Domjacy wuspěšnje wobstali
DJK Módro-běli Kulow – DJK Sokoł Ralbicy/Hórki 2:0 (1:0)
Zestawa domjacych: Peschel – Brösan, Semjank, Zomack, Marchl, Schacht, Beckel, Młynk, Grofa, Wróbl, Schursch, Modsching, Prucha; zestawa hosći: Měškank, Rychtar, Zynda, Matka, M. Žur, Šołta, Obst, Kocor, Brězan, Čornak, Serbin, Brückner, S. Žur, Šwejda, Jakubaš
Byrnjež přećelske hry hižo wjacore tydźenje zaso dowolene byli, je hač do zašłeho pjatka trało, zo móžachu koparjo-stari knježa Sokoła Ralbicy/Hórki skónčnje zaso tajku přewjesć. Poslednju testowu partiju za winowatostne dypkowe hry běchu 7. měrca w Dobruši přećiwo cyłkej ST Hnašecy-Dobruša wotměli.
Sokołki a Sokoljo so lětsa do Čěskeje podali njejsu
Nimale kóžde sportowe towarstwo pěstuje přećelske styki z dalšim zjednoćenstwom, z kotrymž so zetkawa a wuměnja. Jeli tajke zwiski k tomu hišće lětdźesatki wobsteja, je to hižo wosebitostka. Tajke wobstajne krute přećelstwo hajitej na přikład DJK Sokoł Ralbicy/Hórki a čěski TJ Sokol Spálené Poříčí.
Kaž je hižo z dołhej tradiciju, chcychu so spočatk julija zaso něhdyši kaž tež tučasni čłonojo delanskeho towarstwa z čěskimi přećelemi zetkać. Lětsa chcychu w Čěskej 55. wuměnu woswjećić, tola koronapandemije dla z toho ničo njebu. Hana Krawcowa z Ralbic, kotraž čěsko-łužisku wuměnu organizuje, praji: „Planowane na zbožo hišće ničo njebě. Wšako dołho dosć wědźachmy, zo lětsa najskerje žana wuprawa njebudźe.“
Wuslědki (14.07.20)
Tabulce koparskeho dorosta Braniborskeje
D-juniorojo, wokrjesna klasa stafla B Južna Braniborska
1. HZ Schipkau/Annahütte/Murjow
9 83 : 14 2,78
2. FC Schradenland 8 51 : 20 2,38
3. Złokomorowski FC 9 48 : 28 2,33
4. Chemija Carny Gózd 9 42 : 33 2,00
5. Hóznja/Bukow/Tśikojce 8 26 : 27 1,63
6. HZ Schipkau/Annahütte/Murjow II
9 14 : 36 1,11
7. HZ Sängerstadtregion 8 13 : 25 0,75
8. ST Germania Rólany 10 24 : 55 0,60
9. HZ Frauendorf/Lindenau/Großkmehlen/Wótrań/Tettau II 10 5 : 68 0,00
10. FC Łuchow II 0 0 : 0 0,00
D-juniorojo, wokrjesna klasa stafla C Južna Braniborska
1. VfB Lubuš 1912 9 57 : 2 3,00
2. HZ Sängerstadtregion II 9 64 : 4 2,67
3. ST Rań 8 57 : 11 2,25
4. ST Pruska Wikow 9 38 : 21 1,78
5. Módro-běli Wětošow 9 28 : 35 1,33
6. HZ Kalawa/Lok Kalawa 9 30 : 46 1,11
7. TSG Lubnjow 63 II 8 21 : 51 0,50
8. HZ Grabin II 9 9 : 79 0,22
9. HZ Sängerstadtregion (D-holcy)
8 6 : 61 0,13
Wosebite sportowe lěto so nachila
Šulske sportowe lěto 2019/2020 na Serbskim gymnaziju Budyšin (SGB) započa so loni w septembrje z tradicionalnym lochkoatletiskim swjedźenjom na Budyskej Młynkec łuce. Wubědźowanje w třiboju doby dwanatkar Fridtjof Schade z Budyšina z 317 dypkami. Druha najlěpša w běhanju, skakanju a kulostorku bě šulerka 9. lětnika Sarah Bauchec z Boranec z 298 dypkami. Třeće městno zawěsći sej aktiwna koparska sudnica, dwanatkarka Lea Krječmarjec z Wulkeho Wjelkowa z 292 dypkami. Tón dźeń docpě Fridtjof při storčenju pjeć kilogramow ćežkeje kule z 13,15 metrami nowy rekord na serbskim kubłanišću. Šulski rekord w lochkoatletiskim třiboju dźerži dale lońša maturantka Tereza Pöpelec z Chrósćic z grandioznymi 445 dypkami z lěta 2015.
Widźał, słyšał, napisał (13.07.20)
„Mentalny trening je runje tak wažny kaž ćělny, wučinja druhdy samo wjetši podźěl zwučowanja hač ćělne napinanje.“ Takle bě moja profesorka za sportowu psychologiju před lětami swoje prěnje čitanje zahajiła. A wona měješe prawje. Čim dlěje jej připosłuchach, ćim bóle spóznawach so sama w swojim zadźerženju při sporće, wosebje na wubědźowanjach.
Bjermy sej raz znaćišu atletku za přikład: Na běžkach njemóžeše Magdalenu Neuner nichtó přetrjechić. Na třělnišću pak so wona boješe. Přiwšěm je jej prawidłowny trening k olympiskej dobyćerce dopomhał. Krute zwučowanja jej pomhachu, přihladowarjow a konkurentki wusćinić (ausblenden). Kelko ćišća ma atlet wudźeržeć, pokaza so tež w tym, zo dyrbješe Magdalena Neuner swoju slěbornu medalju před kamerami zakitować. Samo druhe městno njezdaše so we wočach zjawnosće dobre dosć być.
Sport (10.07.20)
Tribunowy běh
Prěni raz zarjaduje Budyske lochkoatletiske sportowe towarstwo Čerwjeno-běli 90 tak mjenowany tribunowy běh a přewjedźe jón dźensa wot 17 hodź. w stadionje na Młynkec łuce. Wubědźowanje je tak koncipowane, zo spjelnja wšitke postajenja hygieny. Běh je za jednotliwcow, wobdźělnicy startuja we wotstawku 30 sekundow. Čara je slědowaca: Na Młynkec łuce maja jedne koło na a při běžni běžeć. Na zapadnej stronje, hdźež steji wěža stadionoweho rěčnika, dyrbi sportowc trójce po tribunje horje a dele běžeć a na tamnej stronje někotre přidatne sekle, tak zo wučinja jedne koło něhdźe 555 metrow. Wulki wubědźowanski charakter drje běh njezměje, zamołwitym pak hłownje wo to dźe, zo ludźo zaso sportuja.
Kónctydźenska kopańca
12.07. 15.00 Hlinowski SC –
HZ Łaz/Běły Chołmc
19.07. 14.00 LSV Nowe Město –
SV Eintracht Sermuth
22.07. 18.30 LSV Nowe Město –
FC Energija Choćebuz
25.07. 15.00 LSV Nowe Město –
VfB 1921 Kśišow
26.07. 15.00 FSV Nowosólc-Hródk –
Biskopičanske KT 08 II
02.08. 14.00 ST Porchow –
ST Hbjelsk 1923
16.08. 14.00 ST Porchow –
Natwar Němske Pazlicy
Marathonowe płuwanje w jězoru
„Schiebock běha ekstremnje“ lětsa změnjene
Wubědźowanje „Schiebock běha ekstremnje“ chcedźa lětsa trochu hinak přewjesć. Pjatk, 17. julija, budźe to wot 16 do 21 hodź., dźeń po tym wot 9 do 21 hodź. Čara powjedźe běharki a běharjow po sportowym parku Wesenitz. Na 700 metrow dołhim kole dyrbja wobdźělnicy dźesać zadźěwkow přewinyć.
Na wuběr steji 30mjeńšinowy běh za 14 eurow a 60mjeńšinowy za 18 eurow. W połhodźinskim abo hodźinskim běhu ma wobdźělnik telko kołow kaž móžno absolwować. Nimo sportowanja su w startowym pjenjezu zapřijate: hadźicowy šawl, něšto k jědźi, medalja a hišće tójšto wjac. Dalše informacije pod www.schiebock-laeuft-extrem.de
Wukubłanje trenarjow za wrotarjow
Tež wrotarkam a wrotarjam njesmědźa so žane zmylki stać. Jeli žona abo muž mjez žerdźomaj pódla přimnje, móže so hrajna scena z přećiwniskimi wrotami skónčić. Wukon koparki abo koparja we wrotach ma tuž relatiwnje wulki wliw na wuslědk hry. Nimo toho je runje mjenowana pozicija z techniskim a taktiskimi žadanjemi zwjazana. A te posrědkuje nazwučowar wrotarjow zamołwity.
Dźeń holčeje kopańcy w Šwikawje
Wuslědki (09.07.20)
Tabulki koparskeho dorosta Braniborskeje
C-juniorojo, wokrjesna liga stafla B Južna Braniborska
1. FSV Čerwjeno-běli Łukow 9 51 : 1 2,78
2. ST Rań 10 73 : 8 2,50
3. SJ Lubin 65/Wacker 21 9 59 : 20 2,33
4. HZ Lok Kalawa/ST Kalawa/Wětošow
10 37 : 21 1,90
5. Módro-běli Lubolce 10 37 :2 8 1,80
6. SJ Gießmannsdorf 9 35 : 62 1,11
7. Aleman. Stara Darbnja 9 31 : 32 1,00
8. SG Gójac/Lutol 10 24 : 57 0,90
9. TSG Lubnjow 63 10 33 : 46 0,60
10. Zeleno-běli Lubin 10 9: 114 0,00
D-juniorojo, wokrjesna liga Južna Braniborska
1. HZ Grabin 8 38 : 15 2,63
2. Brjazki/Zły Komorow II 10 51 : 6 2,40
3. TSG Lubnjow 63 9 53 : 24 2,00
4. HZ Ortrand/Frauendorf/Großkmehlen/Lindenau 9 23 : 14 1,67
5. Zeleno-běli Lubin 8 27 : 30 1,50
6. Brjazki/Zły Komorow III 9 33 : 34 1,11
7. HZ Sonnewalde/Crinitz 8 19 : 34 0,88
8. FC Łuchow 9 20 : 47 0,56
9. TSV Missen 8 7 : 67 0,38
D-juniorojo, wokrjesna klasa stafla A Južna Braniborska
1. VfB Herzberg 68 II 9 76 : 11 3,00
2. ESV Lok Sokolnica 10 86 : 14 2,40
3. Módro-běli Möglenz 9 42 : 5 2,33
4. VfB Herzberg 68 8 43 : 26 2,25
5. FC Bad Liebenwerda 11 34 : 31 1,55
6. Sliwin II/Schönewalde 10 16 : 45 1,40
7. TSV 1878 Sliwin 10 41 : 49 1,00
8. SV Empor Mühlberg 10 18 : 70 0,60
9. SV Lok Uebigau 11 23 : 65 0,36
10. ST Wikow (D-holcy) 10 5 : 68 0,30
Naprašowanje w rjadach koparjow Sportoweje jednotki Chrósćicy
W Němskim koparskim zwjazku (DFB), w Sakskim koparskim zwjazku (SFV) a na najnišej runinje Zapadołužiskeho koparskeho zwjazka (WFV) njejsu w času koronapandemije lěnjeho pasli. Maksimilian Zahrodnik je někotre měnjenja k dźěłu runje mjenowanych zwjazkow w rjadach Sportoweje jednotki Chrósćicy nazběrał.
Józef Donat: Jako přiwisnik kopańcy sym wězo wjesoły, zo su sezonu na profijowej runinje dohrać móhli. Tak mějach zaso kónctydźensku zaběru. Po mojim zdaću tróšku njefairne pak bě, zo mějachu tam naraz pjenjezy a srědki za testy. Porno tomu je we wjetšich zetkawanskich centrach, ale tež w šulach přeco hišće wobćežne so dosć testować dać. Zapadołužiski koparski zwjazk je to po mojim měnjenju derje činił. Wot tydźenja k tydźenjej su tam rozsudźeli, a, bě-li trjeba, hry wotprajili. Na kóncu cyły zbytk sezony 2019/2020. Wězo njejsu na tej runinje móžnosće date, zo by so dale hrać hodźało. Sym pak wjesoły, zo směmy mjeztym zaso trenować a zo je start přichodneje sezony tak daloko zrjadowany. Tak so jako koparski lajk na hrajnu dobu 2020/2021 wjeselu.
