 13
6. Trebuske ST 1960 7 22 : 13 12
7. ST 48 Rychwałd 8 21 : 29 12
8. SZ Chrjebja-Nowa Wjes 8 17 : 16 11
9. ASSV Hórka 8 11 : 16 11
10. ST Germania Zhorjelc 7 14 : 17 9
11. ST Hbjelsk 1923 II 8 10 : 18 5
12. ST Zodel 68 8 19 : 33 5
13. ST 90 Němske Jenkecy 9 10 : 25 3
14. ST Mysłecy 8 5 : 17 2
wokrjesna liga, stafla 2
1. TSG Lěwałd 8 48 : 7 24
2. Čerwj.-běli Olbersdorf 7 41 : 9 19
3. TSV Großschönau 7 19 : 6 19
4. TSG Hainewalde 7 14 : 11 11
5. Wostrowski BC 8 14 : 13 11
6. TSV Spitzkunnersdorf 8 13 : 19 11
7. TSV 1890 Ruppersdorf 7 9 : 20 11
8. HZ ISG Hagenwerder 7 13 : 15 10
9. HZ ST Horken Ketlicy 8 10 : 19 8
10. ST Rychbach 8 20 : 34 7
11. Bernstadt/Dittersbach 7 18 : 25 5
12. ST Deutsch Ossig 8 15 : 33 5
13. ST Nowy Jiwow II 6 10 : 12 4
14. HZ ESV Lok Žitawa 8 7 : 28 0
wokrjesna klasa, stafla 1
1. ST Lok Slepo II 8 26 : 17 14
2. HZ ST Uhsmannsdorf 6 16 : 7 14
3. Módro-běli Kromola 6 21 : 4 13
4. HZ SG Mikow 6 22 : 9 12
5. LSV 1951 Sprjewja 6 13 : 4 12
6. HZ FC Wocl Rěčicy-jězor 5 10 : 7 6
7. ST Delni Wujězd 6 18 : 23 4
8. ST Skerbersdorf 48 7 10 : 26 4
9. HZ ST Fortuna Trjebin 6 3 : 42 0
Wolejbulistki Drježdźanskeho SC maja swoju maskotku Burny
Štó by to wědźał? W kostimje najznaćišeho a najwoblubowanišeho čerćika Sakskeje tči zubnolěkarska pomocnica a přiwisnica wolejbulistkow Drježdźanskeho SC Berit Banitz. Ale jenož, hdyž hraje mustwo bjez přihladowarjow.
Zo by šikwana 39lětna Drježdźanjanka, kotraž syda hewak w bloku A z trajnym lisćikom, najebać zakaz swojim hrajerkam cyle bliska była, so wona w sydom kilow ćežkim kostimje Burnyja rady poći. Jeničce hłowa sama waži połdra kilograma. Zo by hłowa čerćika lěpje sedźała, ma Berit Banitz přidatnje hišće twarski nahłownik. Hry pak njewobhladuje sej wona přez woči, ale přez hubu čerta. Jeje statement ke kurioznemu hobbyjej: „To je wulkotne na te wašnje w MargonArenje hry sćěhować, zbožo přinjesć a jako motiwator skutkować.“
Jenož mało ludźi w Drježdźanskej uniwersitnej klinice – tam dźěła wona jako zubnolěkarska pomocnica – wě wo jeje kurioznym čestnohamtskim nadawku. Po kóždej hrě dyrbi kostim do płokarnje, štož je tež trjeba. Wšako nastawa w drasće, kotraž wot lěta 2013 eksistuje, hižo raz 46 stopnjow. Jürgen Männel
Běłowodźenjo nowemu trenarjej k debitej dobyće darili
Lodohokej, tabulka DEL 2
staw po 33 hrajnych dnjach
1. Ravensburg Towerstars 30 68
2. Lodowe lawy Drježdźany 32 67
3. Lawy Frankfurt 30 62
4. EC Bad Nauheim 32 59
5. EC Kassel Huskies 31 53
6. Lodowe piraty Crimmitschau 31 52
7. Heilbronnske sokoły 34 47
8. Tölzske lawy 32 44
9. EHC Freiburg 30 43
10. ESV Kaufbeuren 32 38
11. EV Landshut 31 36
12. Bayreuthske tigry 30 34
13. Łužiske liški 30 33
14. Selbske wjelki 31 18
ESV Kaufbeuren – Łužiske lodohokejowe liški 2:3 p.p. (0:0, 1:1, 1:1– 0:1)
Štó njeznaje přisłowo, po kotrymž nowe chošća derje mjetu! Łužiske lodohokejowe liški přinjesechu k debitej noweho trenarja Petterija Väkiparty dobyće 3:2 po podlěšenju a tak dwaj dypkaj z Allgäuja sobu do Łužicy. K nowym chošćam dyrbi pak so rjec, zo wone tež jenož mjetu a nic wjac.
Petteri Väkiparta nětko Liški trenuje
Po dotal jara njespokojacym přeběhu sezony su so zamołwići Łužiskich lodohokejowych liškow rozsudźili, šeftrenarja Chrisa Straubu ze zastojnstwa wuwjazać. Po domjacej poražce 0:4 přećiwo Tölzskim lawam sćahny jednaćel Dirk Rohrbach konsekwency, tež dokelž po zašłych krizach wočakowane wuslědki njewuskočichu.
Z eksistowacym potencialom mustwa a k tomu nowymi impulsami dyrbja sej Liški nětko dočasnje zachowanje klasy jako nowy sezonowy cil stajić a jón na kóždy pad zwoprawdźić. Chris Straube bě mustwo wot Coreyja Neilsona započatk februara 2021 přewzał. W lěću, ke kóncej hrajneje doby 2020/2021, su zrěčenje ze Straubu podlěšili. 47lětny, poł Němc poł Kanadźan, je pak klubej dale k dispoziciji. Wón budźe Łužiske liški ze swojej nazhonitosću w přichodźe mjez druhim we wobłuku scoutinga podpěrać.
Widźał, słyšał, napisał (10.01.22)
13. februara móža lubowarjo footballa wjeršk cyłeho lěta dožiwić: super bowl. Hdys a hdys wobhladam sej w telewiziji kwalifikaciske hry, a stajnje so prašam, što maja trikotowe čisła runje w footballu na sebi. Wot toho wothladajo, zo kader 53 hrajerjow wopřijima, je jasne, zo su ličby hač do 99 rozdźělene. Mjez druhim so Tom Brady z 12 zwjazuje, Brett Favre je štwórtku wosławił, Lawrence Taylor nošeše pola New York Giants ličbu 56 z hordosću. W ameriskej profilize NFL su čisła na trikoće wjac hač jenož hołe ličby. Zdźěla footballistow na hrajnišću tež z jich ličbu wołaja: „Hey, number 10 – let’s go!“
Hinak hač w kopańcy njemóža ći hrajerjo w NFL swoje čisło na trikoće stajnje swobodnje wolić. Za tym tči mjenujcy wěsty system. Poprawom su w footballu konkretne trikotowe čisła na chribjeće a na brjuše, a tak mjenowane „TV-numbers“ steja na ramjenju.
Sport (07.01.22)
Nowy online-časopis
Na internetnjej stronje Zapadołužiskeho koparskeho zwjazka je časopis „Zahwizd online“ jako download k dispoziciji. W januarskim wudaću rozprawja wuběrk za dorostowe mustwa wo dalšim postupowanju w klasomaj E a F. Nimo toho pisa zamołwity redaktor časopisa Gojko Sinde wo počesćenjach přećelow kopańcy we Wulkej Dubrawje a Lomnitzu.
Planuja zaso koparski camp
Tež lětsa chce Zapadołužiski koparski zwjazk (WFV) zaso swój prózdninski camp Kamjenskeje ewag nad Baltiskim morjom zarjadować. Jubilejny dźesaty budźe wot 16. do 23. julija prěni raz w młodowni w Ribnitzu-Damgartenje. Přizjewić smědźa so holcy a hólcy lětnikow 2008 do 2011, po dorěčenju ze staršimi tež młódše abo starše dźěći. Cyłkownje 48 městnow ma koparski zwjazk k dispoziciji. Dalše informacije a přizjewjenske modality na homepage WFV
Z nowym trenarjom k wuspěchej?
Łužiske lodohokejowe liški hraja njedźelu druhi raz pod režiju noweho trenarja Petterija Väkiparty. Prěnju hru w jeho zamołwitosći su Liški hižo dobyli. Hač so jim to w druhej tež poradźi?
09.01. 18:30 Lawy Frankfurt –
Łužiske liški
