W Chrósćicach wuhotowachu stari knježa Sportoweje jednotki Chrósćicy w swojej starobnej klasy koparski turněr w Jednoće. Přeprošene běchu mustwa ST Zeleno-běli Hórki, SJ Njebjelčicy, Sokoł Ralbicy/Hórki, ST Marijina hwězda a ST Mały Wosyk. Naposledk mjenowanaj cyłkaj dyrbještaj nažel wotprajić, tak zo so na turněrje jenož štyri cyłki wobdźělichu. Hraješe so kóždy přećiwo kóždemu, a to hnydom dwójce.
Po prěnim kole stejachu Chróšćenjo ze sydom dypkami na čole tabulki a na druhim městnje łakachu Ralbičenjo z jenož jednym dypkom zastatka. Hórčenjo, kotřiž hišće tydźeń do toho w Kamjencu dobychu, nakopachu sej štyri dypki a Njebjelčenjo bjez dypka pytachu hišće za formu.
Koparska młodźina hrajneho zjednoćenstwa Kubšicy/Bukecy je kónčne koło haloweho mastersa starobneje klasy młodźina A w sportowni na Budyskim Třělnišću dobyła. Mustwo trenarja Inga Freunda wosta bjez poražki. Nimo toho buštaj z Maksom Korbom a Francom Voigtom hnydom dwaj z dobyćerskeho teama do kruha najlěpšich pjeć koparjow turněra wolenaj. Slěbro wudobychu sej hólcy TSV Wachau a bronzu mustwo Hrajneho zjednoćenstwa Radwor/Wulka Dubrawa.
Foto: Hanspeter Benad
Wolejbul, wobwodna liga žony
1. Módro-běli Wojerecy 11 31 : 16 26
2. CVJM Zhorjelc 10 28 : 11 24
3. TSV Kundraćicy 10 24 : 14 21
4. JTVG Koblicy 11 21 : 23 17
5. Ochran. wolejfantki 11 21 : 23 16
6. OSC Lubij 11 20 : 21 15
7. HZ Pančicy-Worklecy 11 17: 26 11
8. ST Kupoj Nowa Łuka 10 17 : 25 10
9. VV Žitawa 09 II 11 12 : 32 4
HZ Pančicy-Worklecy – TSV Kundraćicy 1:3 (23:25, 25:19, 18:25, 20:25)
Kónčna tabulka haloweho mastersa młodźiny D w Kamjencu
1. ST Porchow 15 dypkow
2. Jednota Kamjenc II 12 dypkow
3. HZ Ottendorf/Hermsdorf 7 dypkow
4. ST 1922 Radwor 4 dypki
5. ST Kinspork/Łužnica 4 dypki
6. HZ Malešecy/Budyšink 1 dypk
Šěsć cyłkow starobneje skupiny młodźiny D bě so přez puć předkoło-mjezykoło-kónčne koło za wulke finale haloweho mastersa Zapadołužiskeho koparskeho zwjazka (WFV) kwalifikowało a sobotu w sportowni při lětanišću w Kamjencu nastupiło. Mjez nimi bě tež zastupnistwo Sportoweho towarstwa 1922 Radwor pod nawodom trenarja Franka Šnajdera.
Škoda, zo so Radworscy młodźi bulkoparjo hakle pozdźe do turněra zahrachu. Z wuslědkoweje lisćiny je mjenujcy wuwidźeć, zo woni prěnju hru z 1:3 přećiwo pozdźišemu pjatemu z Kinsporka a Łužnicy přěhrachu. Po 2:2 w druhim duelu dnja přećiwo hólcam hrajneho zjednoćenstwa Ottendorf/Okrilla a poražce 2:5 přećiwo faworizowanym koparjam Jednoty Kamjenc, móžachu Radworscy skónčnje hru dobyć, a to 5:4 přećiwo hrajnemu zjednoćenstwu Malešecy/Budyšink. Ze sylnej moralku a bojowniskim wukonom woni zastatk 0:3 zwjertnychu.
Hižo započatk lěta 2018 zdobychu sej wolejbulisća Sokoła Budyšin ze Stevom Geierom trenarja za sebje. Česćelakomny něhdyši hrajer mustwa JTVG Koblicy změni najprjedy starodawny system a wobstara Sokołam w naročnym treningu tójšto aha-efektow. Tež mjezwočo mustwa so do aktualneje sezony njemało změni. Zasłužbny kapitan a sobuzałožer Sokoła Budyšin Tilo Mager woteda hrajny wupokaz, wostawši pak w duchu Sokołčan. Bywši hłowny nadběhowar Tobias Mösch wopušći nažel serbske mustwo a hraje nětko přećiwo njemu w cyłku ST Hnašecy-Dobruša. Cyłk Sokoła Budyšin wopušćił je tohorunja Olaf Nathe. Za to přidružištaj so k mustwu z Gabrielom Hollmannom a Mariom Walterom dynamiskej nadběhowarjej, tohorunja z Koblic. Z Robertom Krawcom a Frankom Püschelom dósta serbski cyłk nimale dwajmeterskej sobuhrajerjej. Nimo toho wuzwoli mustwo Stefana Cušku za kapitana. Tomaš Suchy přewza nadawk jako administratiwny zamołwity mustwa.
Koparske tabulki dorosta
młodźina E, wokrjesna wyša liga
1. FSV Budissa Budyšin 7 53 : 15 21
2. Jednota Kamjenc 8 45 : 21 18
3. ST Kinspork/Łužnica 8 39 : 26 18
4. TSV Połčnicy 1920 7 44 : 20 15
5. Liegau-Augustusbad II 8 38 : 20 15
6. Módro-běli Kulow 8 31 : 33 6
7. FV Ottendorf-Okrilla 8 23 : 36 6
8. Biskopičanske KT 8 18 : 60 3
9. Wojerowski FC 8 13 : 73 3
młodźina E wokrjesna liga, stafla I
1. ST Hnašecy-DobrušaII 10 105 : 13 30
2. HZ Malešecy/Budyšink 10 81 : 15 27
3. ST 1922 Radwor II 10 88 : 34 24
4. Budissa Budyšin III 10 49 : 34 16
5. Módro-běli Minakał 10 34 : 65 15
6. HZ Bukecy/Kubšicy 10 36 : 54 12
7. ST Wulka Dubrawa 10 28 : 47 11
8. Rakecy II/Njeswačidło 10 24 : 71 10
9. ST Bart 10 28 : 54 9
10. ST Hodźij 10 32 : 55 5
11. Wóspork/Hrodźišćo 10 12 : 75 3
młodźina E, wokrjesna liga stafla II
1. ST Horni kraj Sprjewja 10 110 : 18 30
2. TSV 1859 Wernarjecy 10 106 : 14 27
3. ST Hnašecy-Dobruša 10 98 : 29 24
4. ST Huska 10 49 : 33 18
5. Póst Germ. Budyšin 10 47 : 41 18
6. Budissa Budyšin II 10 52 : 64 15
7. TSV 90 Wjazońca 10 51 : 80 12
8. Motor Kumwałd 10 41 : 51 9
9. TSV Wernarjecy II 10 36 : 58 9
10. SZ Wjelećin 10 16 : 86 1
11. Horni kraj Sprjewja II 10 11 : 143 1
młodźina E, wokrjesna liga stafla III
1. FSV Bretnig-Hauswalde 9 58 : 20 24
2. SC Großröhrsdorf II 9 46 : 22 21
3. Biskopičanske KT II 9 44 : 26 21
4. ST Porchow 9 61 : 33 18
5. Bretnig-Hauswalde II 9 38 : 35 15
6. HZ Frankenthal/Postup Großharthau/
ST Seeligstadt 9 35 : 42 12
7. Arnsdorfske KT 9 12 : 22 10
8. Arnsdorfske KT II 9 24 : 50 6
9. ST Zemicy-Tumicy 9 15 : 63 4
10. ST Porchow II 9 25 : 45 2
młodźina E, wokrjesna liga stafla IV
1. SC Großröhrsdorf II 10 108 : 23 24
2. ST Haselbachtal 10 69 : 19 24
Po złotej medaliji při sakskich sankowarskich mišterstwach srjedź januara w Altenbergu smětaj spěšnosankowarjej Malyn Wićaz ze Zarěča a Markus Arnold z Oberwiesenthala přichodny kónc tydźenja při swětowym cupje we Winterbergu startować. Za dwójku Malyn Wićaz/Markus Arnold budźe wobdźělenje na mjezynarodnym wubědźowanju premjera. Tež za němske mišterstwa w spěšnosankowanju, kotrež budu kónc februara w Oberhofje je so duwo hižo zapisał. Tam słušetaj wobaj do kruha faworitow.
04.–10.02. swětowy cup we Winterbergu
18.–21.02. mišterstwa w Altenbergu
Minjeny kónc tydźenja steješe Radwor cyle w znamjenju kopańcy. Pjatk, sobotu a tež njedźelu zarjadowa a wuhotowa Sportowe towarstwo Radwor swój třeći halowy koparski turněr za dorostowych koparjow.
Zazběhowy turněr tworješe pjatk wječor w domjacej „Slaviji“ wubědźowanje młodźiny A. Mjez šěsć cyłkami přesadźi so na kóncu cyłk Póst Germanije Budyšin. Druhe městno wobsadźi mustwo ST 1922 Radwor a třeće ST 1896 Wulka Dubrawa.
Sobotu dopołdnja móžachu potom ći najmłódši hrajerjo pokazać, što hižo zamóža. W turněrje młodźiny F wobdźělichu so tohorunja šěsć cyłkow. Dobyćer rěkaše ST Hnašecy/Dobruša, slěbro wubědźi sej zastupnistwo hrajneho zjednoćenstwa Rakecy/Njeswačidło a třeće Wojerowski FC. Najlěpši hrajer turněra bu Mauritz Hausschild z Budissy Budyšina, najlěpši třělc Levi Heydan z HZ Rakecy/Njeswačidło a najlěpši wrotar Louis Resick z ST Hnašecy/Dobruša.