Gymnaziasća z wulkim wjeselom w Janskich Láznjach sněhakowali
22. raz pobychu šulerjo Serbskeho gymnazija Budyšin (SGB) w čěskich Janskich Láznjach, zo bychu so tam w alpinskim sněhakowanju wukmanili.
W stawiznach SGB započa so sněhakowarske wukubłanje w februaru 1995 w Malej Upje w čěskich Kyrkonošach, hdźež přebywachu šulerjo a wučerjo dwójce. 1998 započa so alpinske wukubłanje w Janskich Láznjach blisko Čorneje hory. Lětsa w měrcu dojědźechu sej 49 šulerjow, štyrjo wučerjo a třo studenća (něhdyši šulerjo SGB) do znateho kwartěra pensije „Protěž“. Wjedro bě měnjate, na pistach pak knježachu idealne wuměnjenja.
Tři skupiny 22 započatkarjow wuwučowachu wučerka za čěšćinu Jana Štillerová, student Matej Wjeńka a čěski instruktor Lukáš Vavrda. Marie-Luise Matješkec a Maksimilian Zahrodnik běštaj dalšej pomocnikaj. Wo tamne tři skupiny postupnikow a technisce hižo lěpšich šulerjow starachu so sportowi wučerjo Tereza Wićazowa, Gabriela Jendrewscyna a hłowny organizator sněhakowarskeho wukubłanja Měrko Korjeńk.
Po stajnje pjećhodźinskim zwučowanju přizamkny so wječor wuhódnoćenje z pomocu wideja.
Serbscy gymnaziasća w krajnym finalu
Po tym zo přesadźichu so wolejbulisća Serbskeho gymnazija Budyšin wuspěšnje we wokrjesnym finalu w Biskopicach a tež na regionalnym finalu w Rychbachu (Reichenbach), podachu so hólcy starobneje klasy II do Dippoldiswaldy na krajne finale. Tam nastupichu woni jako jedne ze šěsć najlěpšich šulskich wolejbulowych mustwow swojeje staroby ze Sakskeje. Wubědźowanje wotmě so w dwěmaj staflomaj. W stafli gymnaziastow z Budyšina běchu tež mustwa Gymnazija Bernhard von Cotta z Brand-Erbisdorfa a mustwo Lipšćanskeho Krajneho gymnazija za sport.
Serbski gymnazij Budyšin – Gymnazij Bernhard von Cotta Brand-Erbisdorf 2:1
Hižo w prěnjej hrě běše niwow na polomaj jara wysoki. W prěnjej sadźbje partije přećiwo cyłkej z Brand-Erbisdorfa přesadźichu so Budyscy wolejbulisća z 25:22. Přiwšěm běše hra jara wurunana. W druhim přechodźe podležachu přećiwnikej snadnje z 23:25. W třećej, a zdobom rozsudnej sadźbje, woni hišće jónu pokazachu, zo zamóža tež měr wobchować, štož so skónčnje wudani. Serbska šestka přesadźi so jasnje z 15:7.
Serbski gymnazij Budyšin – Krajny gymnazij za sport Lipsk 0:2
Regionalny koparski ligist Budissa Budyšin je pola Kamjeničanskeho ...
Lodohokejistka mytowana
Na lětušej sportowej gali w Nišćanskim wobydlerskim domje su minjenu sobotu najlěpše sportowče, najlěpšich sportowcow a najlěpše mustwa wokrjesa Zhorjelc mytowali. Dorostowej lodohokejistce Theji Marleen Bartell ze zjednoćenstwa Lodosport Běła Woda spožčichu prěnje myto. Něhdyša šulerka Slepjanskeje šule je hižo na swětowych mišterstwach U 18 zasadźena była. Wot noweje sezony hraje wona z dwójnej licencu za cyłkaj Lodowych mjedwjedźow juniors w Berlinje a Liškow w Běłej Wodźe.
W kategoriji mustwa wuzwolichu Łužiske lodohokejowe liški na třeće městno. Prěnje městno wobsadźi lodohokejowy cyłk Tornados Niska, druhe Akrobatikowy team Niska. Marcel Rjelka
Nowy dobyćer turněra CDU
We Worklecach wotmě so njedawno 9. młodźinski koparski turněr zapósłancow krajneho sejma Alojsa Mikławška a Franka Hirchi kaž tež europskeho zapósłanca Hermanna Winklera.
Dohromady wobdźěli so we Worklečanskej sportowej hali dźesać wólnočasnych koparskich teamow. Tež tři serbske cyłki běchu zastupjene. Zakitowarja pokala ze Smjerdźaceje zastupowaše cyłk z Pančic-Kukowa a tež dwaj kolektiwaj Worklečanskich koparskich přećelow podachu so na halowy parket. Dale hrajachu Gymnazij Kamjenc, Gymnazij Wojerecy, Traktor Jitk, DRK Komando Ohorn, Accumotive I a II a TSV 1805 Ohorn.
Halowy rěčnik Jonas Klawitter, kiž je tež šulerski rěčnik Kamjenskeho Lessingoweho gymnazija, měješe tón dźeń kopicu dźěła, wšako su koparjo wjele wrotow třěleli. Mjenje dźěła měješe sudnik Detlef Kral při zwjetša fairnym wotběhu wubědźowanja. Moto tež bě, z wjeselom při kopańcy dobru zhromadnosć pěstować.
Wuspěšna premjera koparskeho turněra
Dwójce hižo přewjedźechu wólnočasny turněr Worklečanskich koparskich přećelow na trawniku w Jaseńcy, w hali pak hišće nic. Do premjery we Worklečanskej ćěłozwučowarni pak mějachu wólnočasni wjesni koparjo najprjedy raz dwaj problemaj rozrisać, dokelž njemějachu přistup do towarstwoweje rumnosće a tak k posłužowanju wuslědkoweje tafle. Zarjadowarjo pak to najlěpše z toho sčinichu.
Wosom cyłkow je so nětko w modusu kóždy přećiwo kóždemu wubědźowało; mjez druhim tež młodźina C Módro-běłych Njeswačidło, kotraž pak so dorosćenych scyła njeboješe. Z wuběrnym wustupowanjom postara so wona wo wulke woči mjez přihladowarjemi.
Po 28 zetkanjach a něhdźe pjeć hodźinach hrajneho časa móžeše so team No Name z Pančic-Kukowa, kotryž bě hižo dwójce w Jaseńcy dobył, nad pokalom wjeselić. Druhe městno wobsadźi VSG Njeswačidło před prěnim mustwom Worklečanskich koparskich přećelow.
Wuslědki (26.03.19)
Kopańca, regionalna liga muži
Auerbach – Rathenow 2:3 (0:1)
Babelsberg – HŁ Neugersdorf 4:0 (3:0)
BFC Dynamo – Hertha BSC II 0:4 (0:2)
Kamjeničanski FC – Budyšin 1:0 (0:0)
Biskopicy – Viktoria Berlin 2:1 (1:1)
Berlinski AK – VSG Altglienicke 2:1 (0:1)
Halberstadt – Lok Lipsk 0:0 (0:0)
Fürstenwalde – Meuselwitz 0:2 (0:0)
Erfurt – Nordhausen1:0 (1:0)
Nic wosebje rjana, za to pak wuspěšna hra
MSV Budyšin II – Viktoria Worklecy 0:3 (22:25, 17:25, 20:25)
1. Volleys Koblicy 13 39 : 6 39
2. CVJM Zhorjelc 14 36 : 21 31
3. Viktoria Worklecy 13 34 : 15 30
4. MSV Budyšin 04 II 14 24 : 29 17
5. Módro-běli Wojerecy II 13 22 : 24 16
6. TSV Niederoderwitz 13 19 : 31 14
7. TSV Kundraćicy 13 21 : 33 13
8. ST Wulka Dubrawa 13 18 : 30 13
9. OSSV Kamjenc 14 14 : 38 7
Worklečanscy wolejbulisća mějachu sobotu wonkownu hru w Budyšinje, atmosfera w Daimlerowej hali pak bě skoro kaž doma we Worklecach. Wo to postarachu so žony Hrajneho zjednoćenstwa Pančicy-Worklecy, kotrež su z połnym mustwom, bubonom a sylnymi hłosami „młodym dźiwim“ rjap skrućeli. To bě tež trjeba, započachu dźě Worklečenjo hru jara njekoncentrowanje. Hač do stawa 20:16 hosćićeljo přeco nawjedowachu, byrnjež sami žane sylne akcije njeměli. Za to bě započatk sadźby „festiwal“ zmylkow při nadaćach, w přiwzaću a bloku, a to pola Worklečanow kaž tež pola MSV, jenož něšto mjenje pola domjacych. Tak dosahaše jenož krótka serija sylnych nadaćow Stephana Gedika (do toho tež skerje njewěsty) a sadźba bě z 22:25 zwjertnjena.
W druhej połseriji prěnju poražku poćerpjeli
Drohotka Ramnow
– Sokoł Ralbicy/Hórki 3:1 (1:0)
Zestawa hosći: Schöne – Hilbich (46. Schultz), Šewc, Bjeńš, Rawš, Matka, Korjeńk, Šołta, Wowčerk, G. Kurjat (65. Gloxyn), M. Kurjat (46. Bejmak)
Prěnje štyri hry druheje połserije njeběchu koparjo Sokoła Ralbicy/Hórki přěhrali, njedźelu w Ramnowje pak čakaše na nich prěnja poražka. Duel třeći přećiwo štwórtemu tabulki bě wot prěnjeje do poslednjeje mjeńšiny wurunana naležnosć, jeno zo domjacy swoje šansy lěpje wužiwachu. Skerje pak dominowachu dwuboje a małe foule. Při wotzamknjenju abo poslednjej přihrawce pobrachowaše na woběmaj stronomaj konsekwentnosć. Tak dopomha hosćićelej standard před Ralbičanskej šěsnatku k nawjedowanju. Nico Hilbich foulowaše swojeho přećiwnika, a rutinowany Patrick Herrmann zběhny kulowatu kožu wyše murje do wrotow Willija Schöny. Tón drje bě hišće z porstami při bulu, ale njezamó jón wotwobarać.
Widźał, słyšał, napisał (25.03.19)
Awtorka dźensa
Halena Jancyna
Njedawno słyšach w radiju interview z Alisu Fatum. Znajeće ju? Wona je dwójna swětowa mišterka, wobaj titulej wudoby sej w Murmansku. Nětko so zawěsće prašeće, w kotrej sportowej disciplinje da!? – na, w lodowym płuwanju, němsce Eisschwimmen. Dokelž je mi tale ekstremna sportowa družina njeznata, sym so raz w interneće wobhoniła.
W ruskim Murmansku su njedawno swětowe mišterstwa w lodowym płuwanju přewjedli, a to w třoch disciplinach. Woda měješe temperaturu wokoło nule, štož je tež za nazhonitych płuwarjow ekstremnje zyma. Za němskich sportowcow pak bě to po zdaću runje prawa temperatura, dokelž docpěchu jako stafla 4×250 m wólny stil nowy swětowy rekord. W 12:08:37 min wudoby sej kwartet titul před Pólskej a Ruskej. Za Němsku startowaca štwórka Alisa Fatum, Christof Wandratsch, Stefan Runge a Tobias Jäkle wyskaše po dobyću. W kralowskej disciplinje 1 000 m wudoby sej płuwarka z Lipska Alisa Fatum druhi titul. Němski team bě najwuspěšniše mustwo na swětowych mišterstwach. Jeničce pola muži přesadźi so Peter Stojčew z Bołharskeje, a to w 12:10:81 min na 1 000 m.
