Na Brězowskim jězoru sněhakować
Abiturientki a wučerjo Serbskeho gymnazija wolejbulowy duel dobyli
Tradicionalny sportowy duel žónskeje a muskeje generacije při wysokim saku su dźens tydźenja na Serbskim gymnaziju Budyšin (SGB) přewjedli.
Z radosću zhonichu šulerjo a wučerjo Budyskeho Serbskeho gymnazija powěsć z medijow, zo smědźa zaso sportowe wubědźowanja pod wěstymi předpisami hygieny přewjesć. Tak su tež spěšnje termin za tradicionelnej hrě při wysokim saku měli.
Zwjeselace z wida žónskeje generacije bě, zo je sportowa wučerka Tereza Wićazowa hnydom sydom sobuhrajerkow za 11. wolejbulowy duel zorganizowała. Prěni tajki bě so 20. junija 2005 w małej sportowni Serbskeho šulskeho a zetkawanskeho centruma Budyšin wotměł, a tón dobychu tehdy abiturientki z 3:0. Tež tónraz běchu wone z 2:0 wuspěšne, hačrunjež njebě wukónc wobeju sadźbow z 25:22 a 25:18 tak jasny. Wučerki so mócnje wobarachu a so nad kóždej wuspěšnej akciju wjeselachu. Je zrozumliwe, zo njeběštej dokładnosć při přiwzaću nadaćow a sylnosć w nadběhu hišće wufilowanej. Wšitkim pedagogowkam słuša tule wutrobny dźak za jich angažement na wolejbulnišću.
Towarstwu dale swěrny
Interview Juliena Glücklicha z nanom Michałom Glücklichom w lěću 2020
Hdy sy započał kopańcu hrać, za kotre mustwa sy hrał a hdy sy přestał?
M. Glücklich: Započach 1979 w Radworju z kopańcu a hrajach tam hač do starobneje klasy młodźiny B. Młodźina A za moju starobu tehdy hišće wutworjena njebě. Sym w tym času blidotenis hrał a so hłownje lochkoatletice wěnował. Dale dźěše ze 16 lětami pola muži. To mějach tež naprašowanja druhich mustwow. Wostach pak hač do kónca w lěće 2011 Radworskemu mustwu jako hrajer swěrny.
Na kotrych pozicijach sy w Radworskich mustwach zasadźeny był a kotra je ći najlěpje ležała?
M. Glücklich: Zasadźeny běch na wšěch pozicijach. Pola dźěći započach jako wrotar, pozdźišo běch nadběhowar. Pola muži běch hłownje škitar a nadběhowar. Moja najlubša pozicija běše zakitowar.
Móžeš prošu někotre rozdźěle k dźensnišej kopańcy mjenować?
Michał Glücklich jako młody hrajer w Radworju započał
Historiski sport před 30 lětami
Dźensa hraje w Radworskim prěnim koparskim mustwje ST 1922 Radwor z Julienom Glücklichom syn Michała Glücklicha. Tež nan bě kopar, kiž je wot lěća 1990 w Radworskej prěnjej garniturje sobu za bulom honił. Interview z Michałom Glücklichom je Julien Glücklich sam wjedł, za historiskej rozprawu w Serbskich Nowinach w lěće 1990 je Mia-Katarina Hrjehorjec pytała. Při tym namaka wona interview Měrćina Štrawby, kotryž bě něhdyši sportowy reporter z nazwučowarjom prěnjeho mustwa Reinerom Methnerom wjedł.
Do sezony 1990/1991
Přihoty Radworskich koparjow na nowu hrajnu dobu zaběžachu tehdom z lochkim zazběhowym treningom, a to 12. julija. Tydźeń pozdźišo bě Reiner Methner trening zesylnił, a prěnja přihotowanska hra bě w Chrjebi. Tež tehdom njeměješe Methner w přihotowanskej fazy wšitkich hrajerjow hromadźe. Wosebje André Paška pobrachowaše, dokelž běše zranjeny. Wšitcy pak mějachu nadźiju, zo budźe k startej mišterstwa zaso fit. Wón bě jako posledni muž jara wažna zepěra a je w sezonje 1989/1990 wuznamnje k zachowanju klasy přinošował.
Přihotowanske koparske hry
Wuslědki (23.06.20)
Kopańca w Braniborskej
wyša liga
1. RSV Přezjednota 1949 17 59 : 23 44
2. MSV 1919 Neuruppin 18 40 : 25 34
3. 1. FC Frankfurt/W. 18 36 : 24 34
4. SV Altlüdersdorf 18 38 : 28 34
5. Zeleno-běli Lubnjow 19 42 : 35 34
6. Werderaner FC 18 48 : 42 29
7. Petershagen-Eggersd. 18 38 : 21 28
8. TuS Sachsenhausen 18 30 : 23 28
9. TSG Jednota Bernau 18 36 : 28 27
10. Preussen Eberswalde 19 49 : 34 25
11. Oranienburger FC 18 25 : 27 25
12. SG Union Klosterfelde 18 27 : 41 18
13. FSV Bernau 18 18 : 38 13
14. SC Miersdorf/Zeuthen 18 35 : 69 13
15. Falkensee-Finkenkrug 18 16 : 50 11
16. FC Eisenhüttenstadt 17 16 : 45 10
krajna liga-sewjer
1. SV Zehdenick 1920 17 50 : 20 36
2. BSC Fortuna Glienicke 17 45 : 25 33
3. Fortuna Babelsberg 18 35 : 30 33
4. Zeleno-b. Ahrensfelde 18 42 : 29 32
5. FC Wocl Brandenburg 17 38 : 32 31
6. FC Schwedt 02 18 33 : 29 29
7. SV Babelsberg 03 II 18 36 : 33 29
8. Buckow/Waldsieversd. 17 44 : 29 28
9. TSV Chemija Premnitz 18 31 : 23 26
10. FSV Babelsberg 74 17 33 : 31 24
11. ST Nowe Město 18 21 : 29 20
12. Jednota Perleberg 18 25 : 39 20
13. SC Oberhavel Velten 18 27 : 38 17
14. FK Hansa Wittstock 17 25 : 38 15
15. Zeleno-běli Brieselang 18 18 : 49 14
16. FC 98 Hennigsdorf 18 8 : 37 8
krajna liga-juh
1. Frankonia Wernsdorf 18 55 : 18 48
2. Brjazki/Zły Komorow 17 46 : 22 42
3. SG Großziethen 18 30 : 22 37
4. ST Choćebuz-Strobice 17 43 : 20 33
5. VfB Hohenleipisch 18 36 : 23 31
6. FV Erkner 1920 18 43 : 29 28
7. Blankenfelde-Mahlow 18 43 : 35 24
8. Union Fürstenwalde II 16 30 : 25 24
9. SG Phönix Wildau 95 18 25 : 27 24
10. SV Germ. Schöneiche 18 24 : 32 19
11. 1. FC Gubin 18 19 : 45 18
12. FV Briesen/Mark 17 28 : 30 17
13. VfB Trebbin 17 27 : 52 16
14. TSV 1878 Schlieben 18 24 : 46 15
15. Breesener SV Gubin 18 14 : 34 14
16. FSV Eisenhüttenstadt 18 17 : 44 8
krajna klasa-sewjer
1. Birkenwerder BC 1908 17 56 : 26 37
2. Oranienburger FC II 17 35 : 25 29
Změna personala pola Energije Choćebuz
Po tym zo někotři hrajerjo FC Energiju Choćebuz po lěćnej přestawce wopušća (mjez druhim Robert Müller, Jonas Zickert, Orhan Yildirim a Abdulkadir Beyazit), su zamołwići FC Energije na transferowych wikach wuspěšni byli a dweju noweju koparjow angažowali.
Prěni „nowy“ je Patrick Storb, kiž přińdźe wot U 23 Hamburgskeho SV do Łužicy. 22lětny ma nazhonjenja z połsta hrow w regionalnej lize na sewjeru Němskeje. Storb je 1,92 metrow wulki a w škiće mnohostronsce zasadźomny.
Z nadběhowarjom Nilsom Stettinom je so minjeny tydźeń hrajer mustwa FSV Union Fürstenwalde Energiji Choćebuz přizamknył. W Berlinje rodźeny je w dorosće na wjacorych městnach w stolicy hrał. 23lětny nadběhowar ma nazhonjenja ze 118 partijow w regionalnej lize. W nich je wón 20 wrotow třělił a wosom razow wrota spřihotował. Ze swojimi 1,93 metrami budźe Stettin poboku Felixa Brügmanna w nowej hrajnej dobje na wrotowej hońtwje zasadźeny.
Wěstotne prawidła na sportnišćach złahodnili
Wot 6. junija płaća nowe škitne prawidła a postajenja hygieny korony dla. Sport je wonka kaž tež w halach móžny, ale bjez publikuma. Powšitkownje su mustwowe a kontaktne sportowe družiny zaso dowolene. Wobkedźbować pak dyrbja trenarjo specifiske předpisy za kóždu sportowu družinu wšelakich zwjazkow, za zwučowanje kaž tež wubědźowanja. Tónle wurězk, kotryž su zamołwići wokrjesneho sportoweho zwjazka wozjewili, da mały přehlad wo nowych postajenjach.
Prawidła hygieny za sportnišća, fitnesowe a sportowe studija kaž tež za rejowanske šule
– ličba dowolenych sportowcow, rejowarjow a rejwanskich porow wotwisuje wot sportoweje družiny, znajmjeńša połdrametrowski wěstotny wotstawk ma dodźeržany a wšudźe wočiwidny być
– mustwowy sport je dowoleny, treningowe jednotki maja tak koncipowane być, zo je ćělny kontakt na minimum redukowany; we wobłuku zwučowanskich hrow kaž tež wubědźowanjow dyrbja so wšitcy přidatnych kontaktow (mjez druhim zhromadne wyskanje) wzdać; zwjazkowy kraj přesahowace wubědźowanja su zakazane
Widźał, słyšał, napisał (22.06.20)
Lubi čitarjo, poprawom wšak chcych so tule zaso raz na naš kuriozny koparski swět wusypać. Wosebje w času korony je wšak so wón a su so tež jeho zamołwići zaso raz wot najlěpšeje stronki pokazali – kedźbu, ironija! Potom pak běše mój kolega Tomaš Faska dźens tydźenja spěšniši a je tu hižo wobšěrnje swoje mysle nastupajo tónle system zapodał. Pod smužku – telko chcył hišće dodać – njedźiwam so, zo su jako prěnje zaso kopańcu hrali – a to prjedy, hač su scyła wukazy zjawneho žiwjenja zaso wolóžili.
Pokazało so tež je, hdyž wo pjenjezy a priwilegije dźe, su sej samo funkcionarojo konkurěrowacych towarstwow přezjedni. Rummenige, Watzke a co. su dźě wšitcy zjawnje na restart kopańcy tłóčili a při tym swoje dobre zwiski k politice wužiwali.
Sport (19.06.20)
DFB-junior-coach so stać
Koparska licenca DFB-junior-coach steji cyle na spočatku trenarskeho wukubłanja a je specielnje na šulerki a šulerjow wusměrjena. Poprawom přewjeduja wukubłanje direktnje na šulach, koronapandemije dla pak dyrbjachu wulki dźěl planowanych kursow wotprajić. Nětko je so Sakskemu koparskemu zwjazkej poradźiło dźewjeć nowych wukubłanskich jednotkow organizować, kotrež budu na wšelakich městnach. Za wobdźělnikow su wone darmotne. Po wuspěšnym dalekubłanskim kursu zmóžnja jim hnydom w nazymskich prózdninach dalši za C-licencu za młode trenarki a młodych trenarjow. Přizjewjenja za kursy pod www.sfv-online.de
Prěnje testowe hry zaso móžne
We wjacorych koparskich zwjazkach na wokrjesnej a krajnej runinje su zamołwići koparskich mustwow zaso prěnje přećelske hry přizjewili. Někotre smy wupytali:
20.06. 15.00 FSV Nowosólc-Hródk –
ST Horni kraj Sprjewja
20.06. 15.00 Lok Slepo –
Žołto-běli Zhorjelc 09
20.06. 15.00 ST Chrjebja-Nowa Wjes –
HZ Łaz/Běły Chołmc
27.06. 16.00 ESV Lok Falkenberg –
FC Energija Choćebuz
Pod Kaponicu trenować
Chce ze serbskimi towarstwami hromadźe dźěłać
Tadeja Cyža z Njebjelčic serbscy přiwisnicy kopańcy znaja, wšako je wón wjele lět za domjacu sportowu jednotku SJ Njebjelčicy kaž tež za Serbsku koparsku wubranku kopački šnórował. Zranjenja dla drje hižo za bulom njehoni, je pak so přeco zaso dale kubłał a trenarske licency złožił. Wot 1. awgusta přewozmje nowy nadawk pola Jednoty Kamjenc. Jurij Bjeńš je jemu k tomu někotre prašenja stajił.
Tadejo, w powěsćach smy zhonili, zo budźeš wot noweje hrajneje doby koordinator dorosta Jednoty Kamjenc. To bě chětro překwapjace. Kak je k tomu dóšło?
T. Cyž: Do Kamjenca wšak mějach hižo dlěši čas kontakt, běch tam tež chwilu terapeut 1. mustwa. Dokelž je dotalny zamołwity za dorost, Tom Nowak k FC Energiji Choćebuz šoł, bu tam městno swobodne. Kontakt k wjednistwu bě spěšnje nawjazany, a zhromadne rozmołwy běchu super. Wšako wobsahowje wšitko trjechješe, kaž běch sej to předstajił. Přewozmu tuž zastojnstwo młodźinskeho koordinatora pola Jednoty.
Jako sportowy terapeut maš we Wojerecach krute a trěbne dźěłowe městno. Woboje tola njepóńdźe, abo?
